Республика истеъмолчиларини нефть маҳсулотлари билан таъминлаш тизимини янада такомиллаштириш ва уларни сотишда ҳисоб-китоб қилиш механизмини тартибга солиш мақсадида Вазирлар Маҳкамаси қарор қилади:

1. «Ўзбекнефтгаз» миллий холдинг компанияси ва Ўзбекистон Республикаси Давлат мулки қўмитасининг «Ўзнефтмаҳсулот» акциядорлик компанияси минтақавий унитар корхоналарини тугатиш ҳамда 1-иловага мувофиқ юридик шахс мақомига эга бўлган мустақил нефть базалари ташкил этиш тўғрисидаги таклифлари қабул қилинсин.

Белгилансинки, юридик шахс мақоми билан ташкил этилаётган нефть базалари:

унитар корхона ҳисобланади ҳамда бевосита «Ўзнефтмаҳсулот» акциядорлик компанияси тасарруфида бўладилар;

хўжалик шартномалари тузадилар ва нефтни қайта ишлаш заводлари билан тўғридан-тўғри ҳисоб-китоб қиладилар.

2. 2-иловага мувофиқ кам қувватли, паст рентабелли нефть базалари ва уларнинг филиаллари тугатилсин, уларнинг мол-мулки «Ўзнефтмаҳсулот» акциядорлик компанияси балансига берилсин.

Ўзбекистон Республикаси Давлат мулки қўмитаси «Ўзбекнефтгаз» миллий холдинг компанияси билан биргаликда тугатилаётган нефть базалари ва уларнинг филиалларининг бўшаётган мол-мулкидан фойдаланиш ёки уларни сотиш юзасидан бир ой муддатда Вазирлар Маҳкамасига таклифлар киритсин.

3. «Ўзнефтмаҳсулот» акциядорлик компанияси марказий аппарати тузилмасида:

Нефть базалари фаолиятини мувофиқлаштириш бошқармаси ташкил этилсин, унга нефть базалари томонидан тезкор, ишончли ҳисобот ўз вақтида берилиши таъминланишини, тўлов интизомига, тармоқ корхоналари учун белгиланган норматив талабларга риоя этилишини назорат қилиш функцияси юклансин. Нефть базалари фаолиятини мувофиқлаштириш бошқармаси таркибида олтита минтақавий зоналар бўйича 3-иловага мувофиқ ишчи гуруҳлари ташкил этилсин;

4-иловага мувофиқ 16 кишидан иборат Назорат-тафтиш бошқармаси ташкил этилсин. Назоратчи-тафтишчиларнинг лавозим вазифаларини белгилашда уларнинг минтақавий зоналарга бириктирилишига йўл қўйилмасин.

«Ўзбекнефтгаз» миллий холдинг компанияси Ўзбекистон Республикаси Молия вазирлиги билан биргаликда «Ўзнефтмаҳсулот» акциядорлик компаниясининг Нефть маҳсулотлари минтақавий бошқармаси тўғрисидаги низомни, «Ўзнефтмаҳсулот» акциядорлик компаниясининг Назорат-тафтиш бошқармаси тўғрисидаги низомни бир ой муддатда ишлаб чиқсин ва белгиланган тартибда тасдиқласин.

5. «Ўзбекнефтгаз» миллий холдинг компанияси:

бир ой муддатда «Ўзнефтмаҳсулот» акциядорлик компаниясининг минтақавий унитар корхоналарини тугатсин, шунингдек ташкил этилаётган нефть базалари ва комплекс автосервис пунктларини юридик шахс мақоми билан рўйхатдан ўтказсин;

икки ой муддатда нефть базалари томонидан нефть маҳсулотларини сотиш ҳуқуқини берувчи лицензиялар белгиланган тартибда олинишини ҳамда нефтни қайта ишлаш заводлари ва улгуржи истеъмолчилар билан 2003 йилда нефть маҳсулотлари етказиб бериш юзасидан тўғридан-тўғри шартномалар тузилишини таъминласин;

бир ой муддатда «Ўзнефтмаҳсулот» акциядорлик компаниясининг тугатилаётган минтақавий унитар корхоналари активлари ва мажбуриятларини «Ўзнефтмаҳсулот» акциядорлик компанияси ҳамда унинг нефть базалари ва комплекс автосервис пунктлари ўртасида тақсимласин;

нефть базалари тузилмасини ва штат жадвалини танқидий баҳоласин ва улар бўйича тегишли нормативларни тасдиқласин.

6. Ўзбекистон Республикаси Иқтисодиёт вазирлиги, Молия вазирлиги, «Ўзбекнефтгаз» миллий холдинг компанияси, «Ўзнефтмаҳсулот» акциядорлик компанияси, «Ўздавзахира» бош бошқармаси 2003 йилда нефть маҳсулотлари давлат захираси ҳажмлари ҳамда нефть маҳсулотлари давлат захираси учун ғамлаб қўйиладиган ва сақланадиган нефть базалари ва уларнинг филиалларининг аниқ рўйхати юзасидан икки ҳафта муддатда Вазирлар Маҳкамасига таклифлар киритсинлар.

7. 2003 йил 25 майдан бошлаб олдиндан мажбурий ҳақ тўлашнинг қуйидаги миқдорлари белгилансин:

автомобиль бензини ва суюлтирилган газ учун — 100 фоиз миқдорида;

нефть маҳсулотлари учун барча истеъмолчиларга — узил-кесил ҳисоб-китобларни 60 кун доирасида амалга оширган ҳолда, камида 30 фоиз миқдорида.

«Ўзбекнефтгаз» миллий холдинг компанияси Ўзбекистон Республикаси Молия вазирлиги билан биргаликда Нефть маҳсулотлари етказиб бериш, сотиш ва ҳисоб-китоб қилиш тартиби тўғрисидаги низомни икки ҳафта муддатда ишлаб чиқсин ва белгиланган тартибда тасдиқласин.

8. Белгилансинки, нефть ва газ маҳсулотлари учун ҳақ тўлашнинг белгиланган тартиби «Ўзбекнефтгаз» миллий холдинг компанияси тизими ичида бузилган тақдирда:

кам ўтказилган суммага Ўзбекистон Республикаси Солиқ кодекси 135-моддасининг 8-бандида белгиланган ставка бўйича пеня қўшилади, пеня тартиб бузилишида айбдор бўлган хўжалик юритувчи субъектдан бюджетга ундирилади;

тўловчи ёки давлат солиқ хизмати органининг топшириғини бажармасликда ёки ўз вақтида бажармасликда айбдор бўлган хизмат кўрсатувчи банкдан бюджетга муддати ўтказиб юборилган ҳар бир кун учун кам ўтказилган сумманинг 0,5 фоизи миқдорида пеня ундирилади.

Ўзбекистон Республикаси Давлат солиқ қўмитасига молия инспекторлари билан биргаликда «Ўзбекнефтгаз» миллий холдинг компанияси томонидан нефть ва газ маҳсулотлари учун ҳисоб-китоб қилиш тартибига риоя қилиниши юзасидан уларда ҳар ярим йилда бир мартадан ортиқ бўлмаган қисқа муддатли мавзули текширишлар ўтказишига рухсат берилсин.

9. Белгилансинки, молия инспекторлари лавозимлари мазкур қарорга 1-иловада кўрсатилган барча нефть базаларида сақлаб қолинади ёки қўшимча равишда киритилади.

10. Қуйидагилар:

Ўзбекистон Республикаси Вазирлар Маҳкамасининг «Ўзбекнефтгаз» миллий холдинг компаниясини ташкил этиш ва унинг фаолияти масалалари тўғрисида» 1998 йил 15 декабрдаги 523-сон қарорига 3-илова;

Ўзбекистон Республикаси Вазирлар Маҳкамасининг «Товарларнинг айрим турларини ишлаб чиқариш ва сотишни давлат томонидан назорат қилишни кучайтиришга доир қўшимча чора-тадбирлар тўғрисида» 1998 йил 23 декабрдаги 532-сон қарорига 1-илованинг II бўлими ўз кучини йўқотган деб ҳисоблансин.

11. Ўзбекистон Республикаси Молия вазирлиги, Давлат солиқ қўмитаси, Адлия вазирлиги қонун ҳужжатларига мазкур қарордан келиб чиқувчи ўзгартиришлар ва қўшимчалар киритиш юзасидан икки ҳафта муддатда Вазирлар Маҳкамасига таклифлар киритсинлар.

12. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.

1. Тахиатош нефть базаси

Чимбой филиали

Қўнғирот филиали

филиал - комплекс автосервис пункти

2. Элликқалъа нефть базаси

Тўрткўл филиали

Қоратов филиали.

1. Андижон нефть базаси

Асака филиали

Шаҳрихон филиали

Пойтуғ филиали

2. Гурунчмозор нефть базаси

1. Бухоро нефть базаси

Қоракўл филиали

Кўкча филиали

1. Зарбдор филиали.

2. Дўстлик нефть базаси

Ержар филиали

1. Қарши нефть базаси

Косон филиали

Айритом филиали.

филиал - комплекс автосервис пункти

2. Шаҳрисабз нефть базаси

Яккабоғ филиали

Ғузор филиали

Китоб филиали.

1. Навоий нефть базаси

Хатирчи филиали

Қизилтепа филиали

Зарафшон филиали

Учқудуқ

1. Тўрақўрғон нефть базаси

Чуст филиали

Поп филиали

2. Уйчи нефть базаси

Учқўрғон филиали

1. Мароқанд нефть базаси

Булунғур филиали

Жомбой филиали

филиал - комплекс автосервис пункти

2. Нуробод нефть базаси

Зиёвуддин филиали

Зирабулоқ филиали

1. Термиз нефть базаси

Болдир филиали

Жарқўрғон филиали

филиал - комплекс автосервис пункти

2. Денов нефть базаси

Қумқўрғон филиали

Олтинсой филиали

1. Гулистон нефть базаси

Сирдарё филиали

филиал - комплекс автосервис пункти

1. Пахта нефть базаси

2. Чинобод нефть базаси

Қибрай филиали

3. Кучлик нефть базаси

Бекобод филиали

1. Фарғона нефть базаси

Қува филиали

Олтиариқ филиали

2. Қўқон нефть базаси

Фурқат филиали

1. Урганч нефть базаси

Хонқа филиали

Шовот филиали

Ҳазорасп филиали

филиал - комплекс автосервис пункти

Ҳаммаси: 23 нефть базаси, 43 филиал ва 6 комплекс автосервис пункти (нефть базаларининг филиаллари)

1. Қоратов нефть базаси

2. Тахиатош нефть базасининг Хўжайли филиали

1. Пахтаобод нефть базаси

2. Асака нефть базасининг Марҳамат филиали

3. Гурунчмозор нефть базасининг Хонобод филиали

4. Шаҳрихон нефть базасининг Улуғнор филиали

5. Андижон нефть базасининг Куйганёр филиали

1. Бухоро нефть базасининг Когон филиали

1. Пахтакор нефть базаси

2. Зарбдор нефть базаси

3. Жиззах нефть базасининг Зафаробод филиали

4. Дўстлик нефть базасининг Арнасой филиали

5. Лалмикор нефть базасининг Бахмал филиали

1. Нишон нефть базаси

2. Қамаши нефть базаси

3. Айритом нефть базаси

4. Ғузор нефть базасининг Деҳқонобод филиали

5. Шаҳрисабз нефть базасининг Китоб филиали

1. Чортоқ нефть базаси

2. Ҳаққулобод нефть базаси

3. Наманган нефть базаси

4. Поп нефть базаси

5. Тўрақўрғон нефть базасининг Косонсой филиали

1. Каттақўрғон нефть базаси

2. Жомбой нефть базаси

3. Зиёвуддин нефть базасининг Зирабулоқ филиали

4. Мароқанд нефть базасининг Оқдарё филиали

5. Каттақўрғон нефть базасининг Иштихон филиали

1. Сариосиё нефть базаси

2. Шўрчи нефть базаси

3. Қумқўрғон нефть базасининг Бойсун филиали

4. Сариосиё нефть базасининг Узун филиали

5. Шўрчи нефть базасининг Олтинсой филиали

1. Қибрай нефть базаси

2. Кучлик нефть базасининг Янгибозор филиали

3. Кучлик нефть базасининг Ангрен филиали

4. Кучлик нефть базасининг Паргос филиали

1. Рапқон нефть базаси

2. Олтиариқ нефть базаси

3. Фарғона нефть базасининг Марғилон филиали

1. Боғот нефть базаси

2. Шовот нефть базасининг Гурлан филиали

3. Ҳазорасп нефть базасининг Тупроққалъа филиали

4. Урганч нефть базасининг Янгиариқ филиали

5. Ҳазорасп нефть базасининг Шарлоуқ филиали

Ҳаммаси: 19 нефть базаси ва 26 филиал.