Ўзбекистон Республикасининг «Чиқиндилар тўғрисида»ги Қонуни, Ўзбекистон Республикаси Вазирлар Маҳкамасининг 2010 йил 28 октябрдаги 239-сон «Товарлар (ишлар, хизматлар)га тартибга солинадиган нархлар (тарифлар)ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисида»ги қарори ижросини таъминлаш мақсадида Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Термиз шаҳар ҳудудида қаттиқ, маиший-хўжалик чиқиндиларни тўплаш, ташиш ва чиқиндихоналарда сақлаш тарифлари иловага* мувофиқ тасдиқлансин.

2. Шаҳар табиатни муҳофаза қилиш инспекцияси (М. Хайитова), шаҳар санитария эпидемиология назорати маркази (Х. Пирматов):

Термиз шаҳар ҳудудидаги маҳалла фуқаролар йиғинларида, барча корхона, ташкилот ва муассасаларга чиқиндиларни тўплаш, ташиш ва чиқиндихоналарда сақлаш хизматларини амалга оширишда қонун ҳужжатлари, экология меъёрлари ҳамда санитария қоидаларига риоя этилиши устидан назоратни амалга оширсин.

3. Термиз шаҳар «Ободонлаштириш» бошқармаси (Б. Махмудов)га:

шаҳардаги барча хонадонлар, мулкчилик шаклидан қатъи назар, хўжалик фаолиятини юритаётган субъектлар билан шартномалар тузиш ҳамда кўрсатилган хизматлар тўловларини ундириш бўйича зарур чоралар кўрилишини таъминлаш топширилсин.

4. Термиз шаҳар молия бўлими (Б. Худойберганов), шаҳар Давлат солиқ инспекцияси (Д. Даминов), шаҳар ДСНЭМ (Х. Пирматов), шаҳар табиатни муҳофаза қилиш инспекцияси (М. Хайитова):

шаҳар ҳудудида яшовчи фуқаролар ҳамда ташкилот, корхона ва муассасаларга қаттиқ, маиший-хўжалик чиқиндиларни тўплаш, ташиш ва чиқиндихоналарда сақлаш бўйича кўрсатилган хизматлар учун тўловларни ўз вақтида амалга оширилишига амалий ёрдам кўрсатсинлар.

5. Термиз шаҳар ҳокимининг 2013 йил 1 июлдаги 719-сон «Термиз шаҳар «Санитар тозалик» автокорхонасининг чиқинди чиқариш ва чиқинди сақлаш таърифларини тасдиқлаш ҳақида»ги қарори ўз кучини йўқотган деб ҳисоблансин.

6. Ушбу қарорнинг бажарилишини назорат қилиш шаҳар ҳокимининг биринчи ўринбосари П. Усанов зиммасига юклатилсин.

7. Мазкур қарор расман эълон қилинган кундан кучга киради.