Ўзбекистон Республикаси Президентининг 2013 йил 25 декабрдаги «Ўзбекистон Республикасининг 2014 йилги асосий макроиқтисодий кўрсаткичлари ва Давлат бюджети параметрлари тўғрисида»ги ПҚ-2099-сон қарори ва Сурхондарё вилоят ҳокимининг ушбу мазмунда 2013 йил 31 декабрдаги 246-сон қарори ижросини таъминлаш мақсадида, Ўзбекистон Республикаси Бюджет кодексининг 99-моддасига ҳамда Сурхондарё вилоят адлия бошқармасининг 2014 йил 20 январь кунидаги хулосасига асосан қарор қиламан:

1. Ўзбекистон Республикаси Президентининг 2013 йил 25 декабрдаги «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-2099-сон ва Сурхондарё вилоят ҳокимининг ушбу мазмундаги 2013 йил 31 декабрдаги 246-сон қарорлари маълумот ва ижро учун қабул қилинсин.

2. Сариосиё туманининг макроиқтисодий кўрсаткичлар прогнози 1-иловага* мувофиқ:

туман маҳаллий бюджетининг 2014 йилги параметрлари 2-иловага* мувофиқ;

туман маҳаллий бюджетининг даромадлари, харажатлари ҳамда давлат бюджетидан маҳаллий бюджетга ажратиладиган мақсадли субвенцияларнинг чекланган миқдори 3-иловага* мувофиқ;

туман маҳаллий бюджетига умумдавлат солиқлари тушумларидан ажратмалар нормативлари 4-иловага* мувофиқ;

туман маҳаллий бюджети айланма касса маблағининг йўл қўйиладиган энг кам миқдори 5-иловага* мувофиқ;

маҳаллий солиқлар ва йиғимлар ставкалари 6-иловага* мувофиқ;

савдо ва умумий овқатланиш корхоналарига, шунингдек шу соҳага тегишли микрофирмалар ва кичик корхоналар учун ягона солиқ тўлови ставкалари 7-иловага* мувофиқ тасдиқлансин.

4. Туман ҳокимлиги молия бўлими (Л. Шокиров)га:

солиқлар ва бошқа мажбурий тўловларни уларнинг манбалари кесимида тўлиқ ва ўз вақтида тушиши устидан тўлиқ ва сифатли мониторинг амалга ошириш;

туман маҳаллий бюджетининг ижро этилиши жараёнида унга тушумларни кўпайтириш бўйича қўшимча захираларни аниқлашда фаол иштирок этиш;

туман маҳаллий бюджетининг маблағларидан мақсадли фойдаланилиши устидан қаттиқ назоратни амалга ошириш;

маҳаллий бюджет ижросининг бюджет ҳисобини юритиш ва туман ҳокимлигига ҳар чорак якуни билан бюджет ижроси бўйича ҳисоботларни ўз вақтида тақдим этиш;

маҳаллий бюджетлар ижроси жараёнида ҳудудлардан тушадиган барча солиқ ва тўловларнинг тўлиқ тушишини таъминлаш мақсадида туманга бериладиган мақсадли субвенция ва ссудалар (даромадлар ва харажатлар ўртасидаги вақтинчалик касса тафовутларини қоплаш учун) ҳажмига ўзаро ҳисоб-китоблар орқали аниқлик киритиб бориш топширилсин.

5. Туман ҳудудидаги барча бюджет ташкилотлари ва бюджет маблағлари олувчилар:

муддати ўтган дебиторлик ва кредиторлик қарзларга йўл қўймаслик мақсадида тегишли ҳужжатларни судларга, ғазначилик бўлинмаларига ўз вақтида тақдим этсин;

шартномавий мажбуриятларнинг бажарилишини ўз вақтида, тўлиқ таъминласин.

6. Туман маҳаллий бюджетининг харажатларига ва харажатлари ёйилмасига ўзгартиришлар киритиш Ўзбекистон Республикаси Бюджет кодексида белгиланган тартибда амалга оширилсин.

7. Туман ҳокимининг 2014 йил 9 январь кунидаги 15-сонли қарори ўз кучини йўқотган деб ҳисоблансин.

8. Мазкур қарор расмий нашрда эълон қилинган кундан бошлаб кучга киради.

9. Ушбу қарорнинг бажарилишини назорат қилиш туман ҳокимининг ўринбосари Ж. Йўлдошев зиммасига юклатилсин.