Ўзбекистон Республикасининг «Умумий ҳарбий мажбурият ва ҳарбий хизмат тўғрисида»ги Қонунига (Ўзбекистон Республикаси Олий Мажлисининг Ахборотномаси, 2002 й., 12-сон, 217-модда) ва Ўзбекистон Республикаси Президентининг 2013 йил 20 декабрдаги ПҚ-2093-сон «Ўзбекистон Республикаси фуқароларининг муддатли ҳарбий хизматга навбатдаги чақируви ҳамда белгиланган хизмат муддатларини ўтаб бўлган ҳарбий хизматчиларни Қуролли Кучлар резервига бўшатиш тўғрисида»ги қарорига асосан туман фуқароларини 2014 йил чақирув даврида муддатли ҳарбий хизматга чақириш ҳамда сафарбарлик чақируви резерви хизматига олиш ишларини юқори савияда ташкил этиш ва ўтказиш мақсадида қарор қиламан:

1. Ўзбекистон Республикаси Президентининг 2013 йил 20 декабрдаги ПҚ-2093-сон «Ўзбекистон Республикаси фуқароларининг муддатли ҳарбий хизматга навбатдаги чақируви ҳамда белгиланган хизмат муддатларини ўтаб бўлган ҳарбий хизматчиларни Қуролли Кучлар резервига бўшатиш тўғрисида»ги ҳамда Тошкент вилояти хокимининг 2013 йил 30 декабрдаги 298-сонли қарори ижро учун қабул қилинсин.

2. Мазкур қарорга мувофиқ:

муддатли ҳарбий хизматнинг белгиланган муддатларини ўтаб бўлган фуқоролар Ўзбкекистон Республикаси Қуролли Кучлари резервига бўшатилиши;

чақирилиш муддатини кечиктириш ҳуқуқига эга бўлмаган Ўзбекистон Республикаси фуқаролари 2014 йилнинг феврал-март ойларида муддатли ҳарбий хизматга чақирилиши;

муддатли ҳарбий хизматни ўташга яроқли ҳамда чақирилиши муддатини кечиктириш ва чақирилишдан озод этиш ҳуқуқига эга бўлмаган, бироқ ушбу чақирув мобайнида Қуролли Кучлар сафига чақирилмайдиган фуқаролар сафарбарлик чақируви резервига олиниши белгиланганлиги қайд этилсин.

3. Пискент тумани ёшларни муддатли ҳарбий ва сафарбарлик чақируви резерви хизматига чақирув комиссияси 1-иловага ҳамда туман чақирув пунктидаги жамоат, ички тартиб ва тозаликни сақлаш ҳамда туман комендантлик хизматини ташкил этиш учун захирадаги ҳарбийлардан техник ишчилар ажратиш жадвали 2-иловага* ва туман доимий ҳарбий-тиббий кўрикдан ўтказувчи тиббий назорат комиссия таркиби 3-иловага* мувофиқ тасдиқлансин.

4. Туман чақирув комиссияси раиси (И. Иномжонов) га:

тумандаги қишлоқ ва маҳалла фуқаролар йиғини оқсоқоллари, комиссия аъзолари, комиссиянинг йиғилишларида доимий равишда иштирок этиб, комиссияда кўрилган масалалар юзасидан умумлаштирилган ахборотларни туман хокимлигига тақдим этиб борилишини таъминласин.

5. Туман тиббиёт бирлашмаси (М. Қодирова)га:

чақирилувчиларни харбий хизматга лойиқлигини аниқловчи худудий тиббий комиссияларни малакали тиббиёт ходимлари билан таъминлаш;

мазкур қарорнинг 3-иловасига мувофиқ тузилган туман доимий ҳарбий тиббий чақирув комиссияси фаолиятини қаътий назоратга олиш;

навбатдаги чақирувга юқори даражада тайёргарлик кўриб, чақирилувчиларни тиббий кўрикдан сифатли ўтказиш учун туман доимий ҳарбий-тиббий чақирув комиссияси таркибида белгиланган тартибда малакали психологлар иштирок этишини таъминласин.

6. Туман Бандликка кўмаклашиш маркази (М.Мирсоатова) Қуролли Кучлар резервига бўшатилган фуқароларни фуқаролик мутахассисликларини ҳисобга олган ҳолда, белгиланган тартибда ишга жойлаштириш чораларини кўрсин.

7. Туман Халқ таълими муассасалари фаолиятини методик таъминлаш ва ташкил этиш бўлими (А. Қудратов ) навбатдаги чақирувга юқори даражада тайёргарлик кўриб, чақирилувчиларни тиббий кўрикдан сифатли ўтказишда чақирув комиссиясида белгиланган тартибда малакали психологлар иштирок этишини таъминласин.

8. Туман хокими ўринбосари в.в.б. (Ш. Иномжонов), туман ҳокимининг ўринбосари Хотин-қизлар қўмитаси раиси (И.Облоқулова), туман Мудофаа ишлари бўлими (С. Нишонов), Маданият ва спорт ишлари бўлими (Ш. Жўраев), Ички ишлар бўлими (М. Боходиров), «Камолот» ёшлар ижтимоий харакати туман Кенгаши (А. Пўлатов), «Нуроний» жамғармаси (О. Абдурахмонов), «Маҳалла» ҳайрия жамоат фонди (М. Абдуазимов) лар билан биргаликда:

Ўзбекистон Республикаси Вазирлар Махкамасининг 2009 йил 14 январдаги 10-сон «Фуқароларни муддатли ҳарбий хизматга йиғиш ва жўнатиш, уларни ҳарбий қисмларда қабул қилиш, шунингдек Ўзбекистон Республикаси Қуролли Кучлари резервига бўшатилган ҳарбий хизматчиларни яшаш жойларига қайтаришни ташкил этиш тизимини такомиллаштириш чора-тадбирлари тўғрисида»ги қарори (Ўзбекистон Республикаси қонун ҳужжатлари тўплами, 2009 й., 3-сон, 13-модда) талабларига мувофиқ туман фуқароларини муддатли ҳарбий хизматга чақирилиши, уларни ҳарбий қисмларда қабул қилинишини, резервига бўшатилган ҳарбий хизматчиларни яшаш жойларига қайтарилишини;

кенг жамоатчилик, фахрийлар, санъат ва маданият арбоблари ҳамда бадиий жамоалар иштирокида ёшларни муддатли ҳарбий хизматга кузатиш, уларга совғалар бериш, ҳарбий хизматни ўтаб бўлган аскарларни кутиб олиш тадбирлари тантанали вазиятда ўтказилишини таъминлаш вазифаси топширилсин.

9. Туман «Пискент хаёти» рўзномаси (Ш. Шоматова)га:

чақирилувчиларни муддатли ҳарбий хизматга танлаш ва чақирув комиссиялари ишларини, сафарбарлик чақируви резервидаги хизматининг ташкил этилиши ва Қуролли Кучлар резервига бўшатилган ҳарбий хизматчиларни жойларда кутиб олинишини рўзномада кенг ёритиб борилишини таъминласин.

10. Пискент туман ҳокимининг 2013 йил 25 январдаги 11-сонли «Туманда муддатли хизматнинг белгиланган муддатларини ўтаб бўлган фуқароларни хизматдан бўшатиш ҳамда Ўзбекистон Республикаси Қуролли кучларига навбатдаги чақирув тўғрисида»ги қарори ўз кучини йўқотган деб ҳисоблансин.

11. Мазкур қарор расмий эълон қилинган кундан эътиборан кучга киради.

12. Мазкур қарор ижросининг назорати туман хокимининг ўринбосари в. в. б. Ш. Иномжонов зиммасига юклатилсин.