Ўзбекистон Республикаси Президентининг 2013 йил 18 ноябрдаги «Ўзбекистон Республикасининг 2014 йилги Инвестиция дастури тўғрисида»ги ПҚ-2069-сонли қарори ижросини таъминлаш ва туман иқтисодиётида таркибий ўзгаришларни янада чуқурлаштириш, корхоналарнинг инвестиция фаолиятини жадаллаштириш, ишлаб чиқаришни модернизация қилиш, техник ва технологик жиҳатдан қайта қуроллантириш дастурларини амалга оширишда хорижий инвестицияларни, энг аввало тўғридан-тўғри инвестицияларни кенг жалб этиш ва улардан самарали фойдаланиш, илғор технологияларни татбиқ этиш, шу асосида янги иш ўринлари яратиш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонуни 6-моддасига асосан қарор қиламан:

1. Ўзбекистон Республикаси Президентининг 2013 йил 18 ноябрдаги ПҚ–2069-сонли қарори ва вилоят ҳокимининг 2013 йил 21 ноябрдаги 273-сонли қарори раҳбарлик ва ижро учун қабул қилинсин.

2. Қуйидагилар:

Ўзбекистон Республикаси Иқтисодиёт вазирлиги томонидан Ташқи иқтисодий алоқалар, инвестициялар ва савдо вазирлиги, Молия вазирлиги, бошқа манфаатдор вазирликлар, идоралар ва хўжалик юритувчи субъектлар билан биргаликда ишлаб чиқилган Ўзбекистон Республикасининг 2014 йилги Инвестиция дастури капитал қуйилмаларининг асосий параметрлари, шунингдек 2014 йилги ижтимоий соҳа объектларини фойдаланишга топшириш прогнозлари маъқулланганлиги;

2014 йил учун марказлашган капитал қуйилмаларнинг Ўзбекистон Республикаси Давлат бюджетидан, Молия вазирлиги ҳузуридаги суғориладиган ерларнинг мелиоратив ҳолатини яхшилаш жамғармасидан, бюджетдан ташқари Республика йўл жамғармасидан, бюджетдан ташқари таълим ва соғлиқни сақлаш муассасаларини реконструкция қилиш, мукаммал таъмирлаш ва жиҳозлаш жамғармасидан, Ўзбекистон Республикаси Ҳукуматининг кафолати билан хорижий кредитлардан ва Ўзбекистон Республикаси Тикланиш ва тараққиёт жамғармаси маблағлари ҳисобидан объектларни қуриш, реконструкция қилиш учун лимитлар тасдиқланганлиги;

2014 йил Инвестиция дастурига киритилган йирик инвестиция лойиҳаларининг манзилли дастурларини тўғридан-тўғри хорижий инвестициялар ва кредитлар, корхоналар ва ташкилотларнинг ўз маблағларини жалб этган ҳолда амалга ошириш маъқулланганлиги маълумот учун қабул қилинсин.

3. Ўзбекистон Республикаси Молия вазирлиги ҳузуридаги суғориладиган ерларнинг мелиоратив ҳолатини яхшилаш жамғармасининг маблағлари ҳисобидан 2014 йилги марказлаштирилган капитал қуйилмалар лимитлари 1-иловага* мувофиқ;

Ўзбекистон Республикаси Молия вазирлиги ҳузуридаги бюджетдан ташқари таълим ва соғлиқни сақлаш муассасаларини реконструкция қилиш, мукаммал таъмирлаш ва жиҳозлаш жамғармаси ҳисобидан 2014 йилги таълим ва соғлиқни сақлаш муассасаларини реконструкция қилиш ва мукаммал таъмирлашнинг манзилли дастури 2-иловага* мувофиқ тасдиқлансин.

4. Туман архитектура ва қурилиш бўлими (Д. Худойназаров)га:

лойиҳалаш ва қурилиш-монтаж сифати ҳамда инвестиция лойиҳалари амалга ошириладиган бутун давр мобайнида марказлаштирилган манбалар ҳисобидан молиялаштириладиган объектлар қурилиши муддатлари ва шартнома мажбуриятларига риоя этилиши юзасидан тегишли тартибда ижросини таъминлаш вазифаси топширилсин.

5. Мазкур қарорнинг бажарилишини назорат қилиш туман ҳокимининг ўринбосарлари Ғ. Сайдиев ва И. Холжигитов зиммасига юклатилсин.

6. Ушбу қарор расмий нашрда эълон қилинган кундан эътиборан кучга киради