Туман ҳокимлиги Молия бўлимининг жорий йил 21 январдаги 02-9/12-сонли хати ҳамда туман маҳаллий бюджетидан молиялаштириладиган бюджет ташкилотларида 2013 йил IV-чорак ижросини сифатли бажариш мақсадида, Ўзбекистон Республикаси Бюджет кодексининг (Ўзбекистон Республикасининг Қонун ҳужжатлари тўплами 2013 йил 52 (1)-сон) 148-моддаси талабини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Туманнинг 2013 йил маҳаллий бюджетининг ижроси бўйича бюджет таснифининг айрим бўлим, кичик бўлим, боблари ҳамда чораклар бўйича даромадлар ва харажатлар миқдорининг умумий мутаносиблигини сақлаш ҳамда туман маҳаллий бюджети ўртасида бир бюджет маблағлари олувчиси учун бюджет маблағларининг тегишли равишда кўпайтирилиши ҳамда режадаги маблағларни бир харажат туридан иккинчи харажат турига ўтказиш йўли билан маҳаллий бюджетнинг халқ таълими, соғлиқни сақлаш ва бошқа соҳаларга иловага* мувофиқ ўзгартиришлар киритилсин.

2. Туман ҳокимлиги Молия бўлими (Ш. Кудратов)га:

бюджет таснифининг айрим бўлим, кичик бўлим, боблари ва ҳар бир харажат турлари бўйича тегишли ўзгартиришлар киритилишини белгиланган тартибда расмийлаштириш ва бу борадаги ҳужжатларни қуйи бюджетларга ҳамда туман бюджетидан молиялаштириладиган харажатларга ижро учун етказиш;

туман ҳокимлиги ҳудудидаги бюджет ташкилотларининг харажатлар сметасига бюджет таснифининг айрим бўлим, боблари ва ҳар бир харажат турлари бўйича тегишли ўзгартиришлар киритилиши ва биринчи навбатдаги харажатлар (иш ҳақи, иш ҳақига устама ва нафақалар)ни тўлиқ молиялаштириш, тўланиши устидан қаттиқ назорат ўрнатиш юклатилсин.

3. Ушбу қарорнинг ижросини назорат қилиш туман ҳокимининг ўринбосари А. Усманов зиммасига юклансин.