Ўзбекистон Республикаси Қишлоқ ва сув хўжалиги вазирлигининг 2013 йил 2 апрелдаги 58-сон буйруғи (Ўзбекистон Республикаси қонун ҳужжатлари тўплами, 2013 й., 17-сон, 229-модда) ҳамда Вазирлар Маҳкамасининг 2012 йил 6 декабрдаги 345-сонли қарори билан тасдиқланган «Бошдавтехназорат» инспекцияси низомига асосан ҳамда вилоят «Машина ва асбоб ускуналарнинг техникавий ҳолатини назорат қилиш Давлат бош инспекцияси»нинг 2014 йил 13 январдаги 1-а-сонли қабул қилинган буйруғини инобатга олган ҳолда, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосланиб қарор қиламан:

1. Туман ҳудудида жойлашган барча қишлоқ хўжалиги ва мелиоратив техникалар, машина-трактор парклари, устахоналар ва сервис пунктларининг асбоб-ускуналари мажбурий техник кўрикдан ўтказилсин.

2. Мажбурий техник кўрикдан ўтказиш бўйича туман комиссиясининг таркиби 1-иловага*, техник кўрикдан ўтказиш жадвали 2-иловага* мувофиқ тасдиқлансин.

3. Туман қишлоқ хўжалик техникалари бўйича инспектори (Ж. Бегалиев)га:

мажбурий техник кўрикдан ўтказиладиган тракторлар, тиркамалар, ўзиюрар шассилар, мелиоратив йўл-қурилиш машиналарининг техник паспортларини, назорат техник талонларини, давлат рақам белгиларини ҳақиқатда мавжудлигини кўриб чиқиш ва аниқланган камчиликлар бўйича уларни бартараф этиш чораларини кўриш;

машиналар сонини, уларнинг ҳолатини, амалда мавжудлигини, тегишлилигини ва бошқа рўйхатдан ўтказиш маълумотларини аниқлаштириш;

ўтказиладиган мажбурий техник кўрик учун тушиши лозим бўлган тушумларни тумандаги юридик ва жисмоний шахслардан ундириш чораларини кўриш юклатилсин.

4. Ушбу қарор ижросини назорат қилишни ўз зиммамда қолдираман.

5. Мазкур қарор расмий эълон қилинган кундан бошлаб кучга киради.