Ўзбекистон Республикаси Олий Мажлиси Қонунчилик Палатасининг 2013 йил 14 ноябрдаги 770-II сонли «Ўзбекистон Республикасининг 2014 йилги Давлат бюджети тўғрисида»ги, Ўзбекистон Республикаси Олий Мажлиси Сенатининг 2013 йил 5 декабрдаги СҚ-399-II-сонли «Ўзбекистон Республикасининг 2014 йилги Давлат бюджети тўғрисида»ги, Ўзбекистон Республикаси Президентининг 2013 йил 25 декабрдаги ПҚ-2099-сонли «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги (Ўзбекистон Республикаси қонун ҳужжатлари тўплами, 2013 й., 52-сон, 690-модда) ва Тошкент вилояти хокимининг 2013 йил 30 декабрдаги 297-сонли «Тошкент вилоятининг 2014 йилги маҳаллий бюджети параметрлари тўғрисида»ги ҳамда Халқ депутатлари Бўка тумани Кенгашининг 2013 йил 30 декабрдаги 32/2-сонли «Бўка туманининг 2014 йилги маҳаллий бюджети тўғрисида»ги қарорларига асосланган ҳолда қарор қиламан:

1. Тошкент вилояти ҳокимининг 2013 йил 30 декабрдаги 297-сонли «Тошкент вилоятининг 2014 йилги маҳаллий бюджети параметрлари тўғрисида»ги қарори раҳбарлик ва ижро учун қабул қилинсин.

Ушбу қарорга асосан:

2. 2014 йил тумани ҳудудида:

Туманнинг 2014 йилги маҳаллий бюджети асосий параметрлари мазкур қарорнинг 1-иловасига* мувофиқ;

юридик шахсни ташкил этмасдан тадбиркорлик фаолияти билан шуғулланадиган жисмоний шахслар (якка тартибдаги тадбиркорлар)дан олинадиган қатъи белгиланган солиқ ставкалари мазкур қарорнинг 2-иловаcига* мувофиқ;

юридик ва жисмоний шахслардан тадбиркорлик фаолияти айрим турлари бўйича олинадиган қатъи белгиланган солиқ ставкалари мазкур қарорнинг 3-иловаcига* мувофиқ;

сув ресурсларидан фойдаланганлик учун солиқ ставкалари мазкур қарорнинг 4-иловасига* мувофиқ;

жисмоний шахсларнинг мол-мулкига солинадиган солиқ ставкаси мазкур қарорнинг 5-иловасига* мувофиқ;

маҳаллий солиқлар ва йиғимларнинг чегараланган ставкалари мазкур қарорнинг 6-иловасига* мувофиқ;

туман ҳудудидаги ер участкаларидан фойдаланганлик учун ер солиғи ставкалари мазкур қарорнинг 7-иловасига* мувофиқ;

туман маҳаллий бюджетининг 2014 йилга белгиланган даромадлар ва харажатлар миқдори мазкур қарорнинг 8-иловасига* мувофиқ;

туман бўйича 2014 йилда вилоят бюджетидан бериладиган мақсадли субвенцияларнинг миқдорлари мазкур қарорнинг 9-иловасига* мувофиқ;

туман бўйича 2014 йилда умумдавлат солиқларидан кутилаётган тушумларнинг маҳаллий бюджетларга ажратмаларининг меъёри мазкур қарорнинг 10-иловасига* мувофиқ;

туман бўйича 2014 йилга туман маҳаллий бюджетининг айланма касса маблағларининг энг кам миқдори мазкур қарорнинг 11-иловасига* мувофиқ тасдиқлансин.

3. Бўка тумани маҳаллий бюджетини 2014 йил учун аниқлаштирилган асосий параметрлари қуйидаги миқдорларда тасдиқлансин:

даромадлар 32 073 297.0 минг сўм;

харажатлар 55 976 493.0 минг сўм.

4. Туман ҳокимлиги Молия бўлимига 2014 молия йили давомида:

Тошкент вилояти Молия бошқармасининг билдиришномалари, туман ҳокимининг қарор ва фармойишлари ҳамда Молия бошқармаси билан келишилган тақдимномаларига мувофиқ бюджетнинг даромадлар ва харажатлар қисмига ўзгартиришлар киритиш;

тегишли бюджетлардан мақсадли субвенциялар ва бюджет ссудалари (даромадлар ва харажатлар ўртасидаги вақтинчалик касса тафовутига) ажратилишида биринчи навбатдаги харажатларини (иш ҳақи ва унга ажратмалар, нафақалар ва уларга тенглаштирилган тўловларнинг) маблағ билан сўзсиз таъминланиши зарурлигидан келиб чиққан ҳолда аниқлаштириш ҳуқуқи берилсин.

5. Туман Давлат солиқ инспекциясига 2014 йил давомида:

2014 йил учун белгиланган бюджет даромадларини солиқ турлари бўйича тўлиқ ва сифатли бажарилишини таъминлаш юклатилсин.

6. Туман ҳокимининг 2012 йил 31 декабрдаги 1014-сонли «Бўка туманининг 2013 йилги маҳаллий бюджети параметрлари тўғрисида»ги ва 2014 йил 2 январдаги 1-сонли «Бўка туманининг 2014 йилги маҳаллий бюджети параметрлари тўғрисида»ги қарорлари бекор қилинсин.

7. Мазкур қарор расмий эълон қилинган кундан эътиборан кучга киради.

8. Мазкур қарорнинг ижросини назорат қилиш туман ҳокимининг ўринбосари М. Суннатуллаев зиммасига юклатилсин.