Ўзбекистон Республикаси «Маҳаллий давлат ҳокимияти тўғрисида»ги Қонунининг 12, 13-моддаларига, «Бюджет тизими тўғрисида»ги Қонунига, Ўзбекистон Республикаси Олий Мажлиси Қонунчилик палатасининг 2013 йил 14 ноябрдаги 770-II-сонли, Олий Мажлис Сенатининг 2013 йил 12 декабрдаги 399-II-сонли «Ўзбекистон Республикасининг 2014 йилги Давлат бюджети тўғрисида»ги ва Ўзбекистон Республикаси Президентининг 2013 йил 25 декабрдаги ПҚ-2099-сонли «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорларига асосан халқ депутатлари туман Кенгаши қарор қилади:

1. Пахтаобод тумани маҳаллий бюджетининг 2013 йилдаги ижроси:

Даромадлар қисми бўйича:

даромадлар тушуми 12 млрд 964 млн 544 минг сўм, маҳаллий бюджетга вилоят бюджетидан ўтказиб берилган даромад 3 млрд 144 млн сўм республика бюджетидан олинган субвенциялар жами 32 млрд 29 млн 725 минг сўм.

Харажатлар қисми бўйича:

жами харажатлар 47 млрд 994 млн 413 минг сўм миқдорида 1-иловага* мувофиқ тасдиқлансин.

2. Туман маҳаллий бюджетининг 2014 йилги асосий кўрсаткичлари:

даромадлар қисми солиқ тушумлари бўйича 20 млрд 215 млн 378 минг сўм, республика бюджетидан олинадиган субвенциялар 39 млрд 695 млн 274 минг сўм, ҳамма даромадлар 63 млрд 614 млн 221 минг сўм микдорида 2-иловага*;

харажатлар қисми соҳалар бўйича 63 млрд 614 млн 221 минг сўм миқдорида ҳамда айланма касса маблағи меъёри 376 млн 612 минг сўм миқдорида 3-иловага*;

Туман маҳаллий бюджетининг даромадлари, харажатлари, уларга ажратиладиган маҳаллий бюджетларга юқори бюджетдан ўтказиб бериладиган даромадлар, субвенция миқдорлари ва айланма касса маблағларининг меъёрлари 4-иловага*;

умумдавлат солиқларидан туман бюджетларига 2014 йил учун ажратмалар меъёрлари 5-иловага* мувофиқ тасдиқлансин.

3. Туман молия бўлими (Б. Рахимов)га бюджет қонунчилигида белгиланган муддатларда 2014 йилги бюджет параметрларини тумандаги тегишли бюджет ташкилотларига етказиш, шунингдек умумдавлат солиқларидан маҳаллий бюджетларга 2014 йил учун ажратмалар миқдорларини тумандаги ихтисослашган банк муассасаларига етказиш вазифаси топширилсин.

4. Ўзбекистон Республикаси Президентининг 2013 йил 25 декабрдаги ПҚ-2099-сонли «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига асосан:

14-бандига мувофиқ Давлат ҳокимияти ҳамда бошқаруви органларининг Давлат бюджети даромадларининг ундирилиши ҳамда харажатларини амалга оширилишидаги фаолиятини кенгайтириш, жавобгарлиги ҳамда масъулиятини ошириш, маҳаллий бюджетларнинг Давлат бюджети олдидаги улушини кўпайтириш мақсадида, қуйидаги умумдавлат солиқлар:

сув ресурсларидан фойдаланганлик учун солиқ;

Тадбиркорлик фаолияти билан шуғулланувчи юридик ва жисмоний шахслардан олинадиган қатьий белгиланган даромад солиғи;

ўсимлик ёғи ҳамда пиво учун акциз солиқлари тўлиғича маҳаллий бюджетларга қолдирилаётганлиги маълумот учун қабул қилинсин.

5. Туман давлат солиқ инспекцияси (У. Қамчиев) маҳаллий бюджетларга белгиланган солиқ ва тушумларни йил давомида мунтазам равишда ундирилишини таъминлаш, туман бўйича мавжуд боқиманда қарзларни кескин камайтириш борасида аниқ тадбирлар ишлаб чиқсин ва амалга оширсин.

6. Барча ихтисослаштирилган тижорат банклари бўлимлари билан биргаликда давлат даромадларидан маҳаллий бюджетларга ажратмаларни ўз вақтида ўтказилишини таъминласинлар.

7. Туман молия бўлими, туман давлат солиқ инспекцияси ва банк идораларининг барча имкониятларини бюджетнинг даромадлар қисми прогноз кўрсаткичларининг барча манбаалар бўйича тўлиқ бажарилишини таъминлашга сафарбар қилиш, маҳаллий бюджетларнинг харажатлар қисмининг сифатли ижро этилишини, шунингдек бюджет маблағларининг мақсадли сарфланишини қаттиқ назорат қилиш бунда, Ўзбекистон Республикасининг «Бюджет тизими тўғрисида»ги ва «Давлат бюджетининг ғазна ижроси тўғрисида»ги Қонунларига ҳамда Вазирлар Маҳкамасининг бюджет ижросига оид қарорлари ва фармойишлари талабларига қатьий риоя этилишини таъминлаш вазифалари топширилсин.

8. Туман молия бўлими (Б. Рахимов) ва туман давлат солиқ инспекцияси (У. Қамчиев) ҳамда тижорат банклари туман бўлимлари мазкур қарорнинг бажарилиши тўғрисида туман ҳокимлигига 2014 йил давомида ҳар чоракда ва 2015 йилнинг январь ойида йил якуни бўйича ахборот бериб борсинлар.

9. Туман «Давр садоси» газетаси муҳарриряти (З. Кимсанова)га мазкур қарор матнини газета саҳифаларида ёритиш тавсия этилсин.

10. Ушбу қарорнинг бажарилишини назорат қилиш халқ депутатлари туман Кенгашининг «Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси (М. Қодиров) зиммасига юклатилсин.