Ўзбекистон Республикасининг 2013 йил 7 октябрдаги ЎРҚ-355-сонли «Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги Қонуни (Ўзбекистон Республикаси қонун ҳужжатлари тўплами, 2013 й., 41-сон, 543-модда) ҳамда шаҳар Бандликка кўмаклашиш ва аҳолини ижтимоий муҳофаза қилиш марказининг 503-сонли хатини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Шаҳар ҳокимининг 2013 йил 3 октябрдаги 650-қ-сонли «Шаҳарда ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тўғрисида»ги қарорининг («Каттақўрғон тонги» газетаси 29-(688) сони) биринчи банди билан тасдиқланган ижтимоий муҳофазага муҳтож ва иш топишда қийналаётган шахслар учун корхона, муассаса, ташкилотларда банд қилинган иш ўринлари рўйхати иловага* мувофиқ қайта тасдиқлансин.

2. Қарор биринчи бандининг учинчи ва тўртинчи, еттинчи хатбошилари қуйидаги таҳрирда баён этилсин:

«ўрта махсус, касб-ҳунар таълими муассасаларини тамомлаган ёшларга, шунингдек, олий ўқув юртларининг давлат грантлари асосида таълим олган битирувчилар учун — 97 киши;

Ўзбекистон Республикаси Қуролли Кучларидан муддатли ҳарбий хизматдан бўшатилганларга — 20 киши;»

«жазони ижро этиш муассасаларидан озод қилинган ёки суд қарорига кўра тиббий йўсиндаги мажбурлов чораларига тортилган шахслар учун — 11 киши».

қуйидаги таҳрирда саккизинчи хатбоши билан тўлдирилсин;

«одам савдосидан жабрланганлар учун — 17 киши».

3. Ушбу қарорнинг бажарилишини назорат қилиш шаҳар ҳокимининг ўринбосари М. Бабаев зиммасига юклансин.

4. Мазкур қарор расмий эълон қилинган кундан эътиборан кучга киради.