Туманда 2014 йилда аҳоли шахсий ва дала томорқалари, фермер хўжаликларининг дала четларидан самарали фойдаланиш, асосий турдаги озиқ-овқат маҳсулотларини етиштириш ҳажмларини кўпайтириш, талаб этиладиган моддий ресурсларни етказиб беришни тизимли равишда ташкил этиш ва Вазирлар Маҳкамасининг 2013 йил 7 ноябрдаги 01-03-15-37-сонли йиғилиш баёни топшириқларининг ҳамда вилоят ҳокимининг 2013 йил 14 ноябрдаги 232-сонли қарори ижросини таъминлаш мақсадида қарор қиламан:

1. Ўзбекистон Республикаси Вазирлар Маҳкамасининг 2013 йил 7 ноябрдаги 01-03-15-37 сонли йиғилиш баёни ҳамда шу ҳақида қабул қилинган вилоят ҳокимининг 2013 йил 14 ноябрдаги 232-сонли қарори маълумот ва ижро учун қабул қилинсин.

I. Аҳоли шахсий ва дала томорқаларидан самарали фойдаланиш.

2. Қишлоқ хўжалигида 2014 йил учун «Аҳоли шахсий ва дала томорқаларидан самарали фойдаланиш, уларга талаб этиладиган моддий-техник ресурсларни етказиб бериш ва тизимли ишларни ташкил этиш асосий устувор йўналиш этиб белгилаб олинсин.

3. Аҳоли шахсий ва дала томорқаларидан самарали фойдаланиш, уларга талаб этиладиган моддий-техник ресурсларни етказиб бериш ва тизимли ишларни ташкил этиш бўйича туман ишчи гуруҳи таркиби 1-иловага*, туман штаби ишчи гуруҳи таркиби 2-иловага* мувофиқ тасдиқлансин.

4. Туман ҳокимлиги (М. Жумаев) қишлоқ хўжалигида 2014 йил учун белгиланган «Аҳоли шахсий ва дала томорқаларидан самарали фойдаланиш, уларга талаб этиладиган моддий-техник ресурсларни етказиб бериш ва ишни тизимли ташкил этиш» бўйича туман ишчи гуруҳи, қишлоқ ва маҳалла фуқаролар йиғинлари, жамоатчилик кенгашлари фаолиятини жорий этсин.

5. Туман ишчи гуруҳи тумандаги тегишли корхона, ташкилотлар билан биргаликда:

бир ой муддатда аҳоли шахсий ва дала томорқаларидаги жами ерлар, шундан экин экиладиган, янги мевали ва ток кўчатлари ўтказиладиган майдонларни аниқлаб, экинларни турлари бўйича жойлаштирилишини;

томорқа ва хонадонлар кесимида шахсий ва дала томорқаларида режалаштирилган экин турларини экиш ва маҳсулотлар етиштириш бўйича кунлик назорат ва мониторинг юритилишини;

эртаги сабзавот кўчатларини тайёрлашни ва парникларда, махсус кўчатхоналарда кўчатларни ўз муддатларида аҳоли томорқаларига экиш ишларини ташкил этишни назорат қилиб борилишини;

кузда ва эрта баҳорда сабзавот экинларини плёнка остига экиш ва парваришлаш ишларини ўтказилишини;

аҳоли томорқаларида экинларни экиш ва ҳосил етиштириш билан боғлиқ илғор тажрибаларни оммавий ахборот воситаларида ёритиб борилишини;

аҳоли томорқаси ва хонадонларда қишлоқ хўжалиги экинлари экиш ва маҳсулотлар ишлаб чиқариш бўйича мониторинг юритиш учун қишлоқ ва маҳалла фуқаролари йиғинлари томонидан ҳисоб-китоб юритиш дафтарлари, ҳар бир хонадон учун экинлар паспортини жорий этилишини ташкил этсинлар ва уларнинг бажарилиши устидан мунтазам мониторинг ўрнатилишини таъминласинлар.

6. Туман ишчи гуруҳи, туман Қишлоқ ва сув хўжалиги бўлими, ОАТБ «Агробанк» туман бўлими томорқаларга экиш учун аҳолига кредит маблағлари, минерал ўғит, ёқилғи мойлаш материаллари, кўчат ва уруғ, полиэтилиен плёнка, кимёвий воситаларни талаб асосида ўз муддатида ажратилишини ва етказиб берилишини таъминласин.

7. Туман Қишлоқ ва сув хўжалиги бўлими, «Маҳалла» жамоат фонди, «Камолот» ЁИҲ туман бўлимлари аҳоли шахсий ва дала томорқаларига қишлоқ хўжалиги экинларини экиш учун уларни сув ва техника воситалари билан ўз муддатида таъминлаб бориш, ички ариқларни қўлда ва техникалар ёрдамида тозалаш ва ободонлаштириш ишларини ташкил этсинлар.

8. Аҳоли шахсий ва дала томорқа ерларидан самарали фойдаланиш юзасидан мониторинг олиб бориш, аҳоли томонидан самарасиз ва ноқонуний фойдаланилаётган ерларни қайтариб олиш бўйича тизим 3-иловага* мувофиқ тасдиқлансин.

9. Туман ҳокимлиги, туман Қишлоқ ва сув хўжалиги бўлими, туман Ер ресурслари ва Давлат кадастри бўлими бир ой муддатда жойларда мавжуд дала томорқа ерларидан фойдаланишнинг ҳолатини ўрганиб чиқиб, тизимга асосан самарасиз ва ноқонуний фойдаланилаётган ерларни қайтариб олиш бўйича тегишли чора-тадбирларни белгиласинлар.

10. Туман ишчи гуруҳи аҳоли томонидан самарасиз ва ноқонуний фойдаланилаётган ерларни қайтариб олиш бўйича тизимни жойларда ижросини тўлиқ таъминласин ва тегишли ҳужжатларни расмийлаштирилишини назорат қилсин.

II. Узум ва мевали ҳамда пакана ва ярим пакана кўчатларни экишни ташкил этиш бўйича:

11. Туманда 2013 йил кузида ва 2014 йил баҳорида фермер хўжаликлари, корхона ва ташкилотлар томонидан мевали ҳамда пакана ва ярим пакана кўчатларни экиш ишлари 4-иловага*, боғларни реконструкция қилиш режалари 5- иловага* мувофиқ ташкил этилсин.

12. Фермер хўжаликлари, корхона ва ташкилотларда мевали ҳамда пакана ва ярим пакана кўчатларни экиш учун талаб этиладиган кўчатларни тайёрлаш ва уларни жойларга етказиб бериш, экиш ишларини ташкил этиш бўйича ишчи гуруҳи таркиби 6-иловага* мувофиқ тасдиқлансин.

III. Туманда эски, яроқсиз боғларни бузиш, экин ер майдонларини кўпайтириш масаласи бўйича:

13. Фермер хўжаликлари ва барча ердан фойдаланувчиларнинг боғ майдонларини ҳақиқий аҳволини жойида атрофлича ўрганиш, қаровсиз ва самарасиз фойдаланилаётган, ҳосил бермайдиган боғларни бузиб, очиқ ер майдонига айлантириш бўйича тизим 7-иловага* мувофиқ тасдиқлансин.

14. Ҳоким ўринбосари (М. Жумаев), туман Қишлоқ ва сув хўжалиги бўлими, туман Ер ресурслари ва Давлат кадастри бўлимига:

эски, яроқсиз боғларни белгиланган тартибда очиқ ер майдонига айлантириш мақсадида бузиш ишларини ташкил қилиш бўйича отрядлар ташкил қилиш ва ушбу отрядларга туман фермерлари кенгаши, қишлоқ фуқаролар йиғинлари раисларини бириктириб уларнинг вазифаларини белгилаб бериш;

ҳар бир отрядларга бузиладиган боғлар майдонларини тақсимлаб бериш ва 1 декабргача муддатда боғларни бузиб очиқ ер майдонларини келгуси йилга тайёрлаш (шудгорлаш, пол олиш, шўр ювиш) ишларини амалга ошириш;

ҳудудда қўшилган ушбу ер майдонларини оптималлаштириш тизими асосида ғалла йўналишидаги фермер хўжаликларига қўшиб бериш бўйича тегишли чораларни кўриш вазифалари юклатилсин.

15. Мазкур қарор расман эълон қилинган кундан бошлаб кучга киради.

16. Ушбу қарорнинг ижросини назорат қилишни ўз зиммамда қолдираман.