Ўзбекистон Республикаси Вазирлар Маҳкамасининг 2013 йил 22 августдаги 01-03/1-455-сонли йиғилиш баёни топшириқлари ижросини таъминлаш ҳамда шаҳарда 2013-2014 йил қиш-баҳор мавсуми учун асосий турдаги қишлоқ хўжалик маҳсулотларини захирага ғамлаш ишларини ташкил қилиш асосида шаҳар аҳолисини арзон қишлоқ хўжалиги маҳсулотларига бўлган эхтиёжини тўлақонли қондириш мақсадида қарор қиламан:

1. Ўзбекистон Республикаси Вазирлар Маҳкамасининг 2013 йил 22 августдаги 01-03/1-455-сонли йиғилиш баёни раҳбарлик ва ижро учун қабул қилинсин.

2. Шаҳарда 2013-2014 йиллар қиш-баҳор мавсуми учун асосий турдаги қишлоқ хўжалик маҳсулотларини захирага ғамлаш масалаларини назорат қилиш бўйича шаҳар ишчи гуруҳи таркиби 1-иловага* мувофиқ тасдиқлансин.

3. Шаҳардаги ижтимоий соҳа муассасалари, йирик саноат корхоналари ва ташкилотлар ҳамда маҳаллаларда 2013-2014 йиллар қиш-баҳор мавсуми учун асосий турдаги қишлоқ хўжалиги маҳсулотларини захирага ғамлаш топшириғи 2-иловага* мувофиқ маъқуллансин.

4. «Шаҳар Деҳқон бозори» МЧЖ (Т. Абдуқодиров), шаҳар Халқ таълими бўлими (Ф. Мирзаева), Тиббиёт бирлашмаси (М. Болтабоев), Ғазначилик бўлинмаси (Б. Ҳайитов), Бандликка кўмаклашиш маркази (Э. Қодиров), «Фермерлар кенгаши» (С. Акбаров), шаҳардаги бошқа корхона ва ташкилотлар ҳамда шаҳар ҳокимлиги:

жорий йилнинг 30 ноябрь кунига қадар, захира тадбирларига жалб қилинган тайёрловчи савдо ташкилотлари, шаҳар «Дехқон бозори» МЧЖ, Шаҳар Халқ таълими бўлими, Тиббиёт бирлашмаси, Ғазначилик бўлинмаси, Бандликка кўмаклашиш маркази, «Фермерлар кенгаши», Шаҳардаги бошқа корхона ва ташкилотлар билан маҳсулот етиштирувчи деҳқон ва фермер хўжаликлари ҳамда томорқа эгалари ўртасида асосий турдаги қишлоқ хўжалиги маҳсулотларини етиштириб бериш юзасидан ўрнатилган тартибда фьючерс шартномаларини тузсин;

Шаҳардаги тайёрловчи савдо ташкилотлари, «Деҳқон бозори» МЧЖ, шаҳар Халқ таълими бўлими, Тиббиёт бирлашмаси, Ғазначилик бўлинмаси, Бандликка кўмаклашиш маркази, «Фермерлар кенгаши», шаҳардаги бошқа корхона ва ташкилотлар билан янги қурилган совуткичли омборлар ташкил этган хусусий корхоналар ўртасида 2013-2014 йиллар қиш-баҳор мавсуми учун асосий турдаги қишлоқ хўжалиги маҳсулотларини (картошка, пиёз, сабзи) захирага ғамлаш учун шартнома тузсин ҳамда белгиланган миқдорда маҳсулотларни етказиб берилишини таъминласин;

5. «Маҳалла» хайрия жамоат фонди шаҳар бўлими (М. Юлдашев), шаҳар ҳудудидаги барча ҚФЙлар билан биргаликда:

ҳар бир маҳалла ҳудудида маҳалла оқсоқоли бошчилигида штаб тузилиб, маҳалла аҳолиси орасида захира яратиш бўйича тушунтириш ишлари олиб борилсин ва аҳоли учун қишлоқ хўжалиги маҳсулотларини сотишда маҳаллада қулай бўлган марказий жойлар белгилансин ва сотилаётган қишлоқ хўжалиги маҳсулотларини сифати ва нархини доимий назорат қилиб борсин.

6. Шаҳарда захира ишларига жалб қилинган таёрловчи корхона ва ташкилотларга ўз ишчи ходимларининг қиш-баҳор мавсумида истеъмоли учун зарур қишлоқ хўжалик маҳсулотлари захирасини яратиш мақсадида маҳсулот етиштирувчи дехқон ва фермер хўжаликлари ҳамда томорқа эгалари билан белгиланган тартибда шартномалар тузиш ва белгиланган маблағларни ўтказиб бериш, шунингдек маҳсулотларни ҳар бир ишчи-ходимларига оммавий тарзда етказиб бериш чора-тадбирларини амалга оширсинлар.

7. Шаҳар молия бўлими (А. Абидов)га:

Заҳира тадбирларига жалб қилинган Тиббиёт бирлашмаси, Халқ таълими, Ўрта-махсус, касб-ҳунар коллежлари, бандликка кўмаклашиш маркази тизими муассасаларига 2013 йилнинг декабрь ойи ва 2014 йилнинг январь, май ойлари давомида қишлоқ хўжалиги маҳсулотларини харид қилиш мақсадлари учун сарф-харажатлар сметасига киритилган маблағларни ажратилишини таъминлаш чораларини кўрсинлар;

2013-2014 йил қиш ва баҳор ойлари учун асосий турдаги қишлоқ хўжалиги маҳсулотларини жамғариш тадбирларига жалб қилинган ижтимоий муассасаларини молиялаштириш масаласини назоратга олиш ва жорий йилнинг 20 ноябридан бошлаб ҳар ҳафта якуни билан молиялаштиришнинг бориши тўғрисидаги таҳлилий маълумотларни шаҳар ҳокимлигига тақдим этиб бориш вазифалари юклатилсин.

8. Шаҳардаги тижорат банк раҳбарларига:

захира тадбирларига жалб қилинган таёрловчи корхона ва ташкилотлар билан маҳсулот етиштирувчи деҳқон ва фермер хўжаликлари ҳамда томорқа эгалари ўртасида тузилган шартномалар бўйича мақсадли кредит ресурсларини ўз вақтида ажратилишини таъминлаш чора-тадбирларини белгиласинлар ва ушбу масалага шахсан жавобгар эканликлари белгилаб қўйилсин.

9. Шаҳардаги тайёрловчи савдо ташкилотлари, шаҳар «Деҳқон бозори» МЧЖ, шаҳар Халқ таълими бўлими, Тиббиёт бирлашмаси, Ғазначилик бўлинмаси, Бандликка кўмаклашиш маркази, «Фермерлар кенгаши», шаҳардаги бошқа корхона ва ташкилотлар ҳамда шаҳар ҳокимлиги:

мавжуд захира омборларини ва совутиш камераларини жорий ва капитал таъмирлаб, мавсумга тайёрлаш ишларини ташкил этсинлар;

2013 йил ноябрь ойи давомида асосий турдаги қишлоқ хўжалиги маҳсулотларининг захирага қўйиш графигини (сетевой) ишлаб чиқиб, шаҳар ҳокимлигига тақдим этсинлар ва ижроси юзасидан кундалик мониторинг ўрнатсинлар;

2013-2014 йиллар қиш-баҳор мавсуми учун асосий турдаги қишлоқ хўжалиги маҳсулотларини захирага ғамлаш топшириғини сўзсиз бажарилишини таъминлаш юзасидан назорат механизми ўрнатиш учун 3*, 3а*, ва 3б-иловаларга* мувофиқ шаклларда тахлил маълумотларни шаҳар ҳокимлигига тақдим этиб борсинлар.

10. Шаҳардаги тайёрловчи савдо ташкилотлари, шаҳар «Дехқон бозори» МЧЖ, шаҳар Халқ таълими бўлими, Тиббиёт бирлашмаси, Ғазначилик бўлинмаси, «Бехизор Суфон агрофирмаси», Бандликка кўмаклашиш маркази, «Фермерлар кенгаши», шаҳардаги бошқа корхона ва ташкилотлар, ижтимоий соҳа муассасалари ва шаҳар ҳокимлиги аҳолини истеъмол товарлари билан таъминлаш, маҳсулотларни бир текисда ва белгиланган нархларда етказиб бериш масалаларига шахсан жавобгарлиги белгилаб қўйилсин.

11. Шаҳардаги тижорат банк раҳбарларига:

захира тадбирларига жалб қилинган таёрловчи корхона ва ташкилотлар билан маҳсулот етиштирувчилар ўртасида тузилган шартномалар бўйича мақсадли кредит ресурслари ва нақд пул маблағларини ўз вақтида ажратилишини таъминлаш масаласига шахсан жавобгар эканликлари тўғрисида огоҳлантирилганлиги инобатга олинсин;

тижорат банклари томонидан тайёрловчи ташкилотларга қишлоқ хўжалиги маҳсулотларини захирага ғамлаш учун зарур бўлган кредит ресурслари ва нақд пул маблағларини ўз вақтида ажратилишига алоҳида эътибор қаратсин;

тайёрловчи корхоналар томонидан кредит ва нақд пул маблағларига тақдим этилган буюртмалар ва уларнинг ижроси юзасидан ҳар 10 кунда тахлилий маълумотларни шаҳар ҳокимлигига тақдим этиб борилсин.

12. Мазкур қарор қабул қилиниши муносабати билан шаҳар ҳокимининг 2013 йил 3 сентябрдаги 359-сонли қарори бекор қилинсин.

13. Ушбу қарор расман эълон қилинган кундан бошлаб кучга киради.

14. Мазкур қарорнинг бажарилишини назорат қилиш шаҳар ҳокимининг биринчи ўринбосари Н. Джурабаев зиммасига юклатилсин.