Самарқанд вилоят ҳокимининг 2013 йил 23 ноябрдаги 243-Қ-сонли Ўзбекистон Республикаси Вазирлар Маҳкамасининг 2013 йил 20 ноябрдаги 311-сонли «2014 йилда мева-сабзавот, картошка, полиз ва узум маҳсулотлари ишлаб чиқариш ҳамда ишлатиш прогноз кўрсаткичлари ҳақида»ги қарори ижросини бажариш, туманда 2014 йилда етиштириладиган мева-сабзавот, картошка, полиз ва узум маҳсулотлари ишлаб чиқариш ҳамда ўз вақтида қайта ишлашни таъминлаш учун оптимал шароитлар яратиш мақсадида қарор қиламан:

1. Самарқанд вилоят ҳокимининг 2013 йил 23 ноябрдаги 243-Қ-сонли Ўзбекистон Республикаси Вазирлар Маҳкамасининг 2013 йил 20 ноябрдаги 311-сонли «2014 йилда мева-сабзавот, картошка, полиз ва узум маҳсулотлари ишлаб чиқариш ҳамда ишлатиш прогноз кўрсаткичлари ҳақида»ги қарори раҳбарлик ва ижро учун қабул қилинсин.

2. Туманнинг мева-сабзавот, картошка, полиз ва узум маҳсулотлари ишлаб чиқариш ҳамда ишлатишнинг 2014 прогноз кўрсаткичлари 1-иловага* мувофиқ тасдиқлансин.

3. Туман ҳокимининг ўринбосари Ғ. Қулиев, туман қишлоқ ва сув хўжалиги бўлими (Ҳ. Нарзиқулов) тегишли туман ташкилотлари билан биргаликда:

шахсий, ёрдамчи ва деҳқон хўжаликларида мева-сабзавот, картошка, полиз ва узум етиштириш учун ер майдонларидан самарали фойдаланилишини назоратга олиш;

мева-сабзавотчилик, картошка, полиз ва узумчилик махсус фермер хўжаликларида маҳсулот етиштиришнинг устуворлигини ҳисобга олган ҳолда ишлаб чиқаришнинг башорат кўрсаткичларига мувофиқ хўжаликларда сабзавот ва полиз экинлари жойлаштирилишига алоҳида эътибор қаратилишини;

2014 йилнинг 1 мартига қадар фермер хўжаликлари ва қайта ишлаш корхоналари ўртасида мева-сабзавот ва узум маҳсулотлари етказиб бериш бўйича ҳамда маҳсулот етиштирувчиларни шартномада белгиланган маҳсулотлар қийматининг 40 фоизидан кам бўлмаган миқдорда бўнак маблағлари билан таъминлашни кўзда тутган ҳолда контрактация шартномалари тузилишни;

ёқилғи мойлаш материаллари, минерал ўғитлар, ўсимликларни ҳимоя қилиш воситалари, уруғлик материаллари ва кўчатлар сотишда самара берувчи томорқаларни ташкил қилишни таъминласинлар.

4. Туман ички бозорида мева-сабзавот, картошка, полиз ва узум маҳсулотларидан тўлиқ фойдаланиш масаласини ҳал қилиш ҳамда маҳсулотларни экспорт қилишни самарали ташкил этиш мақсадида 2-иловага* мувофиқ ишчи гуруҳи тузилсин.

Ишчи гуруҳининг асосий вазифаси этиб:

2014 йил учун тасдиқланган мева-сабзавот, картошка, полиз ва узум маҳсулотлари ишлаб чиқариш ҳамда ишлатишнинг асосий башорат кўрсаткичлари бажарилишини танқидий кўриб чиқиш;

ички истеъмол бозорини мева-сабзавот, картошка, полиз ва узум маҳсулотларини турлари билан зарурий миқдорда, узлуксиз таъминлаш ҳамда ушбу маҳсулотлар нархлари бўйича мониторинг ўрнатиш;

мева-сабзавот, картошка, полиз ва узум маҳсулотлари четга экспорт қилишда ташиш, вагонлар ажратилиши, божхонада расмийлаштириш ва ҳисоботлар тақдим этиши билан боғлиқ бўлган масалаларни тезкорлик билан кўриб чиқишни ташкил этиш белгилансин.

5. Туман ҳокимининг ўринбосари Ғ. Қулиев, туман қишлоқ ва сув хўжалиги бўлими (Ҳ. Нарзиқулов), туман иқтисодиёт бўлими (А. Маърупов) тегишли туман ташкилотлари билан биргаликда Вазирлар Маҳкамасининг 2006 йил 6 февралдаги 16-сонли «Белгиланган қиймат ва моддий баланс кўрсаткичлари бажарилишини самарали мониторингини таъминлаш чора-тадбирлари тўғрисида»ги қарорига биноан туманда 2014 йилда мева-сабзавот, картошка, полиз ва узум маҳсулотлари ишлаб чиқариш ва фойдаланиш баланс кўрсаткичларининг бажарилишини доимий мониторингини таъминлаш вазифаси топширилсин.

6. Аҳолини ҳамда қайта ишлаш корхоналарини ишлаб чиқарилган мева-сабзавот, картошка, полиз ва узум маҳсулотлари билан етарли таъминлаш мониторинги олиб борилиши муносабати билан:

туман ҳокимлиги иқтисодиёт бўлими маълумотларни туман ҳокимлиги билан келишиб, ҳар чоракда ҳисобот давридан кейинги ойнинг 5-санасигача вилоят иқтисодиёт бошқармасига тақдим этсин.

7. Мазкур қарор қабул қилиниши муносабати билан туман ҳокимининг 2012 йил 13 декабрдаги 615-Қ-сонли қарори ўз кучини йўқотган деб ҳисоблансин.

8. Мазкур қарор ижросини назорат қилиш туман ҳокимининг иқтисодиёт ва ижтимоий ривожлантириш масалалари бўйича ўринбосари Ғ. Қулиев ва туман қишлоқ ва сув хўжалиги бўлими бошлиғи Ҳ. Нарзиқулов зиммасига юклансин.

9. Мазкур қарор расмий эълон қилингандан сўнг кучга киради.