Ўзбекистон Республикаси Вазирлар Маҳкамасининг 2013 йил 20 ноябрдаги 311-сонли «2014 йилда мева-сабзавот, картошка, полиз ва узум маҳсулотлари ишлаб чиқариш ҳамда ишлатиш прогноз кўрсаткичлари ҳақида»ги қарори ижросини бажариш, туманда 2014 йилда етиштириладиган мева-сабзавот, картошка, полиз ва узум маҳсулотларини ишлаб чиқариш ҳамда ўз вақтида қайта ишлашни таъминлаш учун оптимал шароитлар яратиш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Вилоят ҳокимининг 2013 йил 23 ноябрдаги 243-Қ-сонли «Ўзбекистон Республикаси Вазирлар Маҳкамасининг 2013 йил 20 ноябрдаги 311-сонли «2014 йилда мева-сабзавот, картошка, полиз ва узум маҳсулотлари ишлаб чиқариш ҳамда ишлатиш прогноз кўрсаткичлари ҳақида»ги қарори ижроси тўғрисида»ги қарори раҳбарлик ва ижро учун қабул қилинсин.

2. Туман ҳудудида мева-сабзавот, картошка, полиз ва узум маҳсулотлари ишлаб чиқариш ҳамда ишлатишнинг 2014 йил прогноз кўрсаткичлари тўғрисидаги таклифлар 1 ва 2-иловага* мувофиқ тасдиқлансин.

3. Туман иқтисодиёт бўлими (Ж. Абдуллаев), Қишлоқ ва сув хўжалиги бўлими (Б. Жўраев):

шахсий, ёрдамчи ва деҳқон хўжаликларида мева-сабзавот, картошка, полиз ва узум етиштириш учун ер майдонларидан самарали фойдаланишини назоратга олиш;

мева-сабзавотчилик, картошка, полиз ва узумчиликни махсус фермер хўжаликларида маҳсулот етиштиришнинг устуворлигини ҳисобга олган ҳолда ишлаб чиқаришнинг келгусидаги кўрсаткичларига мувофиқ хўжаликларда сабзавот ва полиз экинлари жойлаштирилишига алоҳида эътибор қаратилишини;

2014 йилнинг 1 мартига қадар фермер хўжаликлари ва қайта ишлаш корхоналари ўртасида мева-сабзавот ва узум маҳсулотлари етказиб бериш бўйича хамда маҳсулот етиштирувчиларни шартномада белгиланган маҳсулотлар қийматининг 40 фоизидан кам бўлмаган миқдорда бўнак маблағлари билан таъминлашни кўзда тутган ҳолда контрактация шартномалари тузилишини;

ёқилғи мойлаш материаллари, минерал ўғитлар, ўсимликларни ҳимоя қилиш воситалари, уруғлик материаллари ва кўчатлар сотишда самара берувчи томорқаларни ташкил қилишни таъминласинлар.

4. Туман ички бозорида мева-сабзавот, картошка, полиз ва узум маҳсулотларидан тўлиқ фойдаланиш масаласини ҳал қилиш ҳамда маҳсулотларни экспорт қилишни самарали ташкил этиш мақсадида 3-иловага* мувофиқ ишчи гуруҳи тузилсин.

Ишчи гуруҳнинг асосий вазифаси этиб:

2014 йил учун тасдиқланган мева-сабзавот, картошка, полиз ва узум маҳсулотлари ишлаб чиқариш хамда ишлатишнинг асосий башорат кўрсаткичлари бажарилишини танқидий кўриб чиқиш;

ички истеъмол бозорини мева-сабзавот, картошка, полиз ва узум маҳсулотларини турлари билан зарурий миқдорда, узлуксиз таъминлаш ҳамда ушбу маҳсулотлар нархлари бўйича мониторинг ўрнатиш;

мева-сабзавот, картошка, полиз ва узум маҳсулотлари четга экспорт қилишда ташиш, вагонлар ажратилиши, божхонада расмийлаштириш ва ҳисоботлар тақдим этилиши билан боғлиқ бўлган масалаларни тезкорлик билан кўриб чиқишни ташкил этиш белгилансин.

5. Туман иқтисодиёт бўлими (Ж. Абдуллаев), қишлоқ ва сув хўжалиги бўлими (Б. Жўраев)га Ўзбекистон Республикаси Вазирлар Маҳкамасининг 2006 йил 6 февралдаги 16-сонли «Белгиланган қиймат ва моддий баланс кўрсаткичлари бажарилишини самарали мониторингини таъминлаш чора-тадбирлари тўғрисида»ги қарорига биноан туманда 2014 йилда мева-сабзавот, картошка, полиз ва узум маҳсулотлари ишлаб чиқариш ва фойдаланиш баланс кўрсаткичларининг бажарилишини доимий мониторингини таъминлаш вазифаси топширилсин.

6. Аҳолини ҳамда қайта ишлаш корхоналарини ишлаб чиқарилган мева-сабзавот, картошка, полиз ва узум маҳсулотлари билан етарли таъминлаш мониторинги олиб борилиши муносабати билан:

туман иқтисодиёт бўлими туман ҳокими билан келишиб, ҳар чоракда ҳисобот давридан кейинги ойнинг 5-санасигача вилоят иқтисодиёт бош бошқармасига тегишли маълумотларни тақдим этсин.

7. Мазкур қарорнинг ижросини назорат қилиш туман ҳокимининг ўринбосари А. Усмонов зиммасига юклатилсин.

8. Мазкур қарор расмий эълон қилинган кундан бошлаб кучга киради.