Ўзбекистон Республикаси Вазирлар Маҳкамасининг 2012 йил 6 декабрдаги «Ўзбекистон Республикаси Қишлоқ ва сув хўжалиги вазирлигининг Машина ва асбоб-ускуналарнинг техник ҳолатини назорат қилиш давлат бош инспекцияси тўғрисида»ги 345-сонли қарори билан тасдиқланган Низоми (Ўзбекистон Республикаси ҚХТ, 2012 й, 50-сон, 559-модда), Ўзбекистон Республикаси Қишлоқ ва сув хўжалиги вазирининг 2004 йил 15 ноябрдаги 248-сонли буйруғи билан тасдиқланган «Тракторлар, ўзиюрар шассилар, мелиоратив йўл-қурилиш тартиби тўғрисида»ги низоми (рўйхат рақами 1432, 17.12.2004 й) (Ўзбекистон Республикаси қонун ҳужжатлари тўплами, 2004 й., 508-модда) ҳамда туманда 2013 йил қишлоқ хўжалиги ва мелиоратив техникалари, машина-трактор парклари, устахоналар ва сервис пунктларининг асбоб-ускуналарини ҳар йиллик техник кўрикдан ўтказиш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Тумандаги мулкчилик шаклидан қатъи назар, корхона, ташкилот, машина-трактор парки очиқ акциядорлик жамияти, муқобил машина-трактор парклари, фермер хўжаликлари ва фуқароларда мавжуд бўлган қишлоқ хўжалиги ва мелиоратив техникалари, шунингдек машина-трактор парклари, устахоналар ва сервис пунктларининг асбоб-ускуналарини ҳисобга олиш ва уларнинг техник ҳолатини йиллик кўрикдан ўтказиш жадвали 1-иловага*, техник кўрикдан ўтказиш бўйича комиссия таркиби 2-иловага* мувофиқ тасдиқлансин.

2. Туман Қишлоқ хўжалиги техникалари бўйича инспектор Х. Жаббаровга:

мулкчилик шаклидан қатъи назар, барча русумдаги қишлоқ хўжалик ва мелиоратив йўл қурилиш техника воситалари, машина асбоб-ускуналарни йиллик техник кўрикдан ўтказиш тўғрисидаги жадвални юридик ва жисмоний шахсларга етказиш;

мулкчилик шаклидан қатъи назар, барча русумдаги қишлоқ хўжалик ва мелиоратив йўл қурилиш техника воситаларини йиллик техник кўрикдан ўтказиш майдончаларига йиғиш;

техник кўрикдан ўтган техникаларни далолатномалар асосида ишлашга рухсат беришни ташкил қилиш вазифаси топширилсин.

3. Барча корхона, ташкилот, машина-трактор парки очиқ акциядорлик жамиятлари, муқобил машина-трактор парклари, фермер хўжаликлари раҳбарларига:

ҳисобида мавжуд бўлган қишлоқ хўжалиги ва мелиоратив йўл қурилиш техникаларини, машина асбоб-ускуналарини техник кўрикдан ўтказиш учун тайёрлаб, белгиланган майдончаларга йиғиш ва техник кўрикка тааллуқли тўловларнинг тўланишини таъминлаш топширилсин.

4. Туман ҳокими ўринбосари М. Холбоев тумандаги корхона, ташкилот, машина-трактор парки очиқ акциядорлик жамияти, муқобил машина-трактор парклари, фермер хўжаликлари ва фуқароларда мавжуд бўлган мулкчилик шаклидан қатъи назар, қишлоқ хўжалиги ва мелиоратив йўл қурилиш техникаларини, машина асбоб-ускуналарини ҳисобга олиш ва уларнинг техник ҳолатини йиллик техник кўрикдан ўтказиш билан боғлиқ бўлган йиғимларни тўлашда амалдаги тартибларга асосан амалий ёрдам бериш топширилсин.

5. Қарорнинг бажарилишини назорат қилиш туман ҳокимининг биринчи ўринбосари в.б. И. Ибрагимов зиммасига юклатилсин.