Ўзбекистон Республикаси «Аҳолини иш билан таъминлаш тўғрисида»ги Қонунининг 25-моддасига мувофиқ ҳамда Вазирлар Маҳкамасининг 2008 йил 20 авгуcтдаги 186-сонли қарорига кўра ва ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисидаги низомга асосланиб қарор қиламан:

1. Ўзбекистон Республикаси «Аҳолини иш билан таъминлаш тўғрисида»ги Қонунининг 25-моддасига асосан ҳамда Вазирлар Маҳкамасининг 2008 йил 20 авгуcтдаги 186-сонли қарорига кўра ва ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисидаги низомга асосланиб, ижтимоий муҳофазага муҳтож ва иш топишда қийналаётган шахсларни ишга жойлаштириш учун тумандаги ташкилотларда иш ўринлари банд қилиб қўйилсин.

Бандликка кўмаклашиш марказига ишлаш истагида бўлган ногиронларнинг мурожаат қилиши камайганлиги сабабли 2014 йил учун ногиронлар иш ўринлари таълим муассасасини битирувчиларига ўтказилсин.

(Ташкилот ва корхоналар рўйхати илова* қилинади.);

ходимларнинг рўйхат бўйича ўртача сонидан 3686 кишини ташкил этадиган.

7 % фоиз (258-киши) миқдорида, шу жумладан:

ўн турт ёшгача болалари ва ногирон болалари бўлган ёлғиз ота, ёлғиз она ва кўп болали ота оналар учун 0,5 % фоиз (74-киши);

таълим муассасаларини тугатган ёшлар учун 2% фоиз (152-киши);

муддатли ҳарбий хизматдан бўшатилганлар учун 0,5% фоиз (14-киши);

ногиронлар учун 3% фоиз (10-киши);

бандликка кўмаклашиш марказида иш қидирувчи сифатида ҳисобда турган пенсия ёшига яқинлашган шахслар учун 0,5 % фоиз (2-киши);

жазони ўташ муассасаларидан озод қилинган, жазони ўтаётган ёки суд қарорига кўра тиббий характердаги мажбурий чоралар кўрилган шахслар учун 0,5% фоиз (6-киши).

2. Ушбу тоифа шахслар учун иш ўринлари ходимлар томонидан ўзларининг меҳнат мажбуриятларини тўсиқларсиз бажаришини таъминлайдиган санитария-гигиена нормалари ва меҳнат шароитларига мувофиқ бўлиши керак, шу жумладан:

ногиронлар учун саломатлиги ва меҳнат фаолиятига нисбатан қўйиладиган белгиланган аксил кўрсаткичлар ҳисобга олинган ҳолда ходимга меҳнат операцияларини тўсиқсиз бажариш имконини берувчи иш жойлари;

касб-ҳунар таълимига эга бўлмаган ёшлар учун, улар умумтаълим муассасаларини тамомлаганларидан кейин бир йил давомида — шогирдлик иш жойлари ёки махсус касб-ҳунар тайёргарлигини талаб қилмайдиган иш жойлари;

ўрта махсус ва касб-ҳунар таълими муассасаларини тамомлаган ёшлар, шунингдек Ўзбекистон Республикаси Қуролли Кучларидан, Ички ишлар вазирлиги, Фавқулодда вазиятлар вазирлиги ва Миллий хавфсизлик хизмати қўшинларидан бўшатилган шахслар учун улар ўқув юртларини тамомлаганларидан ёки бўшатилганларидан кейин бир йил давомида уларнинг касб-ҳунар тайёргарлигига мувофиқ келувчи иш жойлари;

ёлғиз ота, ёлғиз оналарга ҳамда кўп болали ота-оналарга болаларни тарбиялаш ва меҳнат мажбуриятларини бажаришни бирга қўшиб олиб бориш имконини берувчи ўзгарувчан жадвалли иш жойлари;

жазони ижро этиш муассасаларидан озод қилинган ёки суд қарори билан тиббий йўсиндаги мажбурлов чораларига тортилган шахслар учун махсус малакани талаб қилмайдиган хар қандай иш;

3. Ташкилотлар раҳбарлари Ўзбекистон Республикаси Вазирлар Маҳкамасининг 2008 йил 20 августдаги 186-сон қарори билан тасдиқланган Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисидаги низомга мувофиқ ижтимоий муҳофазага муҳтож ва иш топишда қийналаётган шахслар учун кўрсатилаётган иш ўринлари ташкил этилишини таъминласинлар.

4. Ушбу қарор бажарилмаган тақдирда ташкилотларнинг мансабдор шахсларига Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисидаги низомнинг 15-бандига мувофиқ жарима солинади.

5. Қарор режасига киритилган ташкилотлар томонидан 2014 йил 1 январга қадар имтиёзли иш ўринларини 25%, 1 апрелга қадар 100% имтиёзли иш ўринлари банд қилиб қўйилиши ва бу ҳақда туман Бандликка кўмаклашиш ва аҳолини ижтимоий муҳофаза қилиш марказига ёзма равишда маълумотлар берилсин.

6. Бандликка кўмаклашиш ва аҳолини ижтимоий муҳофаза қилиш маркази бир ҳафта муддатда ушбу қарорни 1-бандда кўрсатилган ташкилот раҳбарлари эътиборига етказсин ва ушбу қарорнинг бажарилиши устидан назоратни таъминласин.

7. Ушбу қарорнинг бажарилишини назорат қилиш туман ҳокимининг ўринбосари Э. Эрназаров зиммасига юклатилсин.

8. Мазкур қарор расмий нашрда эълон қилинган кундан эътиборан қонуний кучга киради.