Ўзбекистон Республикаси Вазирлар Маҳкамасининг 2003 йил 31 январдаги 54-сонли «Транспорт воситаларини мажбурий техник кўрикдан ўтказиш тартиби тўғрисидаги низомни тасдиқлаш ҳақида»ги қарори ҳамда Самарқанд вилоят ИИБ ЙХХБнинг 2010 йил 22 декабрдаги 11/3-4400 сонли кўрсатма талабларидан келиб чиққан ҳолда 2012 йилда туман ҳудудидаги юридик ва жисмоний шахсларга тегишли бўлган автотранспорт воситаларини мажбурий техник кўрикдан ўтказиш ҳамда туман ички ишлар бўлимининг 2012 йил 21 январдаги 55/121-сонли хатига асосан қарор қиламан:

1. Туман ички ишлар бўлими бошлиғи Ж. Султонов ва туман «Давтехназорат» инспекцияси инспектори Т. Усмоновлар зиммасига тумандаги автобуслар, микроавтобуслар, мотоцикллар ва трактор-тиркамаларнинг давлат техник кўригидан ўтказиш юклатилсин.

Мулкчилик шакли ва сиғимидан қатъи назар, йўловчи ташиш билан шуғулланувчи транспорт воситалари ва трактор тиркамаларнинг мажбурий техник кўриги бир йилда икки маротаба:

Жумладан, биринчи марта 1 мартдан 30 июнгача;

иккинчи марта 1 сентябрдан 31 октябргача ўтказилиши ташкиллаштирилсин.

2012 йилнинг 1 мартидан то 30 июнгача тумандаги барча юридик шахсларга тегишли автобуслар, микроавтобуслар, автомашиналар ва тегишли улов воситалари иловага* асосан техник кўрикдан ўтказилсин.

Тумандаги жисмоний шахсларга тегишли бўлган барча турдаги шахсий транспорт воситалари 1 январдан 31 августга қадар техник кўрикдан ўтказилсин.

2. Техник кўрикдан ўтказишда:

барча транспорт воситаларининг техник ҳолатини текширишда уларнинг тайёрлаган завод кўрсатмаларига асосан ишлатиш қоида қўлланмаларига ҳар бир ҳаракатланиш қисмини талабга жавоб берилиши;

корхона ва ташкилот раҳбарларидан йўл ҳаракати қоидаларида кўрсатилганидек транспорт воситаларидан фойдаланишни тақиқловчи шартларга асосан техник соз ҳолда таъминланишини;

махсус машиналар, ҳаракатланувчи таъмирлаш ва тузатиш устахоналарининг жиҳозланганлигига алоҳида эътибор бериш топширилсин.

Туман ички ишлар бўлими бошлиғи Ж. Султонов ва «Давтехназорат» инспекцияси инспектори Т. Усмоновларга хар бир агрофирмалар ва ташкилот, муассасаларда транспорт воситаларини техник кўрикдан ўтказилиши бўйича 1-иловага* асосан тасдиқланган режа жадвални ташкилот раҳбарларига етказиш ва ўз вақтида бажарилишини таъминлаш юклатилсин.

Хар бир ташкилот, муассаса раҳбарлари ва шахсий автомашина эгалари зиммасига:

автоуловларни техник паспорти билан биргаликда техник кўрикдан ўтказилишини уларнинг техник жиҳатдан созлигини ва ўз вақтида режа жадвал асосида кўрикдан ўтказиш мажбуриятини бажаришни;

агрофирмалар, ташкилот, муассасалар раҳбарларига алоҳида тартиб ўрнатиш ва халқ хўжалиги ҳисобида бўлган ишга яроқсиз, тикланмайдиган машиналарни ҳисобдан чиқариш чораларини техник кўрикка қадар кўриб чиқиш вазифалари юклатилсин.

3. Ўзбекистон Республикаси Вазирлар Маҳкамасининг 2003 йил 31 январдаги 54-сонли «Транспорт воситаларини мажбурий техник кўрикдан ўтказиш тартиби тўғрисидаги низомни тасдиқлаш ҳақида»ги қарори 3-банди талабларидан келиб чиқиб туман мудофаа бўлими, ички ишлар бўлими ва миллий хавфсизлик хизмати ҳарбий бўлинмалари транспорт воситалари мажбурий техник кўриклари ўз юқори ташкилотларининг қарори ва иш режаси асосида амалга оширилиши назарда тутилсин.

4. Туман ҳудудидаги юридик ва жисмоний шахсларга тегишли бўлган автотранспорт воситалари, мулкчилик шаклидан қатъи назар, фермер хўжаликлари, муқобил МТП, корхона ва ташкилотлар ҳисобидаги трактор ва тиркамалар, ўзи юрар шассилар, мелеоратив йўл қурилиш машиналари, асбоб-ускуналар ва жиҳозлар ишлаб чиқарилганига 5 йилдан кўп бўлмаган транспорт воситалари Транспорт воситаларини мажбурий техник кўрикдан ўтказиш тартиби тўғрисидаги низом 5-бандининг а кичик бандида кўрсатилган транспорт воситаларидан ташқари, ҳар 2 йилда бир марта техник кўрикдан ўтказиш назарда тутилсин.

5. Йиллик техник кўрикни тартибли ва ўз вақтида амалга ошириш мақсадида:

туман ҳудудидаги юридик ва жисмоний шахсларга тегишли бўлган автотранспорт воситалари, мулкчилик шаклидан қатъи назар, фермер ҳўжаликлари, муқобил МТП, корхона ва ташкилотлар ҳисобидаги трактор ва тиркамалар, ўзи юрар шассилар, мелеоратив йўл қурилиш машиналари, асбоб-ускуналар ва жиҳозларни мажбурий техник кўрикдан ўтказиш комиссияси Ишчи гуруҳи 2-иловага* мувофиқ.

6. Туман ички ишлар бўлими бошлиғи Ж. Султоновга техник кўрикни ўтказиш якунлари бўйича ҳисоботни тегишли тартибда туман ҳокимлиги йиғилиш муҳокамасига киритиш топширилсин.

7. Туманда мотоцикллар, тиркама уламаларнинг ҳамда шахсий транспорт воситаларидан тушадиган мажбурий суғурта бадалини ундириш суғурта ташкилотлари раҳбарлари зиммасига юклатилсин.

8. Ушбу қарорни ижросини назорат қилиш туман ҳокимининг биринчи ўринбосари зиммасига юклатилсин.