Ўзбекистон Республикасининг «Ўзбекистон Республикасининг Давлат байроғи тўғрисида»ги Қонуни (Ўзбекистон Республикаси Олий Кенгашининг Ахборотномаси, 1992 й., 1-сон, 27-модда) талабларидан келиб чиқиб, Ўзбекистон Республикаси Президентининг 2013 йил 12 июндаги ПҚ-1984-сонли «Ўзбекистон Республикаси Давлат мустақиллигининг йигирма икки йиллик байрамига тайёргарлик кўриш ва уни ўтказиш тўғрисида»ги қарорига кўра, мазкур байрамни юқори савияда ташкил этиш ва ўтказиш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Шаҳар ҳудудининг «Мустақиллик» байрами тадбирлари бўлиб ўтадиган Истироҳат боғида Ўзбекистон Республикаси Давлат байроғи 2013 йил 27 август кунидан бошлаб 3 сентябргача, ҳар куни соат 06-00 да кўтарилиб, 22-00 да туширилсин.

2. Шаҳар ҳудудида юқорида белгиланган кун ва вақтларда Давлат байроғи кўтариладиган корхона, муассаса, ташкилотлар рўйхати 1-иловага* мувофиқ тасдиқлансин.

3. Белгиланган кунларда Давлат байроқларини кўтариш ва тушириш 1-иловада кўрсатилган барча ташкилот, корхона, муассасалар раҳбарлари зиммаларига юклатилсин.

4. Шаҳар ички ишлар бўлими «Давлат байроғи тўғрисида»ги Қонун ҳамда мазкур қарор талабларини бажарилиши юзасидан қатъий назорат ўрнатсин.

5. Ушбу қарор ижросини назорат қилиш шаҳар ҳокимининг иқтисодиёт ва ижтимоий ривожлантириш масалалари бўйича бош мутахассиси Б. Аҳмадов зиммасига юклатилсин.

6. Ушбу қарор расмий эълон қилинган кундан бошлаб кучга киради.