Туманда инқирозга қарши чораларнинг 2010 — 2014 йилларга мўлжалланган дастурининг сўзсиз бажарилишини таъминлаш борасида амалга оширилаётган ишларнинг самарадорлигига эришиш, аҳолини иш билан таъминлаш ва янги иш ўринлари яратишни таъминлаш мақсадида, Ўзбекистон Республикасининг «Аҳолини иш билан таъминлаш тўғрисида»ги Қонунининг 17-моддаси ҳамда «Маҳаллий давлат ҳокимияти тўғрисида»ги Қонунининг 24-моддасига асосан Халқ депутатлари туман Кенгаши қарор қилади:

1. 2014 йилда туманда молиялашнинг барча манбалари ҳисобидан яратиладиган янги иш ўринларининг параметрлари 1-иловага, туман ишчи комиссияси таркиби 2-иловага мувофиқ тасдиқлансин.

2. Туман ишчи комиссияси томонидан 2014 йилда янги иш жойлари яратиш ҳудудий дастурлари параметрлари Ўзбекистон Республикаси Президентининг 2008 йил 28 ноябрдаги ПФ-4058-сонли Фармони (Ўзбекистон Республикаси қонун ҳужжатлари тўплами, 2008 й., 49-сон, 477-модда) билан тасдиқланган молиявий инқирозга қарши кураш чоралари доирасида шакллантирилганлиги маъқуллансин.

Ишчи комиссиясининг ҳудудларга бириктирилган аъзоларига:

ҳар ойда бириктирилган ҳудудга чиққан ҳолда 2014 йилда янги иш ўринлари яратиш ва аҳоли бандлигини таъминлаш дастури ижросини танқидий ўрганиб, туман ҳокимлиги ва мутасадди ташкилотлар вакиллари иштирокида муҳокама этиб бориш;

ҳудудий дастурларни амалга оширишда йўл қўйилаётган қолоқлик ва муаммоларни аниқлаб, уларни бартараф қилиш юзасидан тегишли чораларни кўриш;

белгиланган вазифаларни талаб даражасида бажармаган тармоқлар, туман ҳокимлиги, масъул давлат органлари, тижорат банклари ва корхоналар раҳбарларининг масъулиятини кўриб чиқиш юзасидан туман ишчи комиссиясига таклифлар киритиб бориш;

ҳудудий дастурларга киритилган объектларнинг ўз вақтида ишга туширилиши, дастур параметрларининг тўлиқ ва сифатли бажарилиши устидан қатъий назорат ўрнатиш вазифалари юклатилсин.

3. Туман иқтисодиёт бўлими (О. Нигматов):

ушбу параметрлар бўйича туман ҳокимлиги ва мутасадди ташкилотлар билан келишган ҳолда 2014 йилда ҳар бир қишлоқ ва маҳалла фуқаролар йиғинларида яратиладиган янги иш ўринлари параметрларини яна бир маротаба таҳлил қилиб, таҳлил натижаларини туман ҳокимлигига тақдим этиши;

2014 йилда янги иш жойлари яратиш ва аҳоли бандлигини таъминлаш дастурининг ижроси мониторингини юритишда инвестиция, локализация, тармоқлар, ҳудудларни, ишлаб чиқариш ва ижтимоий инфратузилмани ривожлантириш ва бошқа мақсадли дастурлар ижросига алоҳида эътибор қаратиши белгилаб қўйилсин.

4. Тумандаги барча тижорат банклари бошқарувчиларига фуқаролар йиғинлари кесимида янги кичик бизнес субъектларини ташкил этиш, хизмат кўрсатиш ва сервис соҳасини ривожлантириш, қишлоқларда биринчи навбатда меҳнат бозорида танглик кузатилаётган ҳудудларда, кичик ҳажмдаги корхоналар ташкил этишда кредитлар, шу жумладан имтиёзли кредитлар ажратишни 1-иловага мувофиқ тасдиқланган параметрлардан келиб чиққан ҳолда ишлаб чиқиш тавсия этилсин.

5. Туман ҳокимининг иқтисодиёт ва ижтимоий ривожлантириш масалалари бўйича ўринбосари З. Баратовга:

тегишли ташкилотлар билан биргаликда молиявий соғломлаштириш чоралари қўлланилган шароитда иш жойларини тиклаш, улардаги бўш иш ўринлари ва ишлаб чиқариш қувватларидан фойдаланиш даражасини ошириш имконияти бўлган иқтисодий ночор корхоналар ҳисобига яратиладиган янги иш ўринларига аниқлик киритиш ҳамда 2013 йилда кичик бизнес ва хусусий тадбиркорлик субъектлари томонидан янги иш ўринларини ташкил этилиши ва аҳолини иш билан таъминлашга кенг жалб этиш бўйича ишларни фаоллаштириш вазифаси юклатилсин.

6. Туман ҳокимлигининг тегишли бўлимлари иқтисодиётнинг реал сектори корхоналарини, ишлаб чиқариш ва ижтимоий инфратузилмасини қўллаб-қувватлаш, кичик бизнес, хизмат кўрсатиш ва сервис соҳасини, касаначиликни ривожлантириш ҳисобига янги иш ўринларини кўпайтириш 1-иловага мувофиқ тасдиқланган параметрларга мослаштириш вазифалари юклатилсин.

7. Туман ҳокимининг ўринбосарлари И. Пиннаев, Ш. Норқобилов, З. Баратов ва О. Жўраева ҳамда тумандаги тегишли корхона, ташкилот, муассасалар раҳбарлари:

белгиланган ишлаб чиқариш, хизмат кўрсатиш, ижтимоий ва бозор инфратузилма объектларини белгиланган муддатларда ишга туширилишини таъминлаш;

корхоналарнинг мавжуд ишлаб чиқариш ускуналаридан тўлиқ фойдаланиш имконияти ва ресурсларини аниқлаб, рақобатбардош маҳсулот ишлаб чиқариш бўйича технологик жараёнларни қайта ташкил этиш юзасидан аниқ тадбирларни амалга ошириш;

бўш турган ишлаб чиқариш бинолари ва ишламаётган ускуналарни белгиланган тартибда хусусийлаштириш ва тадбиркорларга имтиёзли равишда ижарага беришни ташкил қилиш;

бозор муҳитига тез мослашувчи, ўзгарувчан технологиядан фойдаланадиган, бозор конъюнктурасини ҳисобга оладиган ўлчамлари катта бўлмаган янги кичик бизнес корхоналарининг ташкил этилишини таъминлаш;

аҳолига ижтимоий ва маиший хизмат кўрсатиш тизимида янги, шу жумладан комплекс хизмат кўрсатиш субъектларини барпо қилиш чораларини кўриш;

фуқароларга ер ресурслари имкониятидан келиб чиқиб, деҳқон хўжалиги ташкил этиш учун қўшимча ер майдонларини ажратиш;

норасмий тарзда тадбиркорлик фаолияти билан шуғулланаётган фуқароларни аниқлаб, уларни амалдаги қонун талабларига мос равишда фаолиятини тегишли тартибда расмийлаштириш ва янгидан ташкил этиш мақсадида бўлган фуқароларни ҳар томонлама қўллаб-қувватлаш;

ҳудудларнинг ўзига хос муҳитлари, касбий мойиллигини ва мавжуд имкониятларини ҳисобга олган ҳолда ҳунармандчилик ва бадиий косибчиликни ривожлантириш ҳамда ёшларни «Уста-шогирд» усулида косибчиликка ўқитиш ҳисобига параметрда белгиланган барча кўрсаткичлар ижросини таъминласинлар.

9. Туман ҳокимининг иқтисодиёт ва ижтимоий ривожлантириш масалалари бўйича ўринбосари З. Баратовга:

қабул қилинган янги иш ўринлари ташкил этиш дастурини туманнинг ижтимоий-иқтисодий ривожлантириш бўйича истиқболли Дастури билан мутаносиблигини таъминлаш;

ҳар чоракда таҳлил қилиб, тегишли ўзгартиришларни киритиш ҳамда муҳокама қилиб бориш вазифаси юклатилсин.

10. Туман статистика бўлими (О. Бозоров) ва туман Бандликка кўмаклашиш ва аҳолини ижтимоий муҳофаза қилиш маркази (М. Азизов) билан биргаликда барча тадбирлар ҳисобига яратилаётган янги иш жойлари ҳисобининг юритилишини таъминласинлар.

11. Туман Бандликка кўмаклашиш ва аҳолини ижтимоий муҳофаза қилиш маркази (М. Азизов), туман иқтисодиёт бўлими (О. Нигматов) билан ҳамкорликда:

туманда янги иш ўринларининг яратилиши бўйича ҳудудлар, тармоқлар ва корхоналар кесимида, янги иш ўринлари ташкил этиш ва аҳолини иш билан таъминлаш дастурининг бажарилиши бўйича маълумотларни жамласин ҳамда маълумот ва ҳисоботларни вилоят меҳнат ва аҳолини ижтимоий ҳимоя қилиш бош бошқармасига тақдим этиб бориш;

2014 йилда янги иш ўринлари яратиш ва аҳоли бандлигини таъминлаш дастурининг тасдиқланган асосий параметрларини 2014 йилда янги ташкил этиладиган ва кенгайтириладиган объектлар (корхоналар, ташкилотлар, муассасалар, тадбиркорлик субъектлари, фермер ва деҳқон хўжаликлари ҳамда шу кабилар) кесимида муддатлар, молиявий манбалар, масъуллар бўйича аниқлаштирилган ҳолда тасдиқлаш;

2014 йилдан бошлаб ҳар ойда Халқ депутатлари Нишон тумани Кенгаши депутатлари билан биргаликда янги иш ўринлари яратиш ва аҳоли бандлигини таъминлаш Дастурининг тасдиқланган параметрлари бажарилиши, манзилли рўйхатларга киритилган объектларнинг ишга туширилишини ва белгиланган иш жойларининг яратилишини муҳокама этиб бориш;

туманда манфаатдор ташкилотлар раҳбарлари жалб этилган ишчи гуруҳлари ташкил этиш, улар зиммасига янги иш жойлари яратиш ва аҳоли бандлигини таъминлаш чораларини кўриш, манзилий Дастурга киритилган корхоналарнинг ташкил этилиши ва фаолият юритилишини ҳар томонлама қўллаб-қувватлаш, жумладан рўйхатдан ўтказиш, моддий техника ресурсларидан ва муҳандислик коммуникацияларидан фойдаланиш, дастлабки сармояни шакллантириш ва кредитлар олиш, солиққа тортиш, маҳсулотни сотиш каби муаммоларни аниқлаш ва жойида ҳал этиш чораларини кўриш вазифаси топширилсин.

12. Ушбу қарор Халқ депутатлари вилоят Кенгашига ахборот учун тақдим этилсин.

13. Мазкур қарорнинг ижросини назорат қилиш Халқ депутатлари туман Кенгашининг доимий комиссиялари раислари зиммасига юклансин.

14. Мазкур қарор расман эълон қилинган кундан эътиборан кучга киради.