Ўзбекистон Республикаси Вазирлар Маҳкамасининг 2003 йил 31 январдаги «Транспорт воситаларини мажбурий техник кўрикдан ўтказиш тартиби тўғрисидаги Низомни тасдиқлаш ҳақида»ги 54-сонли қарори ҳамда тумандаги халқ хўжалиги тармоқлари, ширкат ва фермер хўжаликлари, корхона ва ташкилотлар, кичик корхоналар, хусусий фирмалар ва фуқароларга тегишли бўлган транспорт воситалари сонини аниқлаш, техник кўрикдан ўтказиш, транспорт воситаларида содир этилаётган ноқонуний хатти-ҳаракатларни олдини олиш ва атроф муҳитни тозалигини сақлаш мақсадида ҳамда вилоят адлия бошқармаси томонидан 2013 йил 6 июнда 05/1413-сонли хат билан тақдим этилган норматив-ҳуқуқий ҳужжат лойиҳасини ҳуқуқий экспертизадан ўтказиш бўйича хулосасини инобатга олиб қарор қиламан:

1. Туман ички ишлар бўлими (И. Шеров), туман мудофаа ишлари бўлими (И. Жуманиёзов) ларга:

тижорат асосида йўловчилар учун фойдаланиладиган енгил автомобиллар, автобуслар ва ўтириладиган жойлари сони 8 та ва ундан ортиқ бўлган (ҳайдовчининг ўриндиғидан ташқари) одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташувчи махсус транспорт воситалари, тракторлар, трактор тиркамалари, мелиоратив техника ва ўзиюрар машиналари техник кўригини биринчи марта 2013 йил 11 июндан 30 июнгача, иккинчи маротаба 2013 йил 1 сентябрдан 31 октябргача бўлган муддатларда ўтказилишини ташкил этсинлар.

2. Туманда транспорт воситаларини йиллик мажбурий техник кўрикдан ўтказиш бўйича ишчи гуруҳи таркиби 1-иловага, техник кўрикдан ўтказиш жадвали 2-иловага мувофиқ тасдиқлансин.

3. Туман Ички ишлар бўлими ЙХХГ (С. Бекмуродов)га;

техник кўрикдан ўтказиш жараёнида транспорт воситаларининг техник ҳолатини текшириш OʼzDSt 1057-2004 ва OʼzDSt 1058-2004 давлат стандартлари талаблари асосида ҳамда транспорт воситаларининг суғурталанганлиги ва уларга ўрнатилган газ балонларини синовдан ўтказилганлиги тўғрисидаги тегишли ҳужжатлар тақдим этилгандан сўнг амалга оширилишига алоҳида эътибор қаратиш;

техник хизмат кўрсатиш станцияларидаги ўлчов ва синов воситаларини Ўзбекистон Республикасининг «Метрология тўғрисида» ги Қонун талаблари асосида қиёслашдан ўтказиш;

техник кўрикни сифатли ўтказиш мақсадида кўчма синов лабораторияси ишлашини ташкил этиш;

мажбурий техник кўрикдан ўтказилаётган автобус ва микроавтобусларнинг техник ҳолатини назорат ўлчов асбоблари ёрдамида текшириш амалиёти диагностика ва техник хизмат кўрсатиш станциялари ёки техник жиҳозларга эга бўлган йирик автокорхоналарда йўлга қўйиш;

мулкчилик шаклидан қатъи назар, техник кўрикдан ўтган ҳар бир транспорт воситасини техник кўрикдан ўтганлиги тўғрисидаги гувоҳнома билан таъминлаш юклатилсин.

4. Туман Шимолий Кон бошқармаси (Ю. Золотарёв) ҳамда корхона ва ташкилот раҳбарлари зиммасига:

йиллик мажбурий техник кўрикни сифатли ва ўз муддатларида ўтказиш учун малакали ходим билан таъминлаш (ойлик маоши сақланган ҳолда) чораларини кўриш;

техник кўрик жараёнида аҳолига енгиллик яратиш мақсадида ЙХХГ, суғурта хизмати билан биргаликда техник кўрикни аҳоли тиғиз жойлашган пунктларига ташкил этиш;

шахсий транспорт воситаларининг техник кўриги жадвалини белгилашда фуқароларга қулайлик яратиш мақсадида дам олиш кунларидан тўлиқ фойдаланишни таъминлаш;

давлат транспорт воситаларини белгиланган жадвал асосида техник кўрикдан ўтказишда тегишли тўловларнинг биринчи навбатда ундирилишини назорат остига олиш юклатилсин.

5. Юридик шахсларнинг ҳисобида турган транспорт воситаларининг соз ҳолда бўлишига шахсан раҳбарлар масъул эканликлари белгилаб қўйилсин ва йиғилишларида техник кўрик комиссиясининг йиллик техник кўрикка тайёргарлик кўриш натижалари бўйича ҳисоботларини ҳар чорак якунида тингланиб, ҳар чорак якуни билан тадбир натижалари бўйича маълумотлар кейинги ойнинг 5-санасига қадар туман ҳокимлигига тақдим этилсин.

6. Туман ИИБ (И. Шеров)га мазкур қарорнинг ижроси юзасидан 2013 йил 10 ноябрга қадар туман ҳокимлигига ахборот тақдим этиш вазифаси топширилсин.

7. Ушбу қарорнинг ижросини назорат қилиш туман ҳокимининг биринчи ўринбосари Б. Қаххоров зиммасига юклатилсин.