Ўзбекистон Республикаси Қишлоқ ва сув хўжалиги вазирлигининг 2013 йил 2 апрелдаги «Қишлоқ хўжалиги ва мелиоратив техникани, шунингдек машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тартиби тўғрисидаги низомни тасдиқлаш ҳақида»ги 58-сонли буйруғи ижросини таъминлаш ва тумандаги ширкат хўжаликлари, ташкилотлар ва кичик корхоналар ҳамда фуқароларга тегишли бўлган трактор, ўзиюрар шассилар, мелиоратив йўл-қурилиш машиналари ва трактор тиркамаларини йиллик мажбурий техник кўрикдан ўтказиш мақсадида ҳамда вилоят адлия бошқармасининг 2013 йил 6 июнда 05/1412-сонли хат билан тақдим этилган норматив-ҳуқуқий ҳужжат лойиҳасини ҳуқуқий экспертизадан ўтказиш бўйича хулосасини инобатга олиб қарор қиламан:

1. Туман ҳудудидаги юридик ва жисмоний шахсларга тегишли бўлган тракторлар, ўзиюрар шассилар, мелиоратив йўл-қурилиш машиналари ва трактор тиркамалари 2013 йил 11 июндан 2013 йил 1 августга қадар йиллик техник кўрикдан ўтказилсин.

2. Қишлоқ хўжалиги ва йўл-қурилиш мелиоратив машиналарини йиллик техник кўрикдан ўтказиш бўйича ишчи гуруҳи таркиби 1-иловага, техник кўрикдан ўтказиш иш режаси 2-иловага* мувофиқ тасдиқлансин.

3. Ширкат хўжаликлари, ташкилот ва кичик корхона раҳбарлари техникаларини техник кўрикдан ўтказиш ҳамда суғурталаш учун тўловларни ўз вақтида тўланишини таъминласин.

4. Туман қишлоқ хўжалик техникалари бўйича инспектори (А. Аминов)га техник кўрик натижалари бўйича 2013 йил 5 августга қадар туман ҳокимлигига маълумот тақдим этиш топширилсин.

5. Ушбу қарорнинг ижросини назорат қилиш туман ҳокимининг биринчи ўринбосари Б. Қаҳҳоров зиммасига юклатилсин.