Ўзбекистон Республикаси Молия вазирлигининг 2013 йил 21 январдаги МА/15-02032-21/14-сонли, Ўзбекистон Республикаси Давлат солиқ қўмитасининг 2013 йил 22 январдаги 26/1-1021-сонли хатларига, Ўзбекистон Республикаси Адлия вазирлигида 2013 йилнинг 16 январида 2412-сон билан рўйхатга олинган «Бозорлар ва савдо комплексларининг маъмурияти томонидан ундириб олинадиган бир марталик йиғимлар, ижара тўлови ва кўрсатиладиган хизматлар қийматининг минимал миқдорлари»га ҳамда ДСҚ Бозорлар ва савдо комплекслари фаолиятини назорат қилиш Бош бошқармасининг вилоят бўлими, «Сирдарёбозорсавдо» уюшмасининг туман ва шаҳар бозорлари маъмуриятининг таклифларини инобатга олиб қарор қиламан:

1. Сирдарё вилоятидаги бозорлар ва савдо комплексларининг маъмурияти томонидан ундириб олинадиган бир марталик йиғимлар, ижара тўлови ва кўрсатиладиган хизматлар қийматининг минимал миқдорлари иловага* мувофиқ тасдиқлансин.

2. Сирдарё вилоятидаги бозорлар ва савдо комплексларининг маъмурияти томонидан ундириб олинадиган бир марталик йиғимлар, ижара тўлови ва кўрсатиладиган хизматлар қийматининг минимал миқдорлари 2013 йилнинг 28 январидан бошлаб жорий этилсин.

3. Вилоят молия бошқармаси (Р. Суванов), вилоят Давлат солиқ бошқармаси (Р. Исмоилов), Давлат солиқ қўмитасининг Бозорлар ва савдо комплекслари фаолиятини назорат қилиш Бош бошқармаси вилоят бўлими (Ш. Алимухаммедов) ва «Сирдарёбозорсавдо» уюшмаси (Ф. Қутбиддинов), бозорлар ва савдо комплекслари раҳбарлари:

фаолият кўрсатиб келаётган барча бозорлар ва савдо комплексларининг маъмурияти томонларидан олинадиган бир марталик йиғимлар, ижара тўлови ва кўрсатиладиган хизматлар қиймати минимал миқдорларининг тўлиқ ундирилишини ва банк муассасаларига топширилишини ҳамда маҳаллий бюджетга йўналтириладиган қисмини ўз вақтида ўтказилишини;

бозорлар ва савдо комплексларининг маъмурияти томонидан ундириб олинадиган бир марталик йиғимлар, ижара тўлови ва кўрсатиладиган хизматлар қийматининг минимал миқдорлари бозорлар ва савдо комплекслари ҳудудидаги махсус жойларга осиб қўйилишини таъминласин.

4. «Сирдарё ҳақиқати» газетаси рўзномаси (Ж. Қосимов)га ушбу қарорни кенг оммага етказиш мақсадида газета саҳифасида чоп этиш топширилсин.

5. Мазкур қарор қабул қилиниши муносабати билан вилоят ҳокимининг 2012 йил 16 мартдаги 74-сонли қарори ўз кучини йўқотган деб ҳисоблансин.

6. Қарор ижросини назорат қилиш вилоят ҳокимининг ўринбосари Б. Бўронов зиммасига юклатилсин.