Ўзбекистон Республикаси Президентининг 2011 йил 4 октябрдаги «Ишлаб чиқариш ҳажмларини кенгайтириш ва янги турдаги рақобатбардош маҳсулотлар ишлаб чиқаришни ривожлантириш бўйича биринчи навбатдаги чора-тадбирлар дастури тўғрисида»ги ПҚ-1623-сонли ва 2012 йил 21 ноябрдаги «Ўзбекистон Республикасининг 2013 йилга мўлжалланган Инвестиция дастури тўғрисида»ги ПҚ-1855-сон қарорларига мувофиқ ва тоғ-кон шахта ишларини бажариш учун импорт ўрнини босувчи маҳаллий ускуналарни ишлаб чиқаришни ташкил этиш, фойдаланилаётган ва ишлаб чиқариш режалаштирилган ускуналарнинг эҳтиёт қисмларига бўлган эҳтиёжни таъминлаш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг 2013 йил 3 майдаги 258-Ф-сонли фармойишига мувофиқ «Олмалиқ КМК» ОАЖ ва «Электроплазма ускуналари ва тизимлари» илмий-ишлаб чиқариш корхонаси (Россия Федерацияси) ўртасида тўғридан-тўғри музокаралар натижаларига кўра умумий қиймати 7,69 млн АҚШ долл. эквивалентда технологик ускуналарни етказиб берган ҳолда электрошлакли қайта эритиш участкасини ташкил этиш учун шартнома тузилганлиги маълумот учун қабул қилинсин.

2. Капитал қўйилмаларнинг умумий қиймати 28,8 млн. АҚШ долл. эквивалентида, асосий техник-иқтисодий параметрлар билан «Тоғ-кон-шахта ишлари учун ускуналар ишлаб чиқаришни ташкил этиш» (кейинги ўринларда — лойиҳа деб юритилади) инвестиция лойиҳасининг техник-иқтисодий асослари иловага* мувофиқ тасдиқлансин.

3. Лойиҳани молиялаштириш манбалари қуйидагилар этиб белгилансин:

«Олмалиқ КМК» ОАЖнинг 14,0 млн. АҚШ доллари эквивалентидаги ўз маблағлари, махсус инвестиция ҳисобварақларидаги маблағларни ҳисобга олган ҳолда;

«Ипотека-банк» АТИБ томонидан 7 йил муддатга, шу жумладан 3 йиллик имтиёзли давр билан, йиллик 6,0 фоиз ставка билан 14,8 млн. АҚШ долл. миқдорида ажратиладиган кредит.

4. «Ипотека-банк» АТБга истисно тариқасида лойиҳани амалга ошириш доирасида «Олмалиқ ГМК» ОАЖ билан 14,8 миллион АҚШ доллари эквиваленти миқдорида кредит шартномасини ҳар бир қарз олувчи учун максимал хавф меъёрини қўлламаган ҳолда тузишга рухсат берилсин ёки тегишли қарз олувчилар гуруҳи.

5. Белгилансинки:

«Олмалиқ КМК» ОАЖ қарз олувчи ва ижро этувчи орган, лойиҳани амалга ошириш, жалб қилинган кредитдан мақсадли ва самарали фойдаланиш учун масъул орган ҳисобланади;

жалб қилинган кредитни сўндириш ва унга хизмат кўрсатиш билан боғлиқ харажатлар «Олмалиқ КМК» ОАЖнинг ўз маблағлари ҳисобидан, шу жумладан, махсус инвестиция ҳисобварақларидаги маблағлар ҳисобидан амалга оширилади.

6. «Олмалиқ КМК» АЖга лойиҳани амалга ошириш доирасида қурилиш-монтаж ишларини ўз кучлари билан бажариш ҳуқуқи берилсин.

7. Ўзбекистон Республикаси Давлат архитектура-қурилиш қўмитаси белгиланган тартибда лойиҳанинг лойиҳа-смета ҳужжатлари экспертизасидан ўтказилишини таъминласин ва лойиҳани амалга ошириш доирасида қурилиш-монтаж ишларининг сифатли бажарилиши юзасидан давлат архитектура-қурилиш назоратини ўрнатсин.

8. Ўзбекистон Республикаси Ташқи ишлар вазирлиги «Олмалиқ КМК» ОАЖ буюртмалари бўйича лойиҳани амалга оширишда иштирок этувчи хорижий давлатлар мутахассисларига белгиланган тартибда кириш визалари расмийлаштирилишини таъминласин.

9. Ўзбекистон Республикаси Ички ишлар вазирлиги «Олмалиқ КМК» ОАЖ буюртмалари бўйича лойиҳани амалга оширишда иштирок этувчи хорижий давлатлар мутахассисларни белгиланган тартибда вақтинча рўйхатга қўйиш ва унинг амал қилиш муддатини уларнинг вақтинчалик яшаш жойи манзили бўйича узайтирилишини таъминласин.

10. Ўзбекистон Республикаси Меҳнат ва аҳолини ижтимоий муҳофаза қилиш вазирлиги «Олмалиқ КМК» ОАЖ буюртмалари бўйича Ўзбекистон Республикасига малакали хорижий давлатлар мутахассислари жалб қилиш учун рухсатномалар белгиланган тартибда берилишини (муддатини узайтирилишини) таъминласин, ҳамда лойиҳани амалга оширишда иштирок этувчи хорижий давлатлар мутахассисларига Ўзбекистон Республикаси ҳудудида меҳнат фаолиятини амалга ошириш ҳуқуқи берилганлиги тўғрисида тасдиқномалар бериш (узайтириш)ни таъминласин.

11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклатилсин.