Ўзбекистон Республикаси Ҳукумати ва Словакия Республикаси Ҳукумати, бундан кейин Аҳдлашувчи Томонлар деб аталувчилар,

автомобилда халқаро ташишларни тартибга солиш ва ривожлантиришга кўмаклашишга амал қилиб,

қуйидагилар тўғрисида аҳдлашиб олдилар:

Ушбу Битим Ўзбекистон Республикаси ва Словакия Республикаси ўртасида, шунингдек улар ҳудудлари орқали транзит тарзда Томонларнинг миллий қонунларига мувофиқ ана шу ташишларни бажариш ҳуқуқига эга бўлган ташувчилар томонидан таъминланадиган автомобилда халқаро йўловчиларни ташиш учун ҳақиқийдир.

Ушбу Битимга мувофиқ шахслар ва улар юкларини автобусларда ташиш, шунингдек ушбу транспорт хизматлари билан боғлиқ бўш ташишлар автомобилда йўловчиларни ташиш ҳисобланади.

Ўз жиҳозланиши бўйича ҳайдовчини ҳам қўшиб ҳисоблаганда тўққиз кишидан ортиқ шахсни ташишга қодир ва мўлжалланган механик транспорт воситалари автобуслар деб ҳисобланади.

1. Мунтазам автобусда ташишлар шахсларни тасдиқланган ва эълон қилинган йўналишлар ҳамда ҳаракат графиклари бўйича ташишдан иборат бўлиб, уларга мувофиқ йўловчи олдиндан белгиланган бекатларда автобусга ўтириши ва ундан чиқиши мумкин.

2. Ҳар икки давлат ўртасида мунтазам ва улар ҳудуди бўйлаб транзит тарздаги автобус йўналишларига ҳар икки Томон ваколатли органларининг ўзаро келишуви бўйича рухсат этилади.

3. Ҳар икки Аҳдлашувчи Томон ваколатли органлари йўналишнинг улар ҳудуди бўйича ўтадиган қисми учун рухсатнома берадилар.

4. Рухсат бериш учун талабнома автобус рўйхатга олинган Аҳдлашувчи Томоннинг ваколатли органига тақдим этилади ва унда қуйидаги маълумотлар бўлиши керак:

а) ташувчининг номи, шунингдек унинг тўла манзили;

б) ҳаракат тартиби тури;

в) рухсатноманинг амал қилиш муддати;

г) бажарилаётган қатновлар миқдори (ҳар куни, ҳафтада бир марта);

д) ҳаракат жадвали;

е) йўналиш чизмаси (йўловчиларнинг автобусларга чиқиши ва тушиши учун бекатлар, чегарадан ўтишлар);

ж) йўналишнинг километрлардаги узунлиги;

з) ҳайдовчиларнинг иш вақти ва дам олиш вақти;

и) автобусда ўтиришга мўлжалланган ўриндиқларнинг энг кўп миқдори;

к) йўл ва тариф шартлари.

5. Бир Аҳдлашувчи Томоннинг ваколатли органи иккинчи Аҳдлашувчи Томон ваколатли органига мунтазам йўналишлар очишга талабномалар беради, у бу талабномаларни барча талаб этилган маълумотлар билан бирга тасдиқлайди.

1. Йўловчилар маятник тарзда ташишлар олдиндан шакллантирилган шахслар гуруҳини бир жўнаш пунктидан бир бориш жойигача бир неча қатновда у томонга ва орқага ташиш хизматидан иборатдир. Бориш жойига етказилган йўловчилар гуруҳлари кейинчалик жўнаб кетган жойларига олиб келиб қўйилади. Орқага қатнайдиган биринчи қатнов ва у томонга борадиган охирги қатнов бўш бўлиши керак.

2. Йўловчиларни маятник тарзда ташишларни амалга ошириш учун иккинчи Аҳдлашувчи Томон ваколатли органининг махсус рухсатномасига эга бўлиш керак. Талабнома берувчи рухсатнома олишга талабномани иккинчи Аҳдлашувчи Томоннинг бевосита ваколатли органига тақдим этади. Бу талабнома ушбу ташиш амалга оширилишидан камида 60 кун аввал тақдим этилиши керак.

3. Йўловчиларни маятник тарзда ташишларга рухсатнома олишга талабномаларда 2-бандга мувофиқ ташувчининг номи, унинг тўла манзили, қатнов саналари, қатновлар сони ва қаерда жойлашишлари ҳақидаги маълумотлар, шунингдек у ерда бўлишнинг давомийлиги ҳақидаги маълумотлар бўлиши керак.

4. Рухсатномалар бланклари, назорат ҳужжатларини бериш тартиби ва бошқа масалалар ушбу Битимнинг 16-моддасига мувофиқ ташкил этиладиган Қўшма комиссия томонидан келишилади.

1. Ўз хусусияти жиҳатидан ушбу Битимнинг 3- ва 4-моддалари қоидаларига мос бўлмаган ташишлар йўловчиларни номунтазам ташишлар ҳисобланади.

2. Ҳар икки давлат ўртасида ёки улар ҳудудлари орқали транзит тарзда йўловчиларни номунтазам ташишлар учун, агар улар қуйидагича ташишлар бўлса, рухсатнома талаб этилмайди:

а) жўнаб кетган пунктига қайтаётган йўловчиларнинг ўша битта гуруҳини ташиётган ўша автобуснинг ўзи бажараётган кутилмаган ташишлар;

б) йўловчилар у томонга йўл-йўлакай олиб кетаётган, орқага қайтиш бўш бўладиган кутилмаган ташишлар.

3. 2-банд қоидаларига мос бўлмаган номунтазам ташишларга Аҳдлашувчи Томонларнинг ваколатли органидан рухсатномалар олиш керак.

4. Аҳдлашувчи Томонлар 3-бандда кўрсатилган ташишлар учун ва автобусларда техник бузилишлар ҳамда улар иштирокида йўл-транспорт ҳодисалари содир бўлган ҳолда йўловчиларни шундан кейин ташишни таъминлаш мақсадида келишилган миқдордаги рухсатномаларни алмашадилар. Ушбу Битимнинг 16-моддасига мувофиқ тузилган Қўшма комиссия ушбу модданинг 2-бандида кўрсатилган ташишлар устидан назорат турини келишади.

1. Бир Аҳдлашувчи Томонинг ташувчилари бевосита йўналиш бўйича, шунингдек улар ҳудудидан транзит тарзда юкларни ташиш ва автотранспорт воситаларининг бўш ўтиши учун иккинчи Томон рухсатномаларига эга бўлиши керак.

2. Тиркамали ёки ярим тиркамали ёки уларсиз юк автомобили томонидан амалга оширилган ҳар бир юк ташишга алоҳида рухсатнома берилиши керак. Бундай рухсатнома, агар рухсатноманинг ўзида бошқа нарса қайд этилмаган бўлса, у томонга ва орқа томонга битта қатновни амалга ошириш ҳуқуқини беради. Учинчи мамлакатларга ва учинчи мамлакатлардан юкларни ташишга махсус рухсатнома талаб этилади.

3. Рухсатнома бир Аҳдлашувчи Томон ташувчиларига иккинчи Аҳдлашувчи Томон ҳудудида жойлашган икки пункт орасида юкларни ташишни амалга ошириш ҳуқуқини бермайди.

6-моддага мувофиқ қуйидагилар учун рухсатнома талаб этилмайди:

а) иккинчи Аҳдлашувчи Томон ҳудудида вақтинча бўладиган шахсларнинг шахсий истеъмол буюмларини ташиш;

б) билим орттириш ва шунга ўхшаш мақсадлар учун вақтинча олиб кириладиган ёки олиб кетиладиган санъат асарлари, буюмлар ва ускуналарни ташиш;

в) театр, мусиқа ва фильм томошалари ёки спорт тадбирлари, ярмаркалар ва кўргазмалар ёки радио учун, телевиденияга ва кинога олиш учун мўлжалланган буюмлар, ускуналар ёки ҳайвонларни ташиш, агар бу буюмлар ва ускуналар олиб келинса ва қайтариб олиб кетилса;

г) вафот этганларнинг жасадлари ва ҳокини ташиш;

д) почта ташиш;

е) йўл қўйилиши мумкин бўлган фойдали юк кўтариши, тиркама юк кўтаришини қўшиб ҳисоблаганда, 3,5 тоннадан ошмайдиган транспорт воситалари билан юк ташиш;

ж) шикастланган автотранспорт воситаларини ёки таъмирлашни талаб этадиган автотранспорт воситаларини ташиш;

з) кечиктириб бўлмайдиган ҳолларда (хусусан табиий офатлар чоғида) тиббий ёрдам учун мўлжалланган дори-дармонлар ва тиббий асбоблар, ускуналар ёки бошқа материалларни ташиш.

1. Ўзбекистон Республикаси ташувчилари учун рухсатномаларни Словакия Республикаси ваколатли органи етказиб беради ва бу рухсатномалар Ўзбекистон Республикаси ваколатли органи қарори асосида берилади.

2. Словакия Республикаси ташувчилари учун рухсатномаларни Ўзбекистон Республикаси ваколатли органи етказиб беради ва бу рухсатномалар Словакия Республикаси ваколатли органи қарори асосида берилади.

1. Ушбу Битимнинг 16-моддасига мувофиқ ташкил этилган Қўшма комиссия ташқи савдо ва транзит транспортининг ҳолатини ҳисобга олган ҳолда ҳар бир давлат учун келгуси йилга рухсатномаларнинг зарур миқдорини белгилайди.

2. Ушбу модда 1-бандига мувофиқ белгиланган рухсатномалар етарли бўлмаса, Аҳдлашувчи Томонларнинг ваколатли органлари ўзаро келишув бўйича йил давомида қўшимча рухсатномалар беришлари мумкин.

Бир Аҳдлашувчи Томон ташувчилари иккинчи Аҳдлашувчи Томон ҳудудида амал қилувчи ҳаракат ва фойдаланиш қоидаларига, шунингдек тегишли божхона қоидаларга риоя этишга мажбурдирлар.

Аҳдлашувчи Томонлардан бирида жойлашган бўлиб, ушбу Битим асосида иккинчи Аҳдлашувчи Томон ҳудудида ташишларни амалга ошираётган ташувчилар, ана шу иккинчи Аҳдлашувчи Томонда амал қилаётган давлат ички қоидаларига мувофиқ солиқлар, маъмурий-бошқарув ва бошқа йиғимларни тўлайдилар.

Ушбу Битим ёки Аҳдлашувчи Томонлар ўртасидаги бошқа халқаро битимлар билан тартибга солинмаган барча масалаларда ташувчилар улар ҳудудида турган давлатлар ички қонун ҳужжатларига амал қиладилар.

1. Агар транспорт воситаси ёки юкнинг оғирлиги ва ўлчамлари иккинчи Томон ҳудудида йўл қўйиладиган транспорт воситаси ва юк оғирлиги ҳамда ўлчамларидан ортиқ бўлса, бундай ташиш ана шу Томон ваколатли органи берган махсус рухсатнома бўйича амалга оширилиши керак.

2. Хавфли юклар ва чиқиндиларни ташишда ҳам махсус рухсатнома бўлиши зарур.

3. Ушбу модданинг 1- ва 2-бандларига мувофиқ берилган махсус рухсатномалар, автотранспорт воситасининг маълум йўналиш бўйича ҳаракатланишини чегаралайди.

1. Ҳар бир Аҳдлашувчи Томон ўз ҳудудида ҳар икки мамлакат ваколатли органлари транспорт воситаларига берган рўйхатга олиш ҳужжатларини ва номер белгиларини, шунингдек автотранспорт воситасини бошқариш ҳуқуқини берадиган гувоҳномаларини тан олади.

2. Иккинчи Аҳдлашувчи Томон ҳудудида рўйхатга олинган, иккинчи Аҳдлашувчи Томон ҳудудида халқаро ташишларни бажараётган автотранспорт воситаларининг ҳайдовчилари миллий ёки халқаро ҳайдовчилик гувоҳномаларига, тегишли автотранспорт воситаларига, миллий ҳужжатларга ва халқаро нормаларга мувофиқ бошқа ҳужжатларга эга бўлиши керак.

3. Ушбу Битим қоидаларига мувофиқ талаб этиладиган рухсатнома ва бошқа ҳужжатлар улар тааллуқли бўлган автотранспорт воситасида бўлиши ва исталган пайтда ваколатли назорат қилувчи органлар талаби бўйича этилиши керак.

1. Агар Аҳдлашувчи Томонлардан бири ташувчиси иккинчи Аҳдлашувчи Томон ҳудудида ушбу Битим қоидаларини бузса, ушбу Аҳдлашувчи Томон ваколатли органлари бу ҳақда иккинчи Аҳдлашувчи Томон ваколатли органларини хабардор қилишлари керак.

2. Ушбу модданинг 1-бандида тилга олинган қоидабузарликлар рўй берса, ҳудудида ушбу модданинг 1-бандида тилга олинган қоидабузарлик рўй берган Аҳдлашувчи Томоннинг ваколатли органлари иккинчи Томон ваколатли органидан қуйидагиларни талаб қилиши мумкин:

а) ташувчига, агар у такрор қоидабузарликка йўл қўйса, иккинчи Аҳдлашувчи Томон ҳудудида ташишларни амалга ошириш имкониятидан қисман ёки тўла маҳрум этилиши ҳақида ёзма огоҳлантириш бериш;

б) ташувчининг иккинчи Аҳдлашувчи Томон ҳудудида ташишларни амалга ошириш ҳуқуқини вақтинча, қисман ёки тўла бекор қилиш.

3. Бундай қарорни қабул қилган ваколатли орган бу иккинчи Аҳдлашувчи Томон ваколатли органини хабардор қилиши керак.

1. Аҳдлашувчи Томонлар бир-бирларига ушбу Битимда белгиланган тадбирларни амалга оширадиган ваколатли органларни хабардор қиладилар ҳамда барча зарур статистик ва бошқа ахборотни алмашадилар.

2. Аҳдлашувчи Томонлар Қўшма комиссияни тузадилар, бу комиссия йилига камида бир марта ёки зарурат туғилганда эса у исталган Томон талаби бўйича тўпланади. Қўшма комиссия ушбу Битимни рўёбга чиқариш усулини белгилайди.

1. Ушбу Битим имзоланган кундан бошлаб кучга киради.

2. Ушбу Битим номаълум муддатга тузилган. Аҳдлашувчи Томонларнинг ҳар бири ёзма тарзда ушбу Битимнинг амал қилишини тўхтатиши мумкин. Бу ҳолда Битимнинг амал қилиши иккинчи Аҳдлашувчи Томон Битимнинг амал қилишини тўхтатиш ҳақидаги хабарни олган санадан олти ой ўтгандан кейин тўхтатилади.

Братислава шаҳрида 1997 йил 17 январда икки нусхада, ҳар бири ўзбек, словак ва рус тилларида тузилди, барча матнлар бир хил кучга эга.

Ушбу Битим қоидаларини талқин қилиш мақсадларида рус тилидаги матн асос қилиб олинади.