LexUZ шарҳи
Мазкур Битим Ўзбекистон Республикаси Вазирлар Маҳкамасининг 1997 йил 11 июлдаги 348-сонли «Ҳукуматлараро битимларни тасдиқлаш тўғрисида»ги қарори билан тасдиқланган.
Ўзбекистон Республикаси Ҳукумати ва Озарбайжон Республикаси Ҳукумати, бундан кейин Томонлар деб аталувчилар,
солиқлар соҳасидаги қонун бузишларнинг олдини олиш, аниқлаш ва уларни бартараф этиш билан боғлиқ вазифаларни самарали ҳал қилишдан ўзаро манфаатдор эканликларидан келиб чиқиб,
1. Томонлар ваколатли органларининг уларнинг ваколат доирасига кирадиган солиқлар соҳасидаги қонун бузилишларининг олдини олиш, аниқлаш ва уларни бартараф этиш бўйича самарали курашишни ташкил қилиш мақсадидаги ҳамкорлиги ушбу Битимнинг мавзуи ҳисобланади.
2. Ушбу Битим қоидалари Томонларнинг улар қатнашчилари бўлган бошқа халқаро шартномалардан келиб чиқадиган ҳуқуқлари ва мажбуриятларига дахл қилмайди.
2. Томонларнинг ваколатли органларининг расмий номлари ўзгарган тақдирда улар бу тўғрида бир-бирларини дипломатик йўл билан ёзма равишда дарҳол хабардор қиладилар.
миллий солиқ тизимлари, солиқ қонунларига киритилган ўзгартиришлар ва қўшимчалар тўғрисидаги ахборот, шунингдек солиқларга доир қонун бузишларга қарши курашиш, солиқларга доир қонун бузишларга қарши курашишда қўлланиладиган ахборот тизимларини яратиш ва уларнинг амал қилиши бўйича услубий тавсияномаларни алмашиб туриш;
солиқлар соҳасидаги қонун бузишларнинг олдини олиш, аниқлаш ва уларни бартараф этишга қаратилган тадбирларни ўтказиш масалалари юзасидан баҳамжиҳат ҳаракат қилиш;
жисмоний ва юридик шахсларни солиққа тортиш билан боғлиқ ҳужжатларнинг тасдиқланган нусхаларини белгиланган тартибда тақдим этиш;
ҳамкорлик, кадрлар малакасини ошириш, солиқлар соҳасидаги қонун бузишларга қарши курашиш муаммолари юзасидан илмий-амалий конференциялар ва семинарлар ўтказиш.
Томонларнинг ваколатли органлари ушбу Битимни бажариш билан боғлиқ масалалар бўйича бир-бирлари билан бевосита мулоқот қилиб турадилар.
1. Солиқларга доир қонун бузишлар тўғрисида ахборот алмашиб туриш қуйидаги маълумотларнинг тақдим қилинишини назарда тутади:
солиқ қонунчилигини бузган юридик ва (ёки) жисмоний шахсларнинг даромадлари, солиқ солинадиган база ва улардан ундириладиган суммалар, шунингдек солиққа доир қонун бузишларнинг олдини олиш, аниқлаш ва уларни бартараф этиш мақсадида амалга ошириладиган чора-тадбирлар тўғрисидаги;
Томонларнинг юридик ва (ёки) жисмоний шахслари томонидан давлат ва тижорат банкларида ҳисоб рақамларининг очилиши тўғрисидаги, шунингдек солиқ қонунчилиги бузилган ҳолларда ушбу ҳисоб рақамларидаги маблағлар ҳаракати тўғрисидаги.
2. Ушбу модданинг 1-бандида кўрсатиб ўтилган талаблар бир Томоннинг ваколатли органи томонидан бошқа Томоннинг ваколатли органининг сўровномаси асосида ахборотни тақдим этиш сўралаётган Томоннинг миллий қонунчилигига ва давлат манфаатларига зид келмайдиган бўлса амалга оширилади.
Агар Томонлардан бирининг ваколатли органи унда мавжуд бўлган ахборот бошқа Томоннинг ваколатли органи учун қизиқарли бўлиши мумкин деб ҳисобласа, унда у бундай ахборотни ўз ташаббусига кўра тақдим этиши мумкин.
Солиқ қонунини бузишган ёки бузишда шубҳаланилган шахсларга нисбатан солиқ қонуни бузилишининг олдини олиш, аниқлаш ва уни бартараф этиш бўйича тадбирларни ўтказишда Томонлар ваколатли органларининг ўзаро ҳамкорлик қилишига биргаликда режалаштириш, куч ва воситалардан фойдаланиш, ушбу тадбирларнинг бориши ва натижалари тўғрисида ахборот алмашиш киради.
Томонларнинг ваколатли органлари сўровномалар бўйича Томонларнинг юридик ва жисмоний шахсларини солиққа тортишга доир ҳужжатлар (счётлар, фактуралар, юкхатлар, шартномалар, контрактлар, сертификатлар, маълумотномалар ва бошқалар)нинг, шунингдек солиқларга доир қонун бузишларга тааллуқли масалаларга оид ҳужжатларнинг нусхаларини бир-бирларига тақдим этадилар.
Ҳужжатлар ва бошқа материалларнинг асл нусхалари, агар тасдиқланган нусхалар текшириш учун етарли бўлмаса, келишилган муддатда тақдим этилиши мумкин.
Томонларнинг ваколатли органлари миллий солиқ тизимлари, солиқ қонунчилиги соҳасидаги қонун бузишларга доир ишларни юргизишнинг ҳуқуқий асослари тўғрисидаги, шунингдек амалдаги меъёрий ҳужжатларга киритилган ўзгартиришлар ва қўшимчалар ҳақидаги ахборотни мунтазам алмашиб турадилар;
солиқ қонуни бузилишларига қарши курашишни ташкил этиш бўйича ахборот тизимини яратиш ва унинг фаолият кўрсатиши масалалари бўйича тажриба, дастурий таъминот услубиётлари, воситалари ҳамда илмий материалларни алмашиб турадилар.
Кечиктириб бўлмайдиган ҳолларда сўровнома оғзаки шаклда берилиши мумкин, бироқ у ёзма шаклда дарҳол тасдиқланиши лозим.
Сўровноманинг ҳақиқийлигига ёки мазмунига нисбатан шубҳа туғилган тақдирда сўралаётган ваколатли орган ёзма шаклда такроран тасдиқлашни илтимос қилиши мумкин.
сўровноманинг моҳиятини ва унинг асосини баён этиш, шунингдек сўровни бажариш учун зарур бўлган бошқа маълумотлар.
1. Сўровнома олинган санасидан бошлаб бир ойдан кечикмай бажарилади. Зарурат бўлганда ваколатли органларнинг келишувига кўра сўровномани бажариш муддати узайтирилиши мумкин.
2. Агар давлатнинг суверенитетига ёки хавфсизлигига зиён етказиладиган ёки сўралаётган ваколатли органнинг давлати қонунларига зид келадиган бўлса, сўровномани бажаришдан бош тортилади.
3. Сўровномани бажаришнинг имкони бўлмаганда сўралаётган ваколатли орган бу ҳақда сўраётган ваколатли органни хабардор қилади.
Томонларнинг ваколатли органлари ушбу Битимга, миллий қонунчилигига мувофиқ ва ўз ваколатлари доирасида бир-бирига кўмаклашадилар.
Томонларнинг ваколатли органлари вакиллари зарурат бўлганда ушбу Битимни бажариш билан боғлиқ бўлган масалаларни муҳокама қилиш учун учрашувлар ўтказадилар.
Ушбу Битимнинг қоидаларини талқин қилишда ва қўлланишда пайдо бўладиган баҳсли масалаларни ҳал этиш чоғида Томонлар ўзаро келишувга эришишга интиладилар.
Ахборот олиш учун сўровнома ва унга жавоб Томонларнинг ваколатли органлари томонидан келишилган тилда тузилади.
Томонларнинг ваколатли органлари солиқ қонунларини бузишларнинг олдини олиш, аниқлаш ва уларни бартараф этиш билан боғлиқ масалалар бўйича ахборотнинг махфийлигини кафолатлайдилар.
Ушбу Битим доирасида олинган ахборот ушбу ахборотни берган ваколатли органнинг ёзма розилигисиз учинчи томонга берилиши мумкин эмас.
Томонларнинг ваколатли органлари ушбу Битимни ўз давлатлари ҳудудида бажарилиши билан боғлиқ харажатларни зиммаларига оладилар. Қўшимча харажатларни талаб этувчи сўровномалар олинган тақдирда уларни маблағ билан таъминлаш тўғрисидаги масала Томонларнинг ваколатли органлари томонидан ўзаро аҳдлашув бўйича кўриб чиқилади.
Ушбу Битимга Томонларнинг ўзаро келишувига кўра ўзгартиришлар ва қўшимчалар киритилиши мумкин, улар ушбу Битимнинг ажралмас қисми бўлган протоколлар билан расмийлаштирилади.
Ушбу Битим Томонлар унинг кучга кириши учун зарур бўлган ички давлат тартиб-қоидаларини бажаргани тўғрисидаги охирги ёзма билдиришнома олинган кундан бошлаб кучга киради ва Томонлардан бири бошқа Томоннинг ушбу Битимнинг амал қилишини тўхтатиш нияти ҳақидаги ёзма билдиришномасини олган кундан эътиборан олти ойгача амалда бўлади.