Миришкор туманида аҳолини иш билан таъминлаш ва янги иш ўринлари яратиш борасида ишлаб чиқилган аниқ ва манзилли дастурлар асосида 2012 йилнинг ўтган даврида тумандаги тегишли идора ва ташкилотлар томонидан янги иш жойлари ташкил этиш ва аҳоли бандлигининг бошқа самарали шаклларини ривожлантириш бўйича муайян ишлар амалга оширилди. Ўтган 6 ойда иқтисодиёт тармоқларидан турли молиявий манбалар ҳисобидан жами 2063 та янги иш ўринлари яратилди (дастурга нисбатан 104,8 %).

Таҳлиллар янги иш ўринлари яратиш юзасидан йиллик дастур барча параметрлари ортиғи билан бажарилишини кўрсатмоқда.

Эндиги асосий вазифалардан бири 2013 йилда аҳоли бандлигини таъминлаш ва янги иш ўринлари яратиш бўйича имкониятларни инобатга олган аниқ ва манзилли дастур ишлаб чиқилишини таъминлашдан иборатдир.

Ўзбекистон Республикаси Президенти ва Ҳукумати томонидан аҳолини иш билан таъминланишини яхшилаш ва унинг турмуш фаровонлигини ошириш, мамлакатни ижтимоий-иқтисодий ривожлантиришнинг энг муҳим устувор йўналишларидан бири қилиб белгилаб берилган.

Аҳолини иш билан таъминлаш ва янги иш ўринлари яратиш 2013 йилда ҳам энг устувор масалалардан бири бўлишини чуқур ҳис қилган ҳолда, туман ҳокимлиги ва тумандаги корхона ва ташкилотлар, фуқароларни ўзини-ўзи бошқариш органлари билан ҳамкорликда туманда аҳоли бандлигини таъминлаш ва янги иш жойларига бўлган эҳтиёж ва қўшимча янги иш ўринлари яратиш дастурининг лойиҳасини тайёрлаш бўйича қизғин ишлар олиб борилмоқда.

Миришкор туманида 2013 йилда иш жойларига бўлган эҳтиёж ва қўшимча янги иш ўринлари ташкил этиш бўйича таклифлар ўрганиб чиқилганда янги иш жойларига бўлган эҳтиёж жами 5719 та, жумладан ишга жойлашишга муҳтожлар 5406 та, меҳнат ресурсларининг иқтисодий фаол аҳоли қисми ўсиши 1694 та, шундан касб-ҳунар коллежи битирувчилари 1419 та, меҳнат ресурсларининг иқтисодий фаол аҳоли қисми камайиши (пенсияга чиққанлар, вафот этганлар ва бошқалар) ҳисобига 738 тани ташкил этмоқда.

Дастур лойиҳасини ишлаб чиқиш бўйича туман ҳокимининг ижтимоий-иқтисодий ривожлантириш масалалари бўйича ўринбосари бошчилигида ишчи гуруҳи иш олиб бормоқда.

Ишчи гуруҳи томонидан ҳар бир фуқароларнинг ўзини-ўзи бошқариш органлари ва аҳоли пунктларидаги мавжуд имкониятлар, бундан ташқари жойларни ижтимоий-иқтисодий ривожлантириш дастурларига киритилган объектлар ҳамда тадбиркорлик субъектларини режалари инобатга олиниб, фуқароларнинг ўзини ўзи бошқариш органлари кесимида аниқ ва манзилли тайёрланмоқда. Шунингдек, молиявий маблағлар миқдори ва манбалари аниқ ҳисоб-китоб қилинмоқда.

Бундан ташқари, ижтимоий объектларни фойдаланишга топшириш, «Саноат корхоналарини кенгайтириш, техник қайта қуроллантириш ва модернизация қилиш чора-тадбирлари» дастури ва бошқа янги иш ўринлари яратиш кўзда тутилган дастурлардаги кўрсаткичлар ҳам олиб чиқилиб, иш ўринлари яратиш дастурига киритилмоқда.

Шунингдек, тумандаги тижорат банклари ва уларнинг жойлардаги бўлимларининг кредит портфелидан келиб чиқиб аҳолига ва тадбиркорлик субъектларига бериладиган имтиёзли кредитлар ҳисобига яратиладиган иш ўринлари ҳам инобатга олинди.

Туманда 2013 йилда янги иш жойлари яратиш ҳудудий дастури параметрлари Ўзбекистон Республикаси Президенти томонидан 2012 йил 19 январда Вазирлар Маҳкамаси мажлисида белгилаб берилган 2012 йилда Ўзбекистонни ижтимоий-иқтисодий ривожлантиришнинг устувор вазифалари ижросини таъминлашнинг сўзсиз бажарилишини таъминлаш борасида амалга оширилаётган ишларнинг самарадорлигига эришиш, аҳолини иш билан таъминлаш ва янги иш ўринлари яратиш мақсадида, Ўзбекистон Республикасининг «Аҳолини иш билан таъминлаш тўғрисида»ги Қонунининг 17-моддаси ҳамда «Маҳаллий давлат ҳокимияти тўғрисида»ги Қонуннинг 6-моддасига асосан Халқ депутатлари туман Кенгаши қарор қилади.

1. 2013 йил давомида туманда яратиладиган янги иш ўринларининг параметрлари 1-иловага мувофиқ тасдиқлансин.

2. Туманда 2013 йилда янги иш жойлари яратиш ҳудудий дастури параметрлари Ўзбекистон Республикаси Президенти томонидан 2012 йил 19 январда Вазирлар Маҳкамаси мажлисида белгилаб берилган 2012 йилда Ўзбекистонни ижтимоий-иқтисодий ривожлантиришнинг устувор вазифалари ижросини таъминлашнинг давомий чоралари доирасида шакллантирилганлиги маъқуллансин.

3. 2-иловага мувофиқ тасдиқланган туман ишчи комиссиянинг ҳудудларга бириктирилган аъзолари:

ҳар ойда бириктирилган ҳудудга чиққан ҳолда 2013 йилда янги иш ўринлари яратиш ва аҳоли бандлигини таъминлаш дастури ижросини танқидий ўрганиб, ҳокимлик ва мутасадди ташкилотлар иштирокида муҳокама этиб борсинлар;

ҳудудий дастурларни амалга оширишда йўл қўйилаётган қолоқлик ва муаммоларни аниқлаб, уларни бартараф қилиш юзасидан тегишли чораларни кўрсинлар;

берилган вазифаларни талаб даражасида бажармаган тегишли ташкилотлар ва масъул давлат органлари, тижорат банклари ва корхоналар раҳбарларининг масъулиятини кўриб чиқиш юзасидан туман ишчи комиссиясига таклифлар киритиб борсинлар;

ҳудудий дастурларга киритилган объектларни ўз вақтида ишга туширилиши, дастур параметрларининг тўлиқ ва сифатли бажарилиши устидан қатъий назорат ўрнатилсин.

4. Туман иқтисодиёт бўлими бошлиғи в/б (А. Боймирзаев)га:

ушбу параметрлар бўйича туман ҳокимлиги билан келишган ҳолда 2013 йилда ҳар бир ҳудудда яратиладиган янги иш ўринлари параметрларини яна бир маротаба таҳлил қилиб, туман ҳокимлигига тақдим этилсин.

5. Туман тижорат банкларига:

туман ҳокимлиги билан биргаликда молиявий соғломлаштириш чораларини қўлланилган шароитда иш жойларини тиклаш, улардаги бўш иш жойлари ва ишлаб чиқариш қувватларидан фойдаланиш даражасини ошириш имконияти бўлган иқтисодий ночор корхоналар ҳисобига яратиладиган янги иш ўринларига аниқлик киритиш;

тасдиқланган режа-графигига мувофиқ тижорат банклари томонидан 2013 йилда янги иш жойлари яратиш учун кредитларнинг белгиланган муддатларда ажратилишини қатъий назоратга олиш, маблағлар ажратилишини жойларга чиққан ҳолда тадбиркорлар иштирокида муҳокама этиб зарур чораларни кўриш;

туман ҳокимлиги бошчилигида таркибга манфаатдор ташкилотлар раҳбарлари киритилган ишчи гуруҳлари ташкил этилсин, уларнинг зиммасига янги иш жойлари яратиш ва аҳоли бандлигини таъминлаш чораларини кўриш, манзилли дастурларга киритилган корхоналарнинг ташкил этилиши ва фаолият юритишини ҳар томонлама қўллаб-қувватлаш, жумладан рўйхатдан ўтказиш, моддий техника ресурсларидан, муҳандислик коммуникацияларидан фойдаланиш, дастлабки сармояни шакллантириш, кредитлар олиш, солиққа тортиш, маҳсулотини сотиш каби муаммоларни аниқлаш ва жойида ҳал этиш чораларини кўриш вазифалари тавсия этилсин.

6. Микрокредитбанк туман филиали қишлоқ жойларида хизмат кўрсатиш ва сервис объектларини ишга тушириш учун имтиёзли кредитлар ажратиш режа-жадвалини ишлаб чиқиш ва амалга ошириш тавсия этилсин.

7. Туман савдо саноат палатаси в/б (А. Жабборов):

хусусий тадбиркорлик, кичик бизнес ва хизматлар соҳасини ривожлантириш, уларга қулай шарт-шароитлар яратиб бериш ҳамда соҳада янги иш ўринлари яратишга асосий масъул этиб белгилансин;

кичик бизнес субъектларининг ташкил этилиши ва фаолият кўрсатиш учун зарур шарт-шароитлар яратилишини жойларга чиқиб ўргансин ҳамда мавжуд муаммоларни ҳал этиш бўйича зарурий чораларни кўрсин.

8. Акциядорлик тижорат «Агробанк» Миришкор тумани Янги Миришкор ва Помук филиаллари тегишли ташкилотлар билан биргаликда:

иқтисодий ночор ва ишламасдан турган корхоналар фаолиятини қайта тиклаш ва уларда янги иш ўринлари яратиш чора-тадбирларига асосий масъул этиб белгиланиши;

иқтисодий ночор ва ишламасдан турган корхоналар фаолиятини қайта тиклаш ва уларда янги иш ўринлари яратишнинг прогноз параметрлари ижросининг таъминланишини қатъий назоратга олиши тавсия этилсин.

9.Туман молия бўлими бошлиғи в/б (С. Куйлиев), «Ўзагросуғурта» давлат акциядорлик суғурта компанияси туман бўлими билан биргаликда тармоқни кенгайтиришни қўшимча чора-тадбирларини ишлаб чиқсин ва ҳудудлар кесимида 2013 йилда янгидан ташкил этиладиган объектларнинг манзилли рўйхатларини ишлаб чиқсин.

10. Туман солиқ инспекцияси в/б (Ф. Файзиев)га;

норасмий тарзда тадбиркорлик фаолияти билан шуғулланаётган фуқароларни аниқлаб, уларни расмийлаштириш ва янгидан тадбиркорлик субъекти ташкил этиш иштиёқида бўлган фуқароларни ҳар томонлама қўллаб-қувватлаш тавсия этилади.

11. Туман бандликка кўмаклашиш ва аҳолини ижтимоий муҳофаза қилиш маркази (Ш. Қораев), туман иқтисодиёт бўлими (А. Боймирзаев) билан биргаликда:

2013 йилда янги иш ўринлари яратиш ва аҳоли бандлигини таъминлаш дастури ижросининг ҳар ойлик тизимли мониторингини ҳудудлар ва тармоқлар кесимида амалга оширсин;

дастур ижроси ҳақида умумлашган маълумотларни туман ҳокимлигига ҳар ой (ҳисобот ойи учун кейинги ойнинг 10-санасигача) киритиб борсин.

дастур ижросини таъминлаш юзасидан ҳудудлар, тармоқ ва корхоналар бўйича аниқ таклифлар киритиб борилсин.

12. Туман статистика бўлими (А. Тошпўлатов), туман бандликка кўмаклашиш ва аҳолини ижтимоий муҳофаза қилиш маркази (Ш. Қораев) билан биргаликда, барча чора-тадбирлар ҳисобига яратилган янги иш жойларининг ҳисобини юритилишини таъминласин.

13. Мазкур қарорнинг ижросини назорат қилиш Халқ депутатлари туман Кенгашининг Маҳаллий бюджетни шакллантириш ва ижро этиш, маҳаллий солиқлар, йиғимларни белгилаш, бюджетдан ташқари фондларни шакллантириш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси раиси (Б. Нурмаматов) зиммасига юклатилсин.