Ўзбекистон Республикаси Ҳукумати ва Украина Ҳукумати, кейинги ўринларда Томонлар деб аталади,

Ўзбекистон Республикаси Ҳукумати билан Украина Ҳукумати ўртасида таълим соҳасидаги ҳамкорлик тўғрисида 1995 йил 20 июнда тузилган Битимга амал қилиб;

таълим соҳасидаги тенг ҳуқуқли ҳамкорликни ривожлантиришдан ўзаро манфаатдорликни ҳисобга олиб;

фуқароларга зарур таълим олишда кенгроқ имкониятлар беришдан ўзаро манфаатдорликни ифодалаб;

ўзларининг ўзаро муносабатларида Инсон ҳуқуқлари умумий декларациясида қайд этилган умуминсоний қадриятларнинг устунлигидан келиб чиқиб;

таълим соҳасида Томонлар ўртасида илгари эришилган аҳдлашувларга асосланиб,

қуйидагилар тўғрисида аҳдлашдилар:

Томонлар ўзаро аҳдлашувига кўра белгиланадиган йўналишлар бўйича таълим соҳасидаги ҳамкорликни шериклик принциплари асосида ривожлантирадилар. Улар ушбу ҳамкорликка узоқ муддатли ва амалий тус бериш учун куч-ҳаракатлар сарфлайдилар.

Томонлар ҳамкорликнинг қуйидаги йўналишларини устувор деб тан оладилар:

олий ва ўрта махсус ўқув юртлари ўртасидаги тўғридан-тўғри алоқаларни ривожлантириш;

гуманитар, табиий-илмий ва техник таълимни ривожлантиришга кўмаклашувчи қўшма илмий ва ўқув дастурлари ва лойиҳаларни ташкил этиш;

ёш олимлар ва профессор-ўқитувчиларни айирбошлаш йўли билан академик ҳаракатчанликни кенгайтириш;

таълим тизимларида лицензиялаш ва аккредитациянинг қиёсий таҳлилини амалга ошириш;

ахборот тармоқлари ва маълумотлар банклари ташкил этиш, мавжуд материалларни айирбошлаш ва масофадан туриб ўқитиш бўйича янги технологияларни ишлаб чиқиш;

ҳамкор мамлакатнинг тили ва маданиятини ўрганиш.

Томонлар ҳам мавжуд, ҳам бўлажак халқаро дастурлар ва лойиҳаларнинг бир қисми бўлиши мумкин бўлган қўшма дастурлар ва лойиҳаларни ишлаб чиқишга кўмаклашадилар, ҳар иккала мамлакат олимлари ва мутахассисларини уларни амалга оширишга фаол жалб қилишга ёрдам берадилар.

Улар халқаро дастурлар ва лойиҳалар доирасида таълим мазмунини такомиллаштиришни, фундаментал таълимни ривожлантиришни, ўқув фанларининг янги курсларини ва ўқув-услубий материаллар яратишни назарда тутувчи ишлар бажарилишига кўмаклашиш ниятидадирлар.

Томонлар ўз давлати фуқароларининг бошқа давлатнинг давлат таълим муассасаларида ўқишига кўмаклашадилар.

Ўқув юртларига кириш ўқитадиган мамлакатнинг ўқув юртларига қабул қилиш қоидаларига мувофиқ амалга оширилади.

Томонларнинг ҳар бири ушбу Битимнинг 6-9-моддаларига мувофиқ бошқа Томоннинг ўқув юртлари ва илмий муассасалари томонидан бериладиган таълим тўғрисидаги давлат намунасидаги ҳужжатларини ўзаро эътироф этадилар.

Ҳар иккала Томоннинг ўқув юртлари ва илмий муассасалари томонидан бериладиган таълим тўғрисидаги давлат намунасидаги ҳужжатларнинг қонуний кучини, кўрсатиб ўтилган ҳужжатларнинг эгаларига ҳар иккала давлат ҳудудида ҳам касб-кор фаолиятини амалга оширишда, ҳам таълимни юқорироқ даражада давом эттиришда тенг ҳуқуқлар бериш мақсадида, ўзаролик асосида эътироф этиш.

Таълим тўғрисидаги давлат намунасидаги ҳужжатларнинг Томонларнинг ваколатли органлари томонидан эквивалентлилиги белгиланиши ушбу ҳужжатларнинг эгалари тегишли мутахассислик бўйича тайёргарликдан ўтганликларини ва уларга таълим тўғрисидаги давлат намунасидаги миллий ҳужжатларга эга бўлган шахсларга бериладиган академик ва профессионал ҳуқуқлар берилишини англатади.

Томонлар таълим тўғрисидаги давлат намунасидаги ҳужжатларни эътироф этиш ва уларнинг эквивалентлилигини белгилашнинг умумий тизимини белгилайдилар, шу муносабат билан ушбу Битим кучга киргандан кейин икки ой ичида:

таълим тўғрисидаги давлат намунасидаги ҳужжатлар эътироф этилиши ва уларнинг эквивалентлилигини амалга оширувчи миллий органларни белгилайдилар;

ушбу Битимни амалга ошириш механизмини яратадилар;

таълим тўғрисидаги давлат намунасидаги ҳужжатларни эътироф этиш ва уларнинг эквивалентлилигини белгилаш тартиби учун умумий терминологияни ва баҳолаш мезонларини ишлаб чиқадилар ва қабул қиладилар;

таълим тўғрисидаги давлат намунасидаги ҳужжатлар эътироф этилиши ва эквивалентлилиги белгиланиши билан боғлиқ бўлган зарур ахборотни тўплаш ва айирбошлашда ҳамкорлик қиладилар.

Ушбу Битимни қўллаш ёки талқин қилиш билан боғлиқ низоли масалалар ўзаро маслаҳатлар ва музокаралар йўли билан ҳал этилади.

Томонлар ушбу Битим имзоланган пайтдан бошлаб:

илмий ва илмий-педагогик кадрларни аттестациядан ўтказиш бўйича миллий органлар ва таълимни бошқариш органлари;

Томонлар ўртасидаги икки томонлама битимлар ва протоколлар ёрдамида Битим қоидалари сўзсиз бажарилишини таъминлаш мажбуриятини ўз зиммаларига оладилар.

Ушбу Битим имзоланган кундан бошлаб кучга киради.

Ушбу Битим беш йил муддатга тузилган ҳамда, агар Томонлардан ҳеч бири унинг амал қилиш муддати тамом бўлишидан камида олти ой олдин ушбу Битимдан чиқиш ҳақидаги ўз нияти тўғрисида бошқа Томонга ёзма билдиришнома юбормаса, кейинги беш йиллик даврларга ўз-ўзидан узайтирилади.

Киев шаҳрида 1997 йил 18 апрелда ҳар бири ўзбек, украин ва рус тилларида икки нусхада тузилди, барча матнлар бир хил кучга эгадир.

Ушбу Битим қоидаларини талқин қилишда рус тилидаги матн устувор кучга эга бўлади.