Ўзбекистон Республикаси Вазирлар Маҳкамасининг 2003 йил 31 январдаги 54-сонли «Транспорт воситаларини мажбурий кўрикдан ўтказиш тартиби тўғрисидаги Низомни тасдиқлаш ҳақида»ги қарори, Ўзбекистон Республикаси Ички Ишлар вазирлигининг 2003 йил 19 февралдаги 56-сонли буйруғи талабларига мувофиқ Бешариқ туманида шахсий ва давлат транспортларини 2013 йилги даврий техника кўригидан ўтказиш мақсадида қарор қиламан:

1. Транспорт тракторларини, шахсий ва давлат транспортларини 2013 йилги мажбурий техника кўригидан ўтказиш комиссияси қуйидаги таркибда тузилсин:

Ғ. Дадабоев — туман ИИБ ЙХХГ катта нозири, комиссия раиси.

У. Рисқулов — туман автоҳаваскорлар кенгаши раиси, аъзо.

Б. Алтмишев — туман табиатни муҳофаза қилиш инспекцияси бошлиғи, аъзо.

Қ. Саксонбоев — 53-автокорхона техник механиги, аъзо.

А. Турдиев — туман техника назорати бош инспектори, аъзо.

Ш. Отабоев — давлат «Агро суғурта» компанияси туман бўлими ходими, аъзо.

2. Туман ЙХХГ катта нозири Ғ. Дадабоев томонидан туман автохўжаликларида техника кўригини амалга ошириш режаси ишлаб чиқилсин ҳамда туман автохўжаликларида 2013 йил техника кўригини ўтказиш жадвали иловага* мувофиқ тасдиқлансин.

3. Туман автохўжалик раҳбарларига, қишлоқ маҳалла фуқаролар йиғинлари раисларига, 2013 йилги техника кўригини муваффақиятли ўтказиш мақсадида ЙХХГ ходимларига яқиндан кўмаклашиш юклатилсин.

4. Ушбу қарорнинг бажарилишини назорат қилиб бориш туман ИИБ бошлиғи, подполковник А. Аминжонов зиммасига юклатилсин.