Ўзбекистон Республикаси Президентининг 2005 йил 11 февралдаги «Коммунал хизматлар таърифларининг асоссиз равишда ўсиб кетишига йўл қўймаслик ҳамда улар учун ўз вақтида тўлиқ ҳисоб-китоб қилиниши учун истеъмолчиларнинг масъулиятини ошириш чора-тадбирлари тўғрисида»ги 5-сонли қарори ва Термиз шаҳар «Санитар тозалик» автокорхонасининг 2012 йил 6 январдаги 02-сонли хати, вилоят Молия бошқармасининг 2012 йил 5 январдаги 10-03/11-сонли хати ижросини таъминлаш ҳамда Термиз шаҳар «Санитар тозалик» автокорхонаси томонидан чиқиндиларни чиқариш ва чиқинди сақлаш таърифларининг ҳақиқий харажатидан келиб чиқиб ҳисобланган миқдорларни тасдиқлаш мақсадида қарор қиламан:

1. 2012 йил 15 январдан бошлаб чиқиндиларни чиқариш ва чиқиндини сақлаш таъриф миқдори 1-иловага* асосан тасдиқлансин.

2. Термиз шаҳар «Санитар тозалик» автокорхонаси (М. Салимов)га чиқиндиларни чиқариш ва сақлашнинг тасдиқланган таърифларини шаҳардаги барча хўжалик юритувчи субъектлар ва маҳалла фуқаролар йиғинларига етказиш:

шаҳар ҳудудида жойлашган барча корхона, ташкилот, идора, муассаса, ўқув юртлари ва тадбиркорлик субъектлари савдо ва умумий овқатланиш маиший хизмат кўрсатиш шохобчалари ва бошқалар билан чиқинди чиқариш ва чиқинди сақлаш нормативларига мувофиқ тасдиқланган янги таъриф бўйича шартномалар тузиш;

аҳоли томонидан чиқарилаётган чиқиндиларга янги таърифга мувофиқ тўловларни амалга оширилишини таъминлаш;

чиқиндихоналардаги чиқиндиларнинг ўз вақтида кунлик олиб чиқилишини таъминлаш вазифаси юклатилсин.

3. Шаҳар Молия бўлими (Ш. Баратов) бюджет ташкилотларининг чиқинди чиқариш ва чиқинди сақлаш учун тўловларни ўз вақтида тўланишини назоратга олсин.

4. Шаҳар ҳокимининг биринчи ўринбосари (Р. Ишбоев) шаҳардаги барча хўжалик юритувчи субъектлар корхона, ташкилот, идора, муассаса, ўқув юртлари ва тадбиркорлик субъектлари савдо ва умумий овқатланиш маиший хизмат кўрсатиш шохобчаларининг «Санитар тозалик» автокорхонаси билан чиқинди чиқариш ва чиқинди сақлаш борасида шартномалар тузишга амалий ёрдам қилиш ҳамда улар томонидан тўловларни амалга оширилишини назоратга олсин.

5. Шаҳар Давлат санитария-эпидемиология назорати маркази (Н. Йўлдошев), шаҳар Табиатни муҳофаза қилиш инспекцияси (М. Хаитова)ларга:

Ўзбекистон Республикасининг «Чиқинди тўғрисида»ги Қонуни талабларини бузган, чиқиндилар тўпланиб қолишига сабабчи бўлган мулкчилик шаклидан қатъи назар, барча хўжалик юритувчи субъектлари раҳбарларига, маҳалла фуқаролар йиғинлари раисларига нисбатан қонунда белгиланган тартибда чоралар кўрсин.

6. Термиз шаҳар ҳокимининг 2010 йил 11 декабрдаги 1411-сонли қарори ўз кучини йўқотганлиги белгилаб қўйилсин.

7. Ушбу қарорнинг бажарилишини назорат қилиш шаҳар ҳокимининг биринчи ўринбосари Р. Ишбоев зиммасига юклатилсин.