Ўзбекистон Республикасининг «Аҳолини иш билан таъминлаш тўғрисида»ги Қонунининг 7, 17-моддаси ҳамда «Маҳаллий давлат ҳокимияти тўғрисида»ги Қонуннинг 6, 25-моддаларига асосан қарор қиламан.

1. Янгиариқ туманида 2012 йилда иш ўринлари банд қилиб қўйиладиган корхона, муассаса ташкилотлар рўйхати 1-иловага* мувофиқ тасдиқлансин.

2. Тумандаги корхона, муассаса ва ташкилотларда ишловчи ходимларнинг ўртача сонидан келиб чиққан ҳолда 220 кишини ташкил этадиган 100 фоиз миқдорида

шу жумладан:

ўн тўрт ёшга тўлмаган болалари ва ногирон болалари бор ёлғиз ота, ёлғиз оналарга ҳамда болали ота-оналар учун 11 фоиз (25 киши);

таълим муассасаларини тугатган ёшлар учун 53 фоиз (118 киши);

муддатли ҳарбий хизматдан бўшатилган шахслар учун 14 фоиз (30 киши);

ногиронлар учун 8 фоиз (17 киши);

бандликка кўмаклашиш ва аҳолини ижтимоий муҳофаза қилиш марказида иш қидирув сифатида ҳисобда турган пенсия ёшига яқинлашиб қолган шахслар учун 4 фоиз (8 киши);

жазони ўташ муассасаларидан озод қилинган, жазони ўтаётган ёки суд қарорига кўра тиббий характердаги мажбурий чоралар кўрилган шахслар учун 10 фоиз (21 киши);

ижтимоий муҳофазага муҳтож шахсларнинг бошқа тоифалари учун 1 фоиз (1 киши) миқдорида иш ўринлари захираси белгилансин.

3. Ушбу тоифа шахслар учун иш ўринлари ходимлар томонидан ўзларининг меҳнат мажбуриятларини тўсиқларсиз бажаришини таъминлайдиган санитария-гигиена нормалари ва меҳнат шароитларига мувофиқ бўлиши таъминлансин.

Жумладан:

ўн тўрт ёшга тўлмаган болалари ва ногирон болалари бор ёлғиз ота, ёлғиз оналарга ҳамда кўп болали ота-оналар учун — болаларни тарбиялаш ва меҳнат мажбуриятлари бўйича вазифалар уйғунлаштириш имконини берадиган, ўзгарувчан иш жадвалига эга бўлган иш ўринлари

таълим муассасаларини тугатган ёшлар учун — уларнинг касб бўйича тайёргарлигига мувофиқ бўлган иш ўринлари

муддатли ҳарбий хизматдан бўшатилган шахслар учун — уларнинг касб бўйича тайёргарлигига мувофиқ бўлган иш ўринлари

ногиронлар учун — меҳнат шароитлари бўйича аттестациядан ўтказилган ҳамда ходимга иш жараёнларини тўсқинликсиз бажариш имконини (соғлиғининг аҳволи ва меҳнат фаолиятига нисбатан белгиланган зид кўрсаткичлар ҳисобга олинган ҳолда) берадиган иш ўринлари

бандликка кўмаклашиш ва аҳолини ижтимоий муҳофаза қилиш марказида иш қидирувчи сифатида ҳисобда турган пенсия ёшига яқинлашиб қолган шахслар учун — махсус малакани талаб қилмайдиган иш ўринлари

жазони ўташ муассасаларидан бўшатилган, жазони ўтаётган ёки суд қарорига кўра тиббий характердаги мажбурий чоралар кўрилган шахслар учун — уларнинг касб бўйича тайёргарлиги ҳисобга олинган ҳолдаги иш ўринлари, муайян касб-ҳунарга, малакага эга бўлмаган шахслар учун эса — махсус малакани талаб қилмайдиган иш ўринлари ташкил қилинсин.

4. Тумандаги корхона, муассаса ва ташкилотларда иш ўринлари банд қилиб қўйиладиган касблар ва лавозимлар 2-иловага* мувофиқ тасдиқлансин.

5. Ташкилот раҳбарлари Ўзбекистон Республикаси Вазирлар Маҳкамасининг 2008 йил 20 августдаги 186-сон қарори билан тасдиқланган «Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисида»ги низомга мувофиқ ижтимоий муҳофазага муҳтож ва иш топишда қийналаётган шахслар учун кўрсатилган иш ўринлари ташкил этилишини таъминласинлар.

6. Ушбу қарор бажарилмаган тақдирда ташкилотнинг мансабдор шахсларига «Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисида»ги низомнинг 15-бандига мувофиқ жарима солинади.

7. Ижтимоий муҳофазага муҳтож ва иш топишда қийналаётган шахслар учун банд қилиб қўйиладиган иш ўринларини мазкур қарорда белгиланган миқдоридан ортиқча ташкил этган ташкилотлар ушбу ортиқча иш ўринларини ташкил этишга сарфланган маблағларнинг бир қисмини Бандликка кўмаклашиш ва аҳолини ижтимоий муҳофаза қилиш маркази билан тузилган шартнома асосида Бандликка кўмаклашиш ва аҳолини ижтимоий муҳофаза қилиш жамғармаси маблағлари ҳисобидан қоплаш ҳуқуқига эгадирлар.

8. Мазкур қарор туман ҳокимлигининг расмий нашри бўлган «Янгиариқ овози» газетаси орқали эълон қилинсин.

9. Бандликка кўмаклашиш ва аҳолини ижтимоий муҳофаза қилиш маркази (Б.Отажонов)га бир ҳафта муддатда ушбу қарорни 1-бандда кўрсатилган ташкилот раҳбарлари эътиборига етказиш ҳамда қарорнинг бажарилиши тўғрисида туман ҳокимлигига ахборот тақдим қилиб бориш вазифаси топширилсин.

10. Ушбу қарорнинг бажарилишини назорат қилиш тумани ҳокимининг ўринбосари Х.Мадаминов зиммасига юклатилсин.