Бронхиал астма ва ўпка обструктив касалликлари билан оғриган беморларнинг профилактикаси ва саломатлигини мустаҳкамлаш учун зарур шарт-шароитларни яратиш, шунингдек, «Оқ-тош санаторийси» масъулияти чекланган жамияти ҳудудида реконструкция, янги қурилиш, капитал таъмирлаш ва таъмирлаш-тиклаш ишларини молиялаштириш ва ташкил этишни таъминлаш бўйича комплекс чора-тадбирларни амалга ошириш мақсадида Вазирлар Маҳкамаси қарор қилади:

1. Ўзбекистон касаба уюшмалари Федерацияси Кенгашининг:

«Оқ-тош санаторийси» МЧЖ объектларини реконструкция қилиш, янги қурилиш ва капитал таъмирлаш бўйича буюртмачи – Ўзбекистон Касаба уюшмалари Федерацияси Кенгашининг Капитал қурилиш бошқармасини белгиланганлиги тўғрисидаги;

иловага* мувофиқ «Оқ-тош санаторийси» МЧЖ объектларини реконструкция қилиш, янги қуриш ва капитал таъмирлашни рўйхатдаги ҳомий ташкилотлар маблағлари ҳисобидан молиялаштириш тўғрисидаги;

ҳудудни ободонлаштириш, фавворалар, болалар бассейни қуриш, мавжуд сузиш ҳавзасини, сув таъминоти, ёритиш ва ҳудудни тўсиш тизимларини таъмирлаш, шунингдек сой ўзанини тиклаш ишларини «Хоразм шакар» очиқ акциядорлик жамияти қўшма корхонасининг ўз кучлари билан бажариш тўғрисидаги таклифига розилик берилсин.

2. Ўтказилган танлов натижаларига кўра «Оқ-тош санаторийси» МЧЖ объектлари бўйича «Ўзшаҳарсозлик ЛИТИ» ДУК бош лойиҳаловчи этиб белгиланганлиги маълумот учун қабул қилинсин.

«Ўзшаҳарсозлик ЛИТИ» ДУК лойиҳа-смета ҳужжатларини ишлаб чиқишни 2013 йил 1 мартгача тугалласин.

3. Объектларни реконструкция қилиш, қилиш, янги қурилиш ва капитал таъмирлаш бўйича бош пудратчи ташкилот этиб «Оқ-тош санаторийси» МЧЖ — «Трест-12» ОАЖ белгилансин.

4. Ўзбекистон Республикаси «Давархитектқурилиш» қўмитаси лойиҳа-смета ҳужжатларининг белгиланган тартибда давлат экспертизасидан ўтказилишини таъминласин ва қурилиш-монтаж ишларининг бажарилиши сифати устидан доимий назоратни ўрнатсин.

5. Ўзбекистон касаба уюшмалари Федерацияси Кенгаши мазкур қарорга иловада кўрсатилган ҳомий ташкилотлар билан ҳисоб-китобларни «Оқ-тош санаторийси» МЧЖ объектлари фойдаланишга топширилгандан сўнг 10 йил мобайнида тузиладиган икки томонлама шартномалар асосида уларнинг ходимларини соғломлаштириш учун йўлланмалар ажратиш орқали амалга оширсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.И. Закиров зиммасига юклансин.