Ўзбекистон Республикаси Вазирлар Маҳкамасининг 2009 йил 8-апрелдаги 102-сонли «Давлат мулкини ижарага бериш тартибини такомиллаштириш чора-тадбирлари тўғрисида»ги қарори ижросини таъминлаш юзасидан Ўзбекистон Республикаси хусусийлаштириш, монополиядан чиқариш ва рақобатни ривожлантириш давлат қўмитаси, Молия ва Иқтисодиёт вазирликларининг 2012 йил 10 декабрдаги 01/14-48, 14, БЮ/03-04-06/182-сонли қўшма хатига асосан вилоятда ягона ижара ҳақи ставкаларини жорий этиш мақсадида Ўзбекистон Республикасининг «Маҳаллий давлат ҳокимияти тўғрисида» ги Қонунининг 6-моддасига асосан қарор қиламан:

1. Вилоят ҳудудидаги энг кам ижара ҳақи ставкалари 1-иловага, ҳудудий зоналар бўйича коэффициентлар 2-иловага, ижара ҳақи ставкаларига қўлланиладиган коэффициентлар ва ижара ҳақларини ҳисоблаш тартиби 3-иловага, узоқ қишлоқ ва тоғли ҳудудларда давлат кўчмас мулкидан фойдаланиш тартиби 1-иловага мувофиқ тасдиқлансин.

2. Вилоятнинг шаҳар ва туман ҳокимликлари, вилоят хусусийлаштириш, монополиядан чиқариш ва рақобатни ривожлантириш бошқармаси (М.Султонов) билан ҳамкорликда ҳар чоракда бўш турган ва фаолият кўрсатмаётган бино-иншоотларни аниқлаш юзасидан хатловдан ўтказиш, рўйхатини юритиш ҳамда тасдиқланган ижара ҳақи ставкалари бўйича ижарага берилишини таъминласинлар.

3. Вилоят молия бошқармаси (Б.Маҳмадалиев), вилоят Давлат солиқ бошқармаси (С.Эшматов) ва вилоят ғазначилик бошқармаси (С.Жўраев) ушбу қарорга мувофиқ давлат мулкчилигидаги корхона ва ташкилотлари томонидан ижарага берилган давлат мулклари ижара шартномаларини қонуний тартибда тузилганлигини ва ижара ҳақларини тўлиқ тўланганлигини ваколат доираларида назоратга олсинлар.

4. Вилоят халқ таълими бошқармаси (Т.Саидов), вилоят соғлиқни сақлаш бошқармаси (Р.Юлдошев) ва вилоят ўрта-махсус касб-ҳунар таълими бошқармаси (З.Қобилов) га ҳар чорак якунида тизимларидаги ташкилот ва муассасалар бўйича фойдаланилмаётган бўш турган бино иншоотлар (хоналар) тўғрисидаги маълумотларни вилоят давлат мулкини ижарага бериш марказига тақдим этиш топширилсин.

5. Вилоят ҳокимининг 2011 йил 21 декабрдаги Х-417/12-сонли қарори ўз кучини йўқотган деб ҳисоблансин.

6. Мазкур қарорнинг бажарилишини назорат қилиш вилоят ҳокимининг ўринбосари Ғ. Жовлиев зиммасига юклансин.

Маъмурий бинонинг ҳолати ва қурилиш турига қараб қўлланиладиган коэффициентлар:

Бинонинг ҳолати ва қурилиш турига қараб қўлланиладиган коэффициентлар қўшилади.

Ижара ҳақини ҳисоблашда ижара ҳақининг таянч ставкаси қуйидагича аниқланади:

Бунда:

Тс – бир йилга 1 кв.м. учун ижара ҳақининг таянч ставкаси.

Бс – иловага мувофиқ корхонанинг фаолият турига кўра бир йилга 1 кв.м. учун энг кам ставка.

Ижарага топширилаётган мулкдан амалда фойдаланилган муддат ундан самарали фойдаланиш муддатидан ортиқ бўлмаса ёки ушбу муддат тенг бўлса, амалда фойдаланилган муддатни аниқлаш мумкин бўлмаса мол-мулк тикланиш қийматининг 30 фоизидан.

Ижарага топширилаётган мулкдан амалда фойдаланилган муддат ундан самарали фойдаланиш муддатидан ортиқ бўлса, мол - мулк тикланиш қийматининг 20 фоизидан кам бўлиши мумкин эмас.

Ижарага топширилаётган мулкдан амалда фойдаланилган муддат ундан самарали фойдаланиш муддатидан ортиқ бўлмаса ёки ушбу муддат тенг бўлса, амалда фойдаланилган муддатни аниқлаш мумкин бўлмаса мол-мулк тикланиш қийматининг 30 фоизидан;

Ижарага топширилаётган мулкдан амалда фойдаланилган муддат ундан самарали фойдаланиш муддатидан ортиқ бўлса, мол – мулк тикланиш қийматининг 20 фоизидан кам бўлиши мумкин эмас.

ижарага олинган мулклардан фойдаланиш ва сотиб олиш ҳамда ижара ҳақи суммаларини белгилаш тартиби, бажариладиган қўшимча харажатлар, коммунал тўловларини ва ер солиқларини тўлаш, ижарага олинган мулкларни қайта ёки тўлиқ таъмирлаш, қўшимчалар қилиш ишлари учун сарфланган харажатларни тўлаш тартиблари тўғрисида.

а) Бино-иншоот ҳамда асосий ва автотранспорт воситаларини қайта ёки тўлиқ таъмирлаш, қўшимчалар қилиш ишларини бажариш учун сарфланган маблағлар ҳақидаги ҳужжатлар «Баланс сақловчи» га тақдим этилганда ва томонларни розилиги билан, ушбу сарфланган маблағлар суммаси ижара шартномаси бўйича «Баланс сақловчи» га тўланиши лозим бўлган ижара ҳақи суммасидан чегириб қолиниши мумкин. Ижара вақтида олинган маҳсулот ва фойда «Ижарачи» нинг мулки ҳисобланади.

б) Нодавлат ташкилотлари ва жисмоний шахсларга ижара маркази томонидан кўрсатиладиган консалтинг хизматлари учун энг кам иш ҳақининг эллик фоизи миқдорида хизмат ҳақи белгиланади.

в) Белгиланган ижара ҳақи суммасига ер солиғи, коммунал харажатлар (бошқа турдаги хизматлар) ҳақи киритилмаган бўлиб, бу ҳақда «Ижарачи» ва «Баланс сақловчи» (мулк эгаси) ўртасида асосий ижара шартномасига қўшимча алоҳида шартнома тузилади ва ушбу шартнома бўйича «Ижарачи» бу харажатларни тўлаш мажбуриятини олади.

г) Олий ўқув юртлари, коллежлар, академик лицейлар, мактабларнинг ичкарисида жойлашган ижарачилар (ошхона ва бошқа савдо, маиший хизмат кўрсатиш шохобчалари) талабаларнинг таътил ва пахта даврида (3-ой) ижара ҳақидан озод қилинади.