Қаттиқ ва суюқ маиший чиқиндиларни тўплаб, ахлат ташлаш жойларига чиқаришни махсус автомобилларда транспортировка қилиш билан шуғулланувчи юридик шахслар ходимларига бўлган малакавий талабларни соддалаштириш ҳисобига, коммунал хизмат кўрсатиш соҳаси фаолиятида қулай шароитларни яратиш мақсадида буюраман:

1. Ўзбекистон автомобиль ва дарё транспорти агентлиги бошлиғининг 2006 йил 6 сентябрдаги 98-сон буйруғи (рўйхат рақами 1626, 2006 йил 5 октябрь) (Ўзбекистон Республикаси қонун ҳужжатлари тўплами, 2006 й., 40-сон, 403-модда) билан тасдиқланган Йўловчилар ва юкларни автомобиль транспортида ташиш билан шуғулланаётган юридик шахсларнинг ходимларига ва юкларни автомобиль транспортида ташиш билан шуғулланаётган хусусий тадбиркорларга қўйиладиган малакавий талаблар тўғрисидаги низомга иловага* мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.