Ўзбекистон Республикаси Ҳукумати билан Грузия Ижроия Ҳокимияти бундан кейин «Томонлар» деб аталувчилар,

икки давлат ва уларнинг халқлари ўртасида дўстона муносабатларни янада ривожлантириш мақсадида,

икки давлат фуқароларининг ўзаро келиб-кетиш режимини тартибга солиш истагига амал қилиб,

қуйидагилар тўғрисида аҳдлашиб олдилар:

Томонлар давлатларининг фуқаролари ушбу Битимнинг Иловасида кўрсатиб ўтилган уларнинг шахслари тўғрисида гувоҳлик берувчи ва фуқароликларини тасдиқловчи ҳужжатлар асосида бошқа Томон давлатининг ҳудудига визасиз киришлари, чиқишлари, бўлишлари ва транзит ўтишлари мумкин.

Ушбу Битимнинг амал қилиниши тааллуқли бўлган иккала Томон давлатларининг фуқаролари учинчи давлатларга давлат чегарасидан ўтиш учун белгилаб қўйилган ўтказиш пунктлари орқали Томонлар давлатларининг миллий қонунчиликларига мувофиқ давлат чегарасини кесиб ўтишда зарур бўлган тартибларга риоя қилиб Томонлар давлатларидан бирининг ҳудуди орқали киришлари, чиқишлари ва транзит ўтишлари мумкин.

Томонлар давлатларининг фуқаролари бошқа Томон давлати ҳудудида бўлган вақтларида бу Томон давлатининг қонун ва қоидаларига, шу жумладан хорижий фуқаролар учун ўрнатилган рўйхатдан ўтиш (вақтинча прописка), бўлиб туриш ва юриш қоидаларига риоя этишлари лозим.

Томонлар давлатлари янги ҳужжатларни амалга киритган ҳолда, Томонлар уларнинг амалга киришига қадар камида 1 (бир) ой илгари бу ҳужжатларнинг нусхаларини дипломатик каналлар орқали алмашадилар.

Томонлар давлатларининг Ташқи ишлар вазирликлари хорижий фуқароларнинг кириш, чиқиш, бўлиб туриш тартибига доир амалдаги қонунчилик тўғрисидаги ахборотни ва бу соҳадаги бошқа ахборотни алмашадилар.

Томонлар заруратга кура ушбу Битимни бажариш билан боғлиқ масалаларни муҳокама қилиш учун маслаҳатлашувлар олиб борадилар.

Ушбу Битимнинг қоидаларини бажариш ёки қўллаш давомида юзага келадиган келишмовчилик ёки баҳсли масалалар Томонлар ўртасида музокаралар орқали ҳал қилинади.

Томонларнинг келишувларига кўра ушбу Битимга ўзгартиш ва тўлдиришлар киритилиши мумкин. Улар алоҳида баённомалар билан расмийлаштирилади ва ушбу Битимнинг ажралмас қисми ҳисобланади ҳамда ушбу Битимнинг 9-моддасида кўзда тутилган тартибга мувофиқ кучга киради.

Томонларнинг ҳар бири давлат хавфсизлигини таъминлаш, жамоат тартиби ёки аҳоли соғлиғини сақлаш учун зарур бўлса, ушбу Битимнинг амал қилишини вақтинча, бутунлай ёхуд қисман тўхтатиш ҳуқуқига эгадирлар.

Томонлар бундай чораларни қабул қилиш ёки бекор қилиш тўғрисида олдиндан, лекин қарор қабул қилингандан кейин камида 72 соат илгари бир-бирларини дипломатик каналлар орқали хабардор қиладилар.

Ушбу Битим Томонларнинг улар иштирок этган бошқа халқаро шартномалардан келиб чиқадиган ҳуқуқ ва мажбуриятларига дахл қилмайди.

Ушбу Битим имзоланган кундан бошлаб ўттиз кун ўтгач кучга киради ва Томонлардан бири ушбу Битимнинг амал қилишини тўхтатиш нияти тўғрисида бошқа Томоннинг расмий хабарномасини олган санадан бошлаб тўқсон кун ўтгунга қадар амал қилади.

Тбилиси шаҳрида 2003 йил 10 октябрда икки нусхада, ҳар бири ўзбек, грузин ва рус тилларида тузилди, бунда барча матнлар бир хил кучга эга.

Ушбу Битимнинг қоидаларини талқин қилишда келишмовчиликлар юзага келган ҳолда Томонлар рус тилидаги матнга амал қиладилар.

1. Ўзбекистон Республикаси фуқаро паспорти,

2. Ўзбекистон Республикаси дипломатик паспорти.

3. Ҳаво кемаси экипажи аъзосининг учиш гувоҳномаси (парвоз топшириқномасида ёзув бўлган тақдирда).

4. Ўзбекистон Республикасига қайтиш гувоҳномаси (фақат Ўзбекистон Республикасига қайтиш учун).

5. 16 ёшгача бўлган болаларнинг туғилганлик тўғрисида гувоҳномаси (уларнинг қонуний вакиллари кузатуви остида фақат Ўзбекистон Республикасидан чиқиш учун).

6. 16 ёшга тўлмаган Ўзбекистон Республикаси фуқаросининг гувоҳномаси.

7. Зобитнинг шахсини тасдиқловчи гувоҳнома.

1 Грузия паспорти.

2. Грузия дипломатик паспорти.

3. Грузия хизмат паспорти.

4. Ҳаво кемаси экипажи аъзосининг учиш гувоҳномаси (парвоз топшириқномасида ёзув бўлган тақдирда).

5. Грузияга қайтиш гувоҳномаси (фақат Грузияга қайтиш учун).

6. 16 ёшгача бўлган болаларнинг туғилганлик тўғрисида гувоҳномаси (уларнинг қонуний вакиллари кузатуви остида фақат Грузиядан чиқиш учун).

7. Зобитнинг шахсини тасдиқловчи гувоҳнома.