Ўзбекистон Республикаси Ҳукумати ва Туркманистон Ҳукумати, бундан кейин Томонлар деб аталувчилар,

халқаро ҳуқуқнинг умумэътироф этилган нормалари ва принципларига амал қилиб,

ўзаролик асосида яширин миграцияга қарши кураш олиб бориш ниятида,

қуйидагилар тўғрисида аҳдлашиб олдилар:

1. Томонлардан ҳар бири бошқа Томоннинг тақдимномасига кўра топшираётган Томон давлати ҳудудига кириш ва бўлиш шартларига риоя этмаган шахсларни қабул қилувчи Томон давлати фуқаролигига мансублигининг далил-исботи мавжуд бўлганда тегишли ҳужжатларни расмийлаштириш орқали қабул қилади ёки топширади.

2. Топшираётган Томон қабул қилиниши лозим бўлган шахсларни топшириш учун зарур йўл ҳужжатларини кечиктирмасдан расмийлаштиради.

3. Топширган Томон, агар кейинги текширувларга кўра ушбу шахслар уларни қабул қилиш-топшириш пайтида қабул қилган Томон давлатининг фуқаролигига эга бўлмаганлиги исботланса, фуқаролиги аниқланмаган шахсларни худди шундай шартларда қабул қилади.

1. Топшираётган Томон тақдимномасига кўра қабул қилаётган Томон топшираётган Томон давлатига кириш ва бўлиш қоидаларини бузган ҳолда топшираётган Томон давлати ҳудудига қабул қилаётган Томон давлати ҳудудидан кирган учинчи давлатлар фуқаролари ёки фуқаролиги бўлмаган шахсларни қабул қилади.

2. Ушбу модданинг 1-бандига мувофиқ шахсларни қабул қилиш-топшириш ҳақидаги мажбуриятлар ушбу давлат ҳудудига шахслар кирган пайтдан сўнг кириш давлатининг тегишли идоралари томонидан расмийлаштирилган кириш визаси ёки яшаш учун ҳақиқий рухсатномага эга шахсларга нисбатан қўлланилмайди.

3. Томонлар имкон қадар Томонлар давлатлари ҳудудида яширин равишда бўлган учинчи давлатлар фуқароларини уларнинг келиб чиқиш давлатларига жўнатиш учун бутун кучларини берадилар.

4. Агар топшираётган Томон ҳудудига келган шахс кириш ёки бўлиш шартларини бажармаса ва агар бундай шахс қабул қилаётган Томон берган ҳақиқий виза ёки яшаш рухсатномасига эга бўлса, бу шахсни қабул қилаётган Томон қабул қилиб олиши лозим.

1. Қабул қилаётган Томон шахсларни қабул қилиш ва топшириш ҳақида сўровларга ҳар қандай шароитда 30 (ўттиз) сутка ичида жавоб беради.

2. Қабул қилаётган Томон қабул қилиш ва топшириш ҳақидаги масаласи келишиб олинган шахсларни ҳар қандай шароитда ўттиз кундан кўп бўлмаган муддатда қабул қилиб олади. Бу муддат топшираётган Томон сўровига кўра шахсларни ўз вақтида топширишга халал берувчи шартлар мавжуд бўлганда узайтирилиши мумкин.

3. 2-моддада кўрсатилган шахсларни қабул қилиш ва топшириш тўғрисидаги тақдимнома топшираётган Томон бундай шахсларнинг қабул қилаётган Томон давлати ҳудудига кириши ва ўз давлати ҳудудида яшаши ноқонуний деб тан олган санадан бошлаб, олти ой ичида кўриб чиқилиши лозим.

1. Томонлар, агар Томонлардан бири буни илтимос қилса, ва агар шахсларни қабул қилиш ва топшириш бошқа давлатлар ҳамда етказиб бериш мўлжалланган давлат томонидан кафолатланса, учинчи давлатлар фуқаролари ва фуқаролиги йўқ шахсларнинг ўз давлатлари ҳудуди орқали шахсларни қабул қилиш ва топшириш учун транзит олиб ўтилишига рухсат берадилар.

2. Сўралаётган Томон транзит визасини расмийлаштириши шарт эмас.

3. Берилган бирор рухсатномага қарамасдан транзит олиб ўтилиши тасдиқланган шахслар 1-модданинг 3-бандида кўзда тутилган шартларда бошқа Томонга қайтарилиши мумкин. Кўрсатилган шахслар, агар уларнинг учинчи давлат ҳудуди орқали транзит олиб ўтилиши ёки етказиб берилиши мўлжалланган давлат томонидан уларнинг қабул қилиниши кафолатланмаган бўлса, ва шунингдек жўнатиб юборилган шахс кейинги транзит давлат ёки етказиб берилиши мўлжалланган давлатга етиб бормагани учун шахсан жавобгар бўлса, бошқа Томонга қайтарилиши мумкин.

4. Томонлар ўзлари келиб чиққан давлатга бевосита қайтарилиши мумкин бўлган шахсларга транзит йўналишини чеклашга интиладилар.

Агар ушбу Битимни амалга ошириш учун шахсий маълумотлар тақдим этилиши лозим бўлса, бундай ахборот фақат қуйидагиларга дахлдор бўлиши мумкин:

1) топширилаётган шахс ҳақида ва зарур ҳолатларда унинг оила аъзолари ҳақида маълумотлар (фамилияси, исми, ҳар қандай олдинги исмлари, бошқа исмлари, тахаллуслари, туғилган санаси ва жойи, жинси, ҳозирги ва истаган бошқа фуқаролиги);

2) паспорт ёки шахсни тасдиқловчи бошқа ҳужжат (шу жумладан, рақами, амал қилиш муддати, берилган санаси, берган орган, берилган жойи ва шу кабилар ҳақидаги ахборот);

3) топширилаётган шахсларни идентификация қилиш учун зарур бошқа маълумотлар;

4) бекатлар ва маршрутлар жойлари;

5) Томонлардан бири расмийлаштирган яшаш рухсатномалари ёки визалар.

1. Ушбу Битимнинг 1 ва 2-моддаларида эслатиб ўтилган шахсларни қабул қилаётган Томон чегарасигача етказиб қўйиш харажатларини топшираётган Томон қоплайди.

2. Белгиланган давлат чегарасигача транзит олиб ўтиш харажатлари ва зарур ҳолатларда қайтиш харажатларини топшираётган Томон тўлайди.

Томонлар ўртасида ушбу Битим қўлланилиши ёки талқин этилиши хусусидаги ҳар қандай баҳслар маслаҳатлашувлар ва музокаралар орқали ҳал этилади.

Ўзбекистон Республикаси Ички ишлар вазирлиги ва Туркманистон Давлат миграция хизмати ушбу Битимнинг ажралмас қисми ҳисобланган алоҳида баённомани имзолайдилар ҳамда ушбу Битим қўлланилиши учун зарур шартлар, хусусан, қуйидагилар тўғрисида келишиб оладилар:

1) ўзаро алоқа қилиш усули;

2) қабул қилиш-топшириш учун зарур ҳужжатлар ва маълумотлар;

3) ушбу Битимни амалга ошириш учун масъул органларнинг учрашувлари ҳақида келишиб олиш;

4) шахсларни қабул қилиш ва топшириш учун давлат чегарасидан ўтказиш халқаро пунктлар рўйхати;

5) транспортда ташиш шартлари.

Ушбу Битим Ўзбекистон Республикаси ва Туркманистон иштирокчиси ҳисобланган бошқа халқаро шартномалардан келиб чиқадиган ҳуқуқ ва мажбуриятларга дахлдор эмас.

Томонлар ўзаро келишувга кўра ушбу Битимга ўзгартиш ва қўшимчалар киритишлари мумкин, бунда улар ушбу Битимнинг ажралмас қисми ҳисобланадиган алоҳида баённомалар билан расмийлаштирилади.

Ушбу Битим Томонлар унинг кучга кириши учун зарур бўлган давлат ички процедураларини бажарганликлари тўғрисида охирги ёзма хабарнома олинган санадан бошлаб кучга киради ва Томонлардан бири бошқа Томоннинг унинг ҳаракатини тўхтатиш тўғрисида хабарномасини олган кундан бошлаб олти ой ўтгандан сўнг ўз кучини тугатади.

Тошкент шаҳрида 2009 йил 25 февралда икки нусхада, ҳар бири ўзбек, туркман ва рус тилларида тузилди, бунда барча матнлар бир хил кучга эга.

Ушбу Битим қоидаларини талқин этишда келишмовчиликлар юзага келса, рус тилидаги матн асос қилиб олинади.