Ўзбекистон Республикаси Ҳукумати ва Бразилия Федератив Республикаси Ҳукумати, бундан буён «Томонлар» деб аталувчилар,

Қишлоқ хўжалиги соҳасида ҳамкорликни ривожлантириш орқали иккала мамлакат ўртасидаги мавжуд дўстона алоқаларни мустаҳкамлаш истагида,

Иккала давлатнинг миллий иқтисодиётини ривожланишида қишлоқ хўжалигининг муҳимлигини тан олиб,

Бундан буён ҳам қишлоқ хўжалиги савдосини ва қишлоқ хўжалигига инвестицияларни жалб этиш мақсадида,

Томонлар давлатларининг мавжуд қонун ва қоидаларига мувофиқ,

қуйидагилар тўғрисида келишиб олдилар:

1. Томонлар қишлоқ хўжалигининг барча соҳаларни, айниқса, қуйидаги соҳаларни, бироқ улар билан чекланмаган ҳолда ривожлантиришни рағбатлантирадилар: чорвачилик ва чорва соғлиғини муҳофаза қилиш, биологик ёнилғи учун хомашё ишлаб чиқариш, сут маҳсулотларини ишлаб чиқариш, боғдорчилик, озиқ-овқат маҳсулотлари хавфсизлиги, қишлоқ хўжалигини бошқариш, ер ресурсларини бошқариш, генетика ва биотехнологиялар, ишлов бериш ҳамда ҳосилдан кейинги технологиялар ва қишлоқ хўжалиги машиналари, шунингдек ўсимликшунослик ва зоотехника, шу жумладан, касалликларга қарши кураш, карантин, зараркунандалар устидан назорат зараркунандалар пайдо бўлиш хавфини таҳлили чорва ўсимлик маҳсулотлари ва қишлоқ хўжалиги ишлаб чиқариши воситаларини халқаро ташишларда инспекция тартиботлари бўйича ҳамкорлик.

2. Томонлар ушбу модданинг 1-бандида кўрсатилган соҳалардаги ҳамкорликни илмий, техникавий ҳамда мазкур Битимнинг II-моддасида санаб ўтилган ҳамкорликнинг бошқа шакллари орқали ривожлантирадилар.

1. Мазкур Битимнинг ҳамкорлик шакллари қуйидагилардан иборат:

(а) давлат ички тартиб-қоидаларига мувофиқ, жумладан, иккала мамлакатнинг халқаро шартномалар бўйича мажбуриятлари ва бошқа тегишли қонунларига мувофиқ санитария ва фитосанитария протоколларига қатъий риоя қилган ҳолда генетик материаллар ва генетик технологияларни такомиллаштириш бўйича алмашинув;

(б) қишлоқ хўжалик фани ва технологияларини, жумладан биологик ёнилғи технологиялари ва хомашё материалларини ишлаб чиқишни алмашиш ва ривожлантириш;

(в) мутахассислар, олимлар ва стажёрлар билан алмашиниш ҳамда ўқув сафарлари, семинарлар ва бошқа касбий ўқувни ўтказиш;

(г) техникавий кўмаклашувни ўз ичига олган лойиҳаларни биргаликда ишлаб чиқиш;

(д) илмий-техникавий ахборот, ҳужжатлар ва нашрлар билан алмашинувни қамраб олган биргаликда тадқиқот ҳамда қишлоқ хўжалиги соҳасида биргаликда тадқиқотларни чуқурлаштириш ва ривожлантириш;

(е) ҳосил йиғимидан аввалги ва кейинги воситаларни ва қишлоқ хўжалиги инфратузилмасини ривожлантиришда ҳамкорлик қилиш;

(ж) қишлоқ хўжалиги ва муҳофазаси билан боғлиқ масалалар бўйича ўқув курслари, симпозиумлар, семинарлар, анжуман ва конференциялар ташкил қилиш;

(з) савдо ярмаркалари, савдони рағбатлантирувчи тадбирларни ва махсус кўргазмаларни уюштириш ҳамда савдо ваколатхоналарини ташкил қилишни қамраб олган бозор иқтисодиётига кўмаклашувчи стратегик фаолиятни амалга ошириш;

(и) қўшма корхоналар, инвестициялар, маркетинг ва ҳамкорликнинг бошқа мақбул шаклларини рағбатлантириш;

(к) Томонларнинг ўзаро келишуви бўйича ҳамкорликнинг ҳар қандай бошқа шакли.

2. Томонлар қишлоқ хўжалиги соҳасида бозорнинг ривожланишига кўмаклашиш бўйича хусусий тадбиркорлар сектори иштирокини, тадбиркорликни ривожлантириш, қўшма корхоналар ва бошқа ишбилармонлик фаолиятларини рағбатлантиради ва қўллаб-қувватлайдилар.

3. Томонлар қишлоқ хўжалик савдоси ва технологиясини олға суришга келишдилар ҳамда мавжуд икки томонлама ва кўп томонлама шартномалари бўйича ўзларининг тегишли мажбуриятларига дахл қилмаган холда муҳим маҳсулотлар айниқса, чорва ва гўшт маҳсулотлари импорти ва экспорти учун қулай шароит яратадилар.

4. Янада кенг қизиқишни вужудга келтириш учун мазкур Битим ҳар иккала мамлакатнинг бошқа манфаатдор ҳукумат идораларини, шунингдек илмий, ишбилармон, академик бирлашмаларини ва хусусий секторни жалб қилиш ваколатини беради.

1. Томонлар ушбу Битим қоидаларига мувофиқ ҳамкорликнинг юқорида кўрсатилган соҳаларини амалга ошириш учун муайян лойиҳа шартлари тўғрисида музокаралар ўтказадилар.

2. Ушбу Битимни жумладан, лойиҳалар ва фаолиятнинг бошқа шаклларини амалга оширилиши иккала мамлакатнинг тегишли қонун ва қоидаларига мувофиқ амалга оширилади.

1. Томонлар ушбу Битимнинг амалга татбиқ этилишини таъминлаш мақсадида дипломатик каналлар орқали келишган ҳолда иккала Томоннинг тенг сонли вакилларидан ташкил топган Қўшма ишчи гуруҳини тузадилар. Етакчи мувофиқлаштирувчи ва масъул агентликлар сифатида қуйидагилар белгиланди:

2. Қўшма ишчи гуруҳи иккала мамлакат қишлоқ хўжалигини ривожлантиришни рағбатлантириш билан боғлиқ тавсиялар ишлаб чиқади ва тақдим этади. Шунингдек, мазкур Битим доирасида лойиҳаларни режалаштириш бажариш мониторингини амалга ошириш ва баҳолаш учун масъулдир.

3. Қўшма ишчи гуруҳи учрашувларини ҳар икки (2) йилда навбатма-навбат билан Ўзбекистонда ва Бразилияда қабул қилувчи томон вакили учрашувга раислик қилган ҳолда ўтказади. Зарур холларда Томонларнинг розилиги ва дипломатик каналлар орқали келишувига кўра оралиқ учрашувлар ташкил этилиши мумкин.

Томонлар, агар ўзгача келишилмаган бўлса, ушбу Битим доирасидаги фаолиятлари боғлиқ харажатлар учун масъулдирлар.

1. Томонлар иккала мамлакатда амалдаги миллий қонунчилик ва халқаро битимларга мувофиқ, ушбу Битимнинг амалга татбиқ этилиши билан боғлиқ интеллектуал мулк ҳуқуқларини муҳофаза қилиш бўйича тегишли чораларни кўрадилар.

2. Ушбу Битимга биноан олиниши мумкин бўлган ва/ёки интеллектуал мулк ҳуқуқига эга бўлиш, сақлаб қолиш ва тижоратда фойдаланиш шартлари муайян дастурлар, контрактлар ёки ишчи режаларида белгиланади.

3. Муайян дастурлар, контрактлар ёки ишчи режаларда, шунингдек нашр қилиниши ёки ошкор этилиши ушбу Битимга биноан олинган интеллектуал мулк ҳуқуқларига эгалик қилиш, фойдаланиш ва тижоратда фойдаланишни хавф остига қўйиши мумкин бўлган ахборотнинг махфийлиги хусусидаги шартлар ҳам белгиланади.

4. Муайян дастурлар, контрактлар ёки ишчи режаларда, зарур ҳолларда, ушбу Битимга биноан интеллектуал мулк масалалари бўйича низоларни ҳал этишга доир тартиб-қоидалар белгиланади.

Ушбу Битимни қўллаш ёки талқин қилишда юзага келадиган ҳар қандай келишмовчиликлар Томонлар ўртасида дўстона маслаҳатлашув ёки музокаралар орқали ҳал этилади.

Мазкур Битим Томонлардан бирининг бошқа Томонни ушбу Битимнинг кучга кириши учун зарур бўлган давлат ички процедураларни бажарганлиги тўғрисида дипломатик каналлар орқали сўнгги ёзма хабарномани олган кундан бошлаб кучга киради.

Томонлардан бири дипломатик каналлар орқали ёзма равишда ушбу Битимга ўзгартиш ёки қўшимчалар киритишни таклиф этиши мумкин. Томонларнинг келишувига кўра ҳар қандай ўзгартиш ёки қўшимчалар Томонлар томонидан белгилаган санада, улар мамлакатларининг ички тартиботларини инобатга олган ҳолда кучга киради ва ушбу Битимнинг ажралмас қисми ҳисобланади.

1. Мазкур Битим беш (5) йил муддат давомида амал қилади ва Томонлардан бири бошқа Томонга ушбу Битим муддати тугашидан камида олти (6) ой олдин унинг бекор қилиш нияти тўғрисида ёзма равишда хабардор қилмаса, Битим ўз-ўзидан навбатдаги беш йиллик муддатга узайтирилади.

2. Ушбу Битим амал қилишининг тўхтатилиши ушбу Меморандумга мувофиқ амалга оширилаётган ҳар қандай лойиҳа, контракт, келишув ёки фаолиятнинг амалга ошириш ҳамда тугатишга таъсир қилмайди.

Бразилия шаҳрида 2009 йилнинг 28 май кунида икки асл нусхада ҳар бири ўзбек, португал ва инглиз тилларида тузилди, барча матнлар бир хил кучга эга.

Ушбу Битим қоидаларини талқин қилишда келишмовчиликлар юзага келган ҳолда инглиз тилидаги матн устувор ҳисобланади.