Ўзбекистон Республикаси Ҳукумати билан Корея Республикаси Ҳукумати, (бундан кейин «Аҳдлашувчи Томонлар» деб аталувчилар),

икки мамлакат ўртасида пенсия таъминоти соҳасида муносабатларни тартибга солиш истагида,

тегишли ҳудудларда ишлаётган иккала мамлакат фуқароларининг пенсия тизимларида иккиёқлама тўлашнинг олдини олиш истагида,

қуйидагилар тўғрисида аҳдлашиб олдилар:

1. Ушбу Битим мақсадида:

а) «фуқаро» атамаси, Ўзбекистон Республикасига нисбатан, «Ўзбекистон Республикасининг фуқаролик тўғрисида»ги Қонунига мувофиқ Ўзбекистон фуқаросини, ва Корея Республикасининг (бундан кейин «Корея» деб аталувчи), ўзгаришлар билан Фуқаролик қонунига мувофиқ Корея фуқаросини англатади;

b) «қонун ҳужжатлари» атамаси, ушбу Битимнинг 2-моддасида қайд этилган қонун ва қарорларни англатади;

с) «Ваколатли орган» атамаси, Ўзбекистон Республикасига нисбатан, Меҳнат ва аҳолини ижтимоий муҳофаза қилиш вазирини, ва Кореяга нисбатан, Соғлиқни сақлаш ва фаровонлик вазирини англатади;

d) «Агентлик» атамаси, Ўзбекистон Республикасига нисбатан, Молия вазирлигининг Бюджетдан ташқари пенсия жамғармасини, ва Кореяга нисбатан, Миллий пенсия корпорациясини англатади;

2. Ушбу моддада белгиланмаган ҳар қандай таъриф, татбиқ этиладиган қонун ҳужжатларида эга бўлган маънони англатади.

1. Ушбу Битим қуйидаги қонун ҳужжатларига нисбатан қўлланилади:

а) Ўзбекистон Республикасига нисбатан,

(I) «Фуқароларнинг давлат пенсия таъминоти тўғрисида»ги Қонуни;

(II) «Чет эл инвестициялари тўғрисида»ги Қонуни;

(III) Солиқ кодекси (Агентликка мажбурий тўловлар бўйича қисми).

b) Кореяга нисбатан, Миллий Пенсия Акти.

2. Агар ушбу Битимда бошқа ҳолатлар назарда тутилмаган бўлса, ушбу модданинг 1-бандида қайд этилган қонун ҳужжатлари, бир Аҳдлашувчи Томон ва учинчи томон ўртасида Битим тузилиши мумкин бўлган ёки аниқ бажарилиши мақсадида қабул қилинган қонун ҳужжатлари ижтимоий таъминот бўйича шартнома ёки бошқа халқаро битимларни ўз ичига олмайди.

3. Агар келгуси қонун ҳужжатлари ушбу модданинг 1-бандида қайд этилган қонун ҳужжатларини ўзгартирган, тўлдирган, мустаҳкамлаган ёки алмаштирган ҳолларда ҳам ушбу Битим қўлланилади.

4. 2-модданинг 1 (а) Корея Республикаси учун 1 (b)-бандини қўллаш мақсадида, иш берувчидан ундириладиган ва Ўзбекистон Республикаси Агентлигига ўтказиладиган ягона ижтимоий тўловлар Корея Республикаси фуқаролари меҳнат фаолиятидан олинадиган даромадларига нисбатан белгиланмайди.

1. Бошқа Аҳдлашувчи Томон ҳудудида меҳнат қилаётган фуқарога нисбатан ушбу Аҳдлашувчи Томон қонун ҳужжатлари қўлланилган ҳолда, худди ушбу шахс ҳалигача биринчи Аҳдлашувчи Томон ҳудудида меҳнат қилаётгандек олтмиш календарь ойдан ошиб кетмайдиган давр мобайнида бу шахсга нисбатан фақат биринчи Аҳдлашувчи Томон қонун ҳужжатлари қўлланилади.

2. Агар иш даври ушбу модданинг 1-бандида қайд этилган муддатдан ошса, иккала Аҳдлашувчи Томоннинг Ваколатли органлари ёки улар томонидан тайинланган Агентликлар ишчининг илтимосига рози бўлиш шарти билан биринчи Аҳдлашувчи Томон қонун ҳужжатлари қўлланилиши давом этади.

1. Ушбу Битимдаги ҳеч нима Дипломатик алоқалар тўғрисида 1961 йил 18 апрелдаги Вена Конвенцияси ва Консуллик алоқалари тўғрисида 1963 йил 24 апрелдаги Вена Конвенцияси қоидаларига дахл қилмайди.

2. 1-бандга мувофиқ давлат хизмати ёки жойлардаги давлат хизмати ишига қабул қилинган ёки бир Аҳдлашувчи Томоннинг шундай мақомига эга бўлган шахс бошқа Аҳдлашувчи Томон ҳудудига ишга юборилса, худди у биринчи Аҳдлашувчи Томон ҳудудида ишга қабул қилингандек бу шахсга нисбатан унинг қонун ҳужжатлари қўлланилади.

Иккала Аҳдлашувчи Томоннинг Ваколатли органлари ёки улар томонидан тайинланган Агентликлар бундай алоҳида шахсларга ва алоҳида тоифадаги шахсларга, уларга бошқа Аҳдлашувчи Томон қонун ҳужжатларига риоя қилиш шарти асосида ушбу қисм қоидаларига истисно қилиши учун келишиши мумкин.

1. Аҳдлашувчи Томонларнинг Ваколатли органлари ушбу Битимни бажариш учун зарур чоралар назарда тутиладиган Шартнома тузадилар.

2. Ҳар бир Аҳдлашувчи Томоннинг ваколатли Агентликлари Шартномада кўрсатиб ўтилади.

1. Аҳдлашувчи Томонларнинг Ваколатли орган ва Агентликлари ўз ваколатлари доирасида:

(а) ушбу Битимни қўллаш учун улар амал қиладиган қонун ҳужжатлари белгиланган ҳажмда бир-бирига ҳар қандай зарур ахборотни тақдим этади;

(b) ушбу Битим қўлланилишида таъсир қиладиган ушбу чоралар Битимни қўллаш учун кўрилган ва тегишли қонун ҳужжатларида қабул қилинаётган ҳар қандай ўзгариш тўғрисида бир-бирига қисқа вақт ичида ахборот тақдим қилади.

2. Ушбу модданинг 1(а) кичик бандида қайд этилган кўмак 6-модданинг 1-бандига кўра тузилган Шартномада ифодаланган Аҳдлашувчи Томонларнинг Ваколатли органлари билан келишиш лозим бўлган ҳар қандай истисноларга мувофиқ бепул тақдим этилади.

Агар Аҳдлашувчи Томонларнинг миллий қонун ҳужжатларида бошқача тартиб белгиланмаган бўлса, ушбу Битимга мувофиқ Аҳдлашувчи Томон Ваколатли органи ёки Агентлиги томонидан бошқа Аҳдлашувчи Томон Ваколатли органи ёки Агентлигига шахслар тўғрисида тақдим қилинаётган ахборот бевосита ушбу Битимни ва у қўлланилаётган қонун ҳужжатларини бажариш мақсадида қўлланилади. Аҳдлашувчи Томоннинг Ваколатли органи ёки Агентлигидан олинган бундай ахборот, ушбу Аҳдлашувчи Томон миллий қонун ҳужжатларига мувофиқ шахсий ахборотнинг махфийлиги ва сир сақланиши учун қўлланилади.

1. Агар ушбу Битим ёки қонун ҳужжатининг қўлланилиши учун зарур бўлса, Аҳдлашувчи Томонларнинг Ваколатли органлари ва Агентликлари бир-бирлари билан бевосита ва бошқа ҳар қандай шахс билан, унинг яшаш жойидан қатъи назар, алоқа боғлаши мумкин. Хат ёзишмалари Аҳдлашувчи Томонлардан бирининг ҳар қандай расмий тилида амалга оширилиши мумкин.

2. Сертификат ёки ҳужжат Аҳдлашувчи Томонларнинг Ваколатли органи ёхуд Агентлиги томонидан бошқа Аҳдлашувчи Томоннинг расмий тилида тузилганлиги сабабли рад қилиниши мумкин эмас.

Ушбу Битимни талқин қилиш ёки қўллашга доир ҳар қандай келишмовчиликлар Аҳдлашувчи Томонларнинг Ваколатли органлари ўртасида маслаҳатлашувлар орқали ҳал қилинади.

3-модда қўлланилаётганда Аҳдлашувчи Томонларнинг фуқаролари ушбу Битим кучга кириш санасига қадар бошқа Аҳдлашувчи Томон ҳудудида меҳнат қилаётган бўлса, ўша моддада кўрсатиб ўтилган иш стажи ушбу Битим кучга кирган кундан бошлаб ҳисобланади.

Ушбу Битим Аҳдлашувчи Томонлардан бири бошқа Аҳдлашувчи Томондан ушбу Битимнинг кучга кириши учун барча талабларни бажарганлиги тўғрисида ёзма хабарнома олган ойдан бошлаб учинчи ойнинг биринчи кунида кучга киради.

Ушбу Битим, Аҳдлашувчи Томонлардан бирининг бошқа Аҳдлашувчи Томонга Битимнинг амал қилиш муддатини тўхтатиш тўғрисида ёзма равишда хабарнома юборган ойдан кейинги ўн икки ойнинг охирги кунигача ўз кучини сақлаб қолади.

Ушбуни тасдиқлаб, тегишли равишда ваколатланган қуйида имзо чекувчилар ушбу Битимни имзоладилар.

Тошкент шаҳрида 2005 йил 10 майда икки нусхада, ҳар бири ўзбек, корейс ва инглиз тилларида тузилди, бунда барча матнлар бир хилда аутентикдир. Талқин қилишда келишмовчиликлар юзага келган ҳолда инглиз тилидаги матн устувор кучга эга.