Шанхай ҳамкорлик ташкилотига аъзо давлатлар — кейинги ўринларда — Томонлар,

терроризм Шанхай ҳамкорлик ташкилотига аъзо давлатларнинг тинч ҳаётига жиддий хавф солишини англаган ҳолда,

Томонлар ҳудудида терроризмга қарши самарали курашни таъминлаш мақсадида,

Томонларнинг терроризмга қарши кураши борасида келишилган ҳаракатлари долзарб эканлигига ишонч ҳосил қилган ҳолда,

Томонларнинг терроризмга қарши курашида ҳамкорликни мустаҳкамланиши Шанхай ҳамкорлик ташкилотига аъзо давлатлар халқи манфаатларига мос келади деб ҳисоблаган ҳолда,

Томонлар ҳудудларида қўшма аксилтеррор тадбирларни ташкил этиш ва ўтказишнинг ҳуқуқий асосларини яратишга уринган ҳолда,

2002 йил 7 июндаги Шанхай ҳамкорлик ташкилотининг Хартияси, 2001 йил 15 июндаги Терроризм, сепаратизм ва экстремизмга қарши курашиш тўғрисидаги Шанхай конвенцияси ва 2002 йил 7 июндаги Шанхай ҳамкорлик ташкилотига аъзо давлатлар ўртасидаги Минтақавий аксилтеррор тузилма тўғрисидаги Келишувга риоя қилган ҳолда,

миллий қонунчилик, халқаро ҳуқуқнинг умумқабул қилинган тамойиллари ва нормаларига риоя қилган ҳолда,

қуйидагилар тўғрисида келишиб олинди:

Мазкур Келишув мақсадларини амалга оширишда қўлланиладиган тушунчалар қуйидаги маъноларни англатади:

«қўшма аксилтеррор тадбирлар» — Томонлар ваколатли органлари томонидан махсус аксилтеррор тузилмалар куч-қудратидан фойдаланиб, келишилган мақсад ва режа бўйича сўралаётган Томонлар ҳудудларида ўтказиладиган терроризмга қарши тадбирлар;

«махсус аксилтеррор тузилмалар» — ҳар қайси Томоннинг ўз қонунчилигига мувофиқ қўшма аксилтеррор тадбирларни ўтказиш учун шакллантирадиган мутахассислар гуруҳи;

«қўшма аксилтеррор тадбирлар иштирокчилари» — махсус аксилтеррор тузилмалар бўлинмаларининг шахсий таркиби, қўшма аксилтеррор тадбирларнинг бошқарув органи таркибига киритилган ва қўшма аксилтеррор тадбирларни ўтказишда кўмаклашувчи бошқа шахслар;

«сўраётган Томон» — ўз ҳудудида қўшма аксилтеррор тадбирларни ўтказиш учун махсус аксилтеррор тузилмаларни жўнатилиши ҳақида талабнома билан мурожаат қилган Томон;

«сўралаётган Томон» — қўшма аксилтеррор тадбирларни ўтказиш учун махсус аксилтеррор тузилмаларни жўнатилишини сўраб, талабнома билан сўраётган Томон мурожаат қилган Томон;

«кўмаклашиш тўғрисида талабнома» — сўраётган Томон ваколатли органининг сўралаётган Томон ваколатли органига қўшма аксилтеррор тадбирларни ўтказишда кўмаклашишини сўраб мурожаати;

«ваколатли орган» — ўз қонунчилигига мувофиқ, терроризмга қарши курашни амалга оширувчи ва қўшма аксилтеррор тадбирларни ўтказишга жавобгар бўлган Томоннинг давлат органи;

«махсус воситалар ва таъминот материаллари» — қўшма аксилтеррор тадбирларни ўтказишда қўлланиладиган ва сўралаётган Томон қонунчилигига мувофиқ, унинг ҳудудидан олиб чиқишга рухсат этилган қурол-аслаҳа ва ҳарбий техника, қурол ва ўқ-дорилар, ускуналар, алоқа воситалари, махсус аксилтеррор тузилмаларнинг қурол-аслаҳалари, техника, транспорт ҳамда бошқа махсус воситалар ва материаллар;

«ШҲТ МАТТнинг Ижроия қўмитаси» — Шанхай Ҳамкорлик Ташкилоти Минтақавий аксилтеррор тузилмасининг Ижроия қўмитаси.

Қўшма антитеррористик тадбирларни ўтказишнинг ҳуқуқий асосини Томонлар қонунчилиги, уларнинг халқаро мажбуриятлари, халқаро ҳуқуқнинг умумқабул қилинган тамойиллари ва нормалари, шунингдек, мазкур Келишув ташкил этади.

Қўшма аксилтеррор тадбирлар террористик фаолияти билан бирга жумладан, қуйидагиларни тўхтатиш мақсадида ўтказилади:

террористлар томонидан гаровга олинган кишиларни озод этиш;

технологик ва экологик хавфи юқори бўлган объектларни, атом саноати, транспорт, энергетика, кимёвий ишлаб чиқариш ва бошқа объектларни қайтариб олиш;

портловчи ёки тузилиши мураккаб бўлган шикастлантирувчи ускуналарни зарарсизлантириш;

террористлар, террористик гуруҳлар ва/ёки ташкилотлар фаолиятини тўхтатиш.

Сўралаётган Томон махсус аксилтеррор тузилмалари таркибига кирувчи қўшма аксилтеррор тадбирлар иштирокчилари сўраётган Томон ҳудудида бўлган даврида сўраётган Томон қонунлари ва анъаналарини ҳурмат қиладилар.

Сўраётган Томон ва транзит Томон сўралаётган Томон махсус аксилтеррор тузилмаларнинг таркибига кирувчи қўшма аксилтеррор тадбирлар иштирокчиларининг ҳуқуқий ҳолатини ҳурмат қиладилар.

Томонлар махсус аксилтеррор тузилмалар сўраётган Томон ҳудудида бўлган даврида ва бошқа Томон ҳудуди бўйлаб транзит вақтида қуйидагиларга риоя этадилар:

махсус аксилтеррор тузилмалар таркибига кирувчи қўшма аксилтеррор тадбирларнинг иштирокчиларига нисбатан сўраётган Томон ва транзит Томон қонунчилиги қўлланмайди. Ҳар қандай ҳолатда ҳам улар сўраётган Томон юрисдикцияси остида бўладилар;

ҳуқуқбузарлик содир этилганида, қўшма аксилтеррор тадбирлар иштирокчиси ўз давлати қонунчилигига кўра, жавобгарликка тортилади;

Томонларнинг ҳар бири ўз қонунчилигига кўра, махсус аксилтеррор тузилмаларнинг таркибига кирувчи қўшма аксилтеррор тадбирларнинг иштирокчиларини сўраётган Томон ҳудудида содир этган жинояти учун жиноий таъқиб қилишга мажбурдир;

Томонлар ҳуқуқий ёрдам кўрсатиш доирасида процессуал ҳаракатларни амалга оширишда, ўз қонунчилиги ва ўз зиммасига олган халқаро мажбуриятларига риоя қилади.

Қўшма аксилтеррор тадбирларни ўтказиш ҳақидаги қарорни сўраётган ва сўралаётган Томонлар биргаликда ёзма шаклда қабул қиладилар. Сўраётган Томон ШҲТ МАТТнинг Ижроия қўмитаси орқали қабул қилинган қарордан бошқа Томонларни хабардор қилади.

Сўраётган Томоннинг ваколатли органи қўшма аксилтеррор тадбирларни ўтказиш ҳақидаги қарор асосида сўралаётган Томоннинг ваколатли органига ҳамкорлик қилиш ҳақида талабнома юборади ва бу тўғрисида ШҲТ МАТТнинг Ижроия қўмитасини хабардор қилади.

Кўмаклашиш тўғрисидаги талабнома ёзма шаклда, жумладан, техник воситалардан фойдаланган ҳолда матнни узатиш орқали ҳам амалга оширилади.

Кўмаклашиш тўғрисидаги талабнома сўраётган Томон ваколатли органининг раҳбари ёки унинг ўрнини босувчи шахс томонидан имзоланади ва/ёки ушбу органнинг гербли муҳри билан тасдиқланади.

Кўмаклашиш тўғрисидаги талабноманинг ҳақиқийлиги ёки мазмунига шубҳа уйғонганида, сўралаётган Томон тасдиқловчи қўшимча ҳужжат сўраши мумкин.

Кўмаклашиш тўғрисидаги талабнома ва унга илова қилинаётган ҳужжатлар ҳамда бошқа (оператив) маълумот, сўраётган Томон ваколатли органи томонидан рус ёки хитой тилларида юборилади.

Кўмаклашиш тўғрисидаги талабнома ўзида қуйидагиларни жамлайди:

сўралаётган Томон ваколатли органининг номини;

сўраётган Томон ваколатли органининг номини;

талабнома мазмунининг баёни ва сўралаётган ҳамкорлик мақсадини кўрсатган ҳолда унинг асосини;

сўралаётган Томоннинг махсус аксилтеррор тузилмасини қўшма аксилтеррор тадбирни ўтказиш жойига етказиш ва тузилма бўлиб турган давлатга қайтариш усуллари ҳамда шароитлари тўғрисидаги маълумотни, жумладан, сўралаётган Томоннинг давлат чегарасини кесиб ўтган жой, вақт ва тартиби ҳақидаги ахборотларни;

тегишли талабномани бажариш учун зарур бўлган бошқа ахборотларни.

Кўмаклашиш тўғрисидаги талабномани бажариш, сўраётган Томоннинг суверенитети, хавфсизлиги ёки бошқа мавжуд манфаатларига зиён келтиришини тахмин қилинаётган бўлса, талабномани бажариш тўлиқ ёки қисман рад этилиши мумкин.

Агар сўраётган Томон кўрсатилган талабномани зудлик билан бажарилиши унинг ҳудудида ўтказилаётган тезкор-қидирув фаолияти ва жиноий таъқибга халақит беради деб тахмин қилаётган бўлса, у талабномани бажарилишини кейинга қолдириши ёки уни амалга ошириш учун зарур деб топилган шартларга риоя қилган ҳолда бажарилишига боғлаш мумкин.

Кўмаклашиш тўғрисидаги талабномани бажаришнинг имкони бўлмаганида ёки рад этилган ҳолатда, сўралаётган Томон зудлик билан сўраётган Томонни бунда ёзма хабардор этади.

ШҲТ МАТТнинг Ижроия қўмитаси ўз ваколати доирасида Томонларга қўшма антитеррористик тадбирларни ташкил этиш ва ўтказишда кўмаклашади.

Сўраётган Томон сўралаётган Томоннинг махсус аксилтеррор тузилмаси таркибига кирувчи қўшма аксилтеррор тадбирлар иштирокчиларини ҳамда бундай тадбирларни ўтказиш жойига махсус восита ва таъминот материалларини етказиш учун зарур шарт-шароитларни яратади.

Сўралаётган Томоннинг махсус аксилтеррор тузилмаси таркибига кирувчи қўшма аксилтеррор тадбирлар иштирокчилари ва уларнинг фронт орқаси ҳамда техник таъминоти сўраётган Томон ҳисобидан амалга оширилади.

Сўралаётган Томон махсус аксилтеррор тузилмаси таркибига кирувчи қўшма аксилтеррор тадбирлар иштирокчиларини ўзининг ваколатли органи билан ўзаро эркин ҳаракатланишини таъминлайди.

Томонларнинг давлат чегараларини махсус аксилтеррор тузилма таркибига кирувчи қўшма аксилтеррор тадбирлар иштирокчилари, ушбу тузилмаларнинг алоҳида мутахассислари томонидан кесиб ўтиши, шунингдек, чегара орқали Томонлар махсус воситалари ва таъминот материалларини ўтказишда, уларнинг қонунчилиги билан ўрнатилган тегишли тартиб-таомилларни тезлаштирган ҳолда бажарилишига имкон яратади.

Сўралаётган Томоннинг махсус аксилтеррор тузилмаси таркибига кирувчи қўшма аксилтеррор тадбирлар иштирокчилари ва ушбу тузилмаларнинг алоҳида мутахассислари Томонлар чегарасидан кўрсатилган тузилмалар шахсий таркибининг номма-ном тузилган рўйхати ҳамда шахсини тасдиқловчи ҳужжати, махсус воситалар ва таъминот материаллари эса сўралаётган Томоннинг ваколатли органи тасдиқлаган ҳужжат бўйича, белгиланган ўтиш жойларидан ўтадилар.

Кўрсатилган рўйхат ҳамда ҳужжатлар рус ва хитой тилларида, агар Хитой Томони ўтказилаётган қўшма аксилтеррор тадбирда қатнашмаса, рус тилида тузилади.

Махсус воситалар ва таъминот материаллари божхона ҳамда бошқа тўловлардан озод этилади, текширувга жалб қилинмайди, олиб қўйилмайди, мусодара қилинмайди.

Сўралаётган Томоннинг махсус аксилтеррор тузилмаси таркибига кирувчи қўшма аксилтеррор тадбирлар иштирокчилари ёки ушбу тузилмаларнинг алоҳида мутахассислари, шунингдек, махсус воситалари ва таъминот материаллари сўраётган Томон ҳудуди бўйича ўтказилишини сўраётган Томон ваколатли органи вакилининг назорати остида амалга оширилади.

Сўралаётган Томоннинг махсус аксилтеррор тузилмаси таркибига кирувчи қўшма аксилтеррор тадбирлар иштирокчилари ёки ушбу тузилмаларнинг алоҳида мутахассислари, шунингдек махсус воситалар ва таъминот материалларини транзит Томон ҳудудига ўтказиш, унинг ваколатли органи рухсати ва ҳамкорлигида амалга оширилади.

Сўралаётган Томон қўшма аксилтеррор тадбирларни тайёрлаш ва ўтказиш учун бошқарув органи (кейинги ўринларда — бошқарув органи) ташкил этади.

Бошқарув органи раҳбарини сўраётган Томон тайинлайди ва у ушбу лавозимга тайинлаган шахсга бўйсинади.

Қўшма аксилтеррор тадбирлар иштирокчилари бошқарув органи раҳбарига бўйсинади.

Бошқарув органи тузилмаси, мақсад ва вазифалари бошқарув органи раҳбари томонидан белгиланади.

Бошқарув органи таркибига қўшма аксилтеррор тадбирларда иштирок этувчи махсус аксилтеррор тузилмаларнинг раҳбарлари, Томонларнинг ваколатли органлари ва ШҲТ МАТТ Ижроия қўмитасидан вакиллар киритилади.

Бошқарув органида иш юритиш рус ва хитой тилларида, агар Хитой Томони қўшма аксилтеррор тадбирларга жалб этилмаган бўлса, иш рус тилида олиб борилади.

Бошқарув органининг асосий вазифалари қуйидагилар ҳисобланади:

ҳолат тўғрисида ахборот йиғиш, умумлаштириш, келиб тушаётган маълумотларни баҳолаш ва таҳлил қилиш, қўшма аксилтеррор тадбирлар иштирокчиларига ҳамда кўрсатилган тадбирни ўтказишга жалб қилинаётган бошқа тузилмаларига етказиш;

сўраётган Томоннинг бошқарув органи раҳбари томонидан қарор қабул қилиши учун таклифлар тайёрлаш;

қўшма аксилтеррор тадбирларни ўтказиш режасини ишлаб чиқиш ва бажариш;

қўшма аксилтеррор тадбирлар иштирокчилари ўртасида алоқа ўрнатиш ва ўзаро ҳамкорликни ташкил этиш;

қўшма аксилтеррор тадбирларни ўтказишга тайёргарлик ва эҳтимолий салбий оқибатларни бартараф этиш бўйича чоралар қабул қилиш;

қўшма аксилтеррор тадбирларнинг объектлари ҳисобланган шахслар билан музокаралар олиб бориш ва ўтказилишини ташкил этиш зарурати юзага келганида, унинг тактикасини ишлаб чиқиш;

сўраётган Томон давлат ҳокимияти ва бошқарув органлари билан ўзаро ҳамкорликни амалга ошириш;

қўшма аксилтеррор тадбирлар ўтказиладиган жойда тезкор-қидирув тадбирлари ва тергов ҳаракатларини амалга оширилишини таъминлаш;

қўшма аксилтеррор тадбирларига якун ясашни ташкил этиш;

Қўшма аксилтеррор тадбирларни ўтказиш давомида бошқарув органи раҳбари қуйидагиларни амалга оширади:

бошқарув органи мансабдор шахсларини тайинлайди;

қўшма аксилтеррор тадбирларни ўтказиш жойини белгилайди;

қўшма аксилтеррор тадбирларга тайёргарлик кўриш ва ўтказишга раҳбарлик қилади;

сўраётган ва сўралаётган Томонлар махсус аксилтеррор тузилмалари раҳбарлари билан келишган ҳолда қўшма аксилтеррор тадбирлар иштирокчиларининг ҳаракатлари ва махсус воситалар ҳамда таъминот материалларини қўллаш тўғрисида қаро қабул қилади;

қўшма аксилтеррор тадбирларни ўтказиш режасини тасдиқлайди;

қўшма аксилтеррор тадбирлар иштирокчиларининг ҳаракатлари ҳамда махсус воситалар ва таъминот материалларини қўллашни бошлаш ҳамда тугатиш вақтини белгилайди;

қўшма аксилтеррор тадбирлар иштирокчиларининг ҳаракатларини мувофиқлаштирилишини амалга оширади;

қўшма аксилтеррор тадбирлар иштирокчиларига сўраётган Томон махсус воситалари ва таъминот материалларини қўллаш тартиби тўғрисида қонунчилик талабларини етказади;

аксилтеррор тадбирларнинг объектлари ҳисобланган шахслар билан музокаралар олиб боришга рухсат беради;

сўраётган Томон давлат ҳокимияти органларини, ШҲТ МАТТ Ижроия қўмитаси ва оммавий ахборот воситалари раҳбарларини қўшма аксилтеррор тадбирларнинг бориши ҳамда унинг натижаларидан хабардор қилади;

сўраётган Томонга қўшма аксилтеррор тадбирини тугатиш ҳақида таклиф беради ва Томонларнинг ваколатли органлари ҳамда ШҲТ МАТТ Ижроия қўмитасига тадбир натижалари тўғрисида ҳисобот тақдим этади.

Қўшма аксилтеррор тадбирни ўтказишга раҳбарлик қилишга бошқарув органи тайинлаган шахсдан ташқари, бошқа қандайдир шахсларнинг аралашувига йўл қўйилмайди.

Сўралаётган Томон махсус аксилтеррор тузилмасининг раҳбари қўшма аксилтеррор тадбирни ўтказиш режасини тайёрлаш даврида ўз Томонининг ваколатли органи билан келишган ҳолда улар томонидан бошқарилаётган махсус аксилтеррор тадбирда қатнашишдан бош тортиш ҳуқуқига эга. Бу ҳолатда рад этиш ёзма шаклда билдирги билан расмийлаштирилади.

Қўшма аксилтеррор тадбирлар иштирокчиларининг ҳаракатлари ва махсус воситалар ҳамда таъминот материалларини қўллаш тўғрисида қарор бошқарув органи раҳбарининг ёзма буйруғи билан расмийлаштирилади.

Таъминотнинг махсус воситалари ҳамда материалларини қўлланиши назарда тутилган қўшма аксилтеррор тадбирларда махсус аксилтеррор тузилма ҳаракатларини бошлаши билан фақат кўрсатилган тузилмаларнинг раҳбарлари ушбу тузилма билан бошқарув органи раҳбарининг буйруғини бажаришда уларнинг ҳаракатларини бошқаради.

Бунда махсус воситалар ва таъминот материалларини қўллашни амалга оширувчи қўшма аксилтеррор тадбирлар иштирокчиларининг ҳаракатлари жавобгарликка тортилишини йўққа чиқарувчи ҳаракат сифатида қаралади.

Қўшма аксилтеррор тадбирларни ўтказишда, шундай тадбирларни ўтказиш режасида назарда тутилган ҳаракатларни содир этиш тартиби бошқарув органи томонидан, сўралаётган Томон махсус аксилтеррор тузилма раҳбари билан келишган ҳолда ўзгартирилиши мумкин.

Қўшма аксилтеррор тадбирларни ўтказишда махсус воситалар ва таъминот материалларини қўллаш, сўраётган Томон қонунчилигига мувофиқ амалга оширилади.

Сўраётган Томонга чегарадош Томон хавфсизлигига хавф-хатар юзага келганида, бошқарув органи ўша Томон ваколатли органини хавф-хатар хусусияти ва унинг эҳтимолий кўламидан хабардор этади ҳамда сўраётган Томон ҳудудида ушбу хавф-хатарни тўхтатилиши бўйича чоралар қабул қилади.

Қўшма аксилтеррор тадбирини бориши ҳақида маълумот сўраётган Томон ўз қонунчилигига мувофиқ, бошқарув органи томонидан белгиланадиган шакл ва ҳажмда ёки унинг топшириғи билан жамоатчилик билан алоқа қилувчи масъул шахс томонидан етказилади.

Қўшма аксилтеррор тадбирга тайёргарлик ва уни ўтказишда, тадбир иштирокчиларига қуйидагиларни тарқатишга рухсат этилмайди:

махсус аксилтеррор тадбир иштирокчилари тўғрисида;

қўшма аксилтеррор тадбирини ўтказишнинг махсус техник томонлари ва тактикасини фош қилувчи;

махсус воситалар ва таъминот материалларининг хусусияти тўғрисида;

сўраётган Томон қонунчилиги билан тарқатилиши тақиқланган бошқа маълумотларни.

Қўшма аксилтеррор тадбирни тугатиш ва бошқарув органини бекор қилиш тўғрисидаги қарорни сўраётган Томон қабул қилади.

Сўраётган Томон қўшма аксилтеррор тадбирни тугатиш ва унинг якунлари тўғрисида бошқа Томонларни ва ШҲТ МАКТнинг Ижроия қўмитасини хабардор қилади.

Сўраётган Томоннинг ваколатли органи Томонларнинг ваколатли органлари ва ШҲТ МАТТнинг Ижроия қўмитасига қўшма аксилтеррор тадбирнинг бориши тўғрисида якуний ва таҳлилий материалларни тақдим этади.

Сўралаётган Томоннинг махсус аксилтеррор тузилмалари таркибига кирувчи қўшма аксилтеррор тадбир иштирокчилари ва сўраётган Томонга тегишли махсус воситалар ҳамда таъминот материалларини Томон ҳудудига қайтишини таъминлайди.

Сўраётган Томоннинг махсус аксилтеррор тузилмалари таркибига кирувчи қўшма аксилтеррор тадбир иштирокчиларини сўралаётган Томон ҳудудидан олиб чиқиш режаси ва муддатлари сўралаётган Томоннинг ваколатли органи томонидан сўраётган Томон ваколатли органи билан келишган ҳолда белгиланади ва тасдиқланади.

Сўраётган Томонга тегишли бўлган махсус воситалар ҳамда таъминот материаллари унинг мулки ҳисобланади ва сўралаётган Томон ёки транзит Томон қандайдир йўллар билан ушбу мулкни ушлаб қолиши ва/ёки ўз ихтиёрига ўтказиб ололмайди.

Қўшма аксилтеррор тадбирлар тугаши билан фойдаланилмаган махсус воситалар ҳамда таъминот материаллари сўралаётган Томон ҳудудидан сўраётган Томонига олиб чиқиб кетилиши зарур.

Агар алоҳида вазият сабаб махсус воситалар ҳамда таъминот материалларини олиб чиқишнинг имкони бўлмаса, сўраётган ва сўралаётган Томонларнинг ўзаро келишувига кўра, сўралаётган Томоннинг қонунчилигига мувофиқ, унинг ҳудудида сотилиши ёки йўқ қилиниши мумкин.

Сўраётган Томон қўшма аксилтеррор тадбирларда иштирок этаётган сўралаётган Томонга, агар бошқарув органи томонидан қўйилган топшириқларни бажариш чоғида қандайдир, жумладан, сўралаётган Томоннинг ҳудудида бўлган жисмоний, шунингдек юридик шахслар ҳаётига, соғлиги ва мулкига ва сўраётган Томонга етказилган бошқа ҳар қандай ўлим, тан жароҳати олиш билан боғлиқ келтирилган зиён бўйича шикоят қилишдан бош тортади.

Агар сўраётган Томон махсус аксилтеррор тузилмалари таркибига кирувчи қўшма антитеррористик тадбир иштирокчиси бошқарув органи томонидан қўйилган топшириқларни бажариш чоғида қандайдир шахсга, ташкилотга ва сўраётган Томоннинг ўзига зиён келтирса, у ҳолда бундай зарар сўраётган Томон қонунчиликка мувофиқ қопланади.

Сўраётган Томон махсус аксилтеррор тузилмалари таркибига кирувчи қўшма аксилтеррор тадбир иштирокчилари сўраётган Томон ҳудудида зарар келтирилса ва бу зарар мазкур Келишувнинг 26-моддасида назарда тутилмаган бўлса, ушбу келтирилган зарар манфаатдор Томонлар ўртасида келишувга кўра қопланади.

Сўраётган Томонга келтирилган махсус воситалар ҳамда таъминот материалларининг йўқотилиши, тўлиқ ёки қисман даражада йўқ қилиниши билан боғлиқ сарф-харажатларини қоплаб бериш тартиби манфаатдор Томонлар ўртасида келишувга кўра белгиланади.

Қўшма аксилтеррор тадбирлар давомида сўралаётган Томоннинг қўшма аксилтеррор тадбирлар иштирокчиларининг ҳаёти ва соғлиғига етказилган зарар, сўраётган Томоннинг қонунчилигида кўрсатилган тартибда қопланади ва бундай ҳолат сўраётган Томоннинг қўшма аксилтеррор тадбир иштирокчиларига, улар шунга ўхшаш вазиятларда кўрган зарари учун ҳам қўлланилади.

Бунда сўраётган Томон махсус аксилтеррор тузилмалари таркибига кирувчи қўшма аксилтеррор тадбир иштирокчилари, уларнинг оила аъзолари учун ўша Томоннинг қонунчилигида белгиланган имтиёзлар, кафолат ва компенсация пуллари тўлиқ ҳажмда сақланади. Бундай тартиб сўраётган Томон махсус аксилтеррор тузилмалари таркибига кирувчи қўшма антитеррористик тадбир иштирокчиларини сўралаётган Томон ҳудудида, шунингдек бошқа Томон ҳудудида транзит вақтида бўлган даврда унинг ҳаёти ва соғлиғига зарар келтирилганида ҳам қўлланади.

Томонлар ўз қонунчилигига мувофиқ, мазкур Келишувни амалга оширувчи ваколатли органларни белгилайди ва депозитарийга бир вақтнинг ўзида хабарнома билан мазкур Келишув кучга кириши учун зарур бўлган ички давлат тартиб-таомилларини бажарилганлиги ҳақида депозитарийни хабардор қилади шунингдек, депозитарийга ваколатли органни ва унинг номларини ўзгаргани тўғрисида ахборот беради.

Томонлар ўзаро келишувга кўра, Шанхай ҳамдўстлик ташкилоти Минтақавий антитеррористик тузилмаси ҳамкорлигида қўшма аксилтеррор тадбирларда иштирок этувчи махсус аксилтеррор тузилмаларни тайёрлаш бўйича келишилган дастурларни ишлаб чиқади шунингдек, махсус аксилтеррор тузилмаларнинг биргаликдаги ўқув машғулотларини ўтказади, уларнинг мутахассисларини стажировкасини амалга оширади.

Томонлар мазкур Келишувни изоҳлаш ёки қўллаш билан боғлиқ юзга келадиган мунозарали масалаларни консультация ва музокаралар ўтказиш йўли билан ҳал этилади.

Мазкур Келишув Томонлар иштирокчилари бўлган бошқа халқаро келишувларига кўра белгиланган ҳақ-ҳуқуқлари ҳамда мажбуриятларига дахл қилмайди.

Мазкур Келишув доирасида ҳамкорликни амалга оширишда Томонлар ишчи тил сифатида рус ва хитой тилларидан фойдаланади.

Томонларнинг розилиги билан мазкур Келишувга баённомалар билан расмийлаштириладиган ўзгартишлар киритилиши мумкин, улар мазкур Келишувнинг 36-моддасида белгиланган тартибда кучга киради.

Мазкур Келишув номаълум муддатга тузилади ва депозитарийдан Томонлар мазкур Келишувни кучга кириши учун зарур бўлган ички давлат тартиб-таомилларини бажаргани тўғрисидаги ёзма шаклдаги тўртинчи хабарномани қабул қилганидан кейин 30-кун кучга киради.

Мазкур Келишув депозитарийси Шанхай Котибияти ҳисобланади ва Келишув имзоланганидан кейин 15 кун ичида мазкур Келишувнинг тасдиқланган нусхасини Томонларга жўнатади.

Депозитарий Томонлардан мазкур Келишувнинг 30-моддасида кўрсатилганидек, ўзининг ваколатли органи тўғрисидаги хабарномани олган кунидан бошлаб ўн беш кун ичида бошқа Томонларга бу ҳақида хабар беради.

Мазкур Келишув 2001 йил 15 июндаги Терроризм, сепаратизм ва экстремизмга қарши курашиш тўғрисидаги Шанхай конвенциясининг иштирокчилари бўлган давлатларнинг бирлашиши учун очиқ. Қўшилаётган давлат учун мазкур Келишув унинг қўшилиши тўғрисидаги ҳужжат депозитарий томонидан олинган кундан ўттизинчи куни кучга киради.

Мазкур Келишув 2001 йил 15 июндаги Терроризм, сепаратизм ва экстремизмга қарши курашиш тўғрисидаги конвенциясининг аъзоси ҳисобланган исталган Томонларга нисбатан ўз кучида қолади.

2006 йил 15 июнда Шанхай шаҳрида, рус ва хитой тилларида битта асл нусхада тузилди, иккала матн ҳам бир хил кучга эга.