«Ангрен логистика маркази» ЁАЖнинг моддий-техник базасини янада мустаҳкамлаш ва самарали фаолият кўрсатиши учун шарт-шароитлар яратиш мақсадида Вазирлар Маҳкамаси қарор қилади:

1. Ўзбекистон Республикаси Давлат мулки қўмитаси, Тошкент вилояти ҳокимлиги, «Ўзбекистон темир йўллари» ДАТК ва «Ангрен логистика маркази» ЁАЖнинг Ангрен шаҳри ҳокимлиги балансидан «Ўзбекистон темир йўллари» ДАТКга давлат улуши сифатида, компаниянинг устав фонди миқдорини тегишли равишда оширган ҳолда, белгиланган тартибда ўтказиш тўғрисидаги таклифига розилик бериш:

«Ангрен логистика маркази» ЁАЖ ҳудудидаги «Е» контейнер майдончасига яқин 43-сонли корпус ва соябонли иккита автомобил тўхташ жойи;

«Е» контейнер майдонидан асосий темир йўл чизиғигача бўлган 270 метр узунликдаги темир йўл тармоғи.

Белгилансинки, «Ўзбекистон темир йўллари» ДАТК мулкига ўтказилган объектлар «Ўзбекистон темир йўллари» ДАТК улушини ошириш ҳисобига «Ангрен логистика маркази» ЁАЖ устав фондига ўтказилади.

2. Ўзбекистон Республикаси Давлат мулки қўмитаси, Тошкент вилояти ҳокимлиги, «Ўзбекистон темир йўллари» ДАТК ва «Ангрен логистика маркази» ЁАЖ уч ой муддатда мазкур қарорнинг 1-бандига мувофиқ «Ўзбекистон темир йўллари» ДАТК ва «Ангрен логистика маркази» ЁАЖнинг устав фондларини ошириш чора-тадбирларини белгиланган тартибда амалга оширсин.

3. «Ангрен логистика маркази» ЁАЖ мазкур қарорнинг 1-бандида кўрсатилган қабул қилинаётган объектлардан мақсадли фойдаланилишини таъминласин.

5. Мазкур қарорнинг ижросини назорат қилиш Ўзбекистон Республикаси Бош вазири ўринбосари Б.И. Закиров зиммасига юклансин.