Ўзбекистон Республикаси Ҳукумати ва Қатар Давлати Ҳукумати, бундан кейин Томонлар деб аталувчилар

икки давлат ўртасида турли соҳалардаги ўзаро манфаатли ҳамкорликни ривожлантиришга бўлган эҳтиёжни ҳисобга олиб,

дўстлик ва ҳамжиҳатлик муносабатларини мустаҳкамлашни истаб,

ҳуқуқий соҳада ўзаро тажриба алмашиш ва ҳар икки давлат қонунчилиги тўғрисида хабардор қилишни яхшилаш бўйича алоқаларни ривожлантириш зарур эканини англаган ҳолда,

Томонлар тажриба ва Томонлар давлатларининг эълон қилинган норматив-ҳуқуқий ҳужжатларини алмашиш йўли билан ҳамкорликни амалга оширадилар.

1. Қуйидагилар мазкур Битим қоидаларини амалга ошириш бўйича Томонларнинг ваколатли идоралари ҳисобланади:

Ўзбекистон Республикаси томонидан — Ўзбекистон Республикаси Адлия вазирлиги;

Қатар Давлати томонидан — Қатар Давлати Адлия вазирлиги.

2. Ваколатли идораларнинг номлари ёки вазифалари ўзгарса, Томонлар дипломатик каналлар орқали ўз вақтида хабардор қилинадилар.

Томонлар ҳар икки давлат қонун ҳужжатлари ҳамда уларни қўллаш билан боғлиқ турли муаммолар ва масалалар бўйича симпозиумлар, конференциялар ва қўшма курсларни ташкил қилиш ва ўтказишни қўллаб-қувватлайдилар.

Томонлар ўзлари ташкил қилишни режалаштирган симпозиумлар ва илмий конференциялар ҳамда уларда иштирок этиш учун тегишли таклифнома юбориш тўғрисида бир-бирини ўз вақтида хабардор қиладилар. Ҳар бир Томон, шунингдек бошқа Томонни кўрсатиб ўтилган тадбирлар давомида қабул қилинган зарур хулосалар ва тавсиялар билан таъминлайди.

Томонлар ҳар икки давлат қонун ҳужжатлари ва ваколатли идоралари фаолияти билан боғлиқ бюллетенлар, юридик журналлар ва нашрлар билан мунтазам асосда алмашиб турадилар.

Томонлар ўзларининг ваколатли органлари фаолияти ва вазифалари билан танишиш мақсадида ўзаро делегациялар юборадилар ва ташрифларни амалга оширадилар.

Томонлар юристлар малакасини ошириш соҳасида ўзаро экспертлар алмашиш ва Томонлардан ҳар бири ташкил қиладиган курслар ва семинарларда иштирок этиш йўли билан ҳамкорлик қиладилар.

Томонлар мазкур ҳамкорликни қуйидаги молиявий шартлар асосида амалга оширилишини белгилайдилар: Томонлардан бирининг ҳудудида бўлиш (жойлашиш, овқатланиш, тиббий хизмат, зарур бўлганда таржимон хизмати, шунингдек келишилган дастур бўйича маданий тадбирлар) харажатлари давлатда бўлиш бўйича келишилган муддатда қабул қилувчи Томон тарафидан тўланади.

Жўнатувчи томон тадбирларни ўтказиш жойигача бориш ва орқага қайтиш бўйича харажатларни тўлайди. Делегация ёки экспертларнинг ва бошқа шахсларнинг бошқа Томон давлатида ҳар бир алоҳида ҳолатда келишилганидан ортиқ муддатда бўлиши бўйича харажатлар томонлар ўртасида олдиндан келишилади.

Томонлар, агар бу олдиндан ёзма шаклда келишилмаган бўлса, бошқа Томон вакилларини қабул қилиш бўйича харажатлар қилмайди.

Томонлар маълумот алмашишда инглиз тилидан ёки, ўзаро келишув бўйича, бошқа тиллардан фойдаланадилар. Шошилинч хабарлар ва материалларни узатиш учун электрон, факсимиль ва бошқа алоқа воситаларидан фойдаланишлари мумкин.

Ҳуқуқий маълумот алмашиш Томонлар давлатларининг қонунчилигига мувофиқ амалга оширилади.

Мазкур Битим Томонларнинг улар иштирокчиси бўлган бошқа халқаро шартномалар бўйича ҳуқуқ ва мажбуриятларига дахл қилмайди.

Мазкур Битим қоидаларини талқин қилиш ва қўллаш билан боғлиқ юзага келиши мумкин бўлган барча низо ва ихтилофлар Томонлар тарафидан маслаҳатлашувлар ва музокаралар йўли билан ҳал қилинади.

Томонларнинг ўзаро келишуви бўйича мазкур Битимга алоҳида протоколлар билан расмийлаштириладиган ўзгартиш ва қўшимчалар киритилиши мумкин, улар мазкур Битимнинг ажралмас қисми ҳисобланади ва унинг 13-моддасида назарда тутилган тартибда кучга киради.

Ушбу Битим Томонлардан бирининг бошқасидан ушбу Битим кучга кириши учун зарур бўлган давлат ички процедураларини бажарганлиги тўғрисида дипломатик каналлар орқали сўнгги ёзма хабарнома олган кундан бошлаб кучга киради ва исталган Томон тарафидан бекор қилинмагунча ўз кучида қолади.

2010 йил 24 ноябрда Доха шаҳрида ҳар бири ўзбек, араб ва инглиз тилларида икки асл нусхада тузилди, бунда барча матнлар бир хил кучга эга. Талқин қилишда ихтилофлар келиб чиқса, инглиз тилидаги матн устувор бўлади.