2010 йил 11 февралдаги Ўзбекистон Республикаси Давлат мулки қўмитаси томонидан тақдим этилган ҳамда Молия ва Иқтисодиёт вазирликлари билан келишилган 01/16-953, 2-1-7/7-1202 ва РГ/08-01-32-14/46-сонли хат орқали йўлланган ижаранинг энг кам ставкалари Тошкент шаҳар ҳокимлигининг капитал қурилиш, коммунал хўжалиги, ободонлаштириш саноат ва тадбиркорлик масалалари бўйича мажмуаси томонидан ўрганиб чиқилганлигини инобатга олиб, Ўзбекистон Республикаси Вазирлар Маҳкамасининг 2009 йил 8 апрелдаги «Давлат мулкини ижарага бериш тартибини такомиллаштириш чора-тадбирлари тўғрисида»ги 102-сонли қарорининг 3-бандини бажариш мақсадида ва «Маҳаллий давлат ҳокимияти тўғрисида»ги Ўзбекистон Республикаси Қонунининг 24-моддасига мувофиқ қарор қиламан:

1. Тошкент шаҳридаги давлат кўчмас мулкидан фойдаланганлик учун 2010 йилда қўлланиладиган ижара тўловининг энг кам ставкалари 1-иловага, ижара ҳақини ҳисоблаш тартиби 2-иловага ва ижара ҳақини ҳисоблашда қўшимча коэффициент қўлланиладиган Тошкент шаҳрининг марказий қатнов кўчалари рўйхати 3-иловага мувофиқ тасдиқлансин.

2. Тошкент шаҳар давлат мулкини ижарага бериш маркази (А.А. Акрамов), Ижара ҳақи қийматини белгилашда 1-иловада кўрсатилган кўчмас мулк учун қўлланиладиган энг кам ставкаларидан таянч сифатида фойдаланилсин.

3. Белгилаб қўйилсинки, давлат мулкини балансда сақловчиларнинг мансабдор шахслари уларнинг тасарруфида бўлган фойдаланилмаётган давлат мулки тўғрисидаги маълумотларни Тошкент шаҳар давлат мулкини ижарага бериш маркази давлат корхонасига ўз вақтида, тўлиқ ва ишончли берилиши учун шахсан жавоб берадилар.

4. Мазкур қарор Халқ депутатлари Тошкент шаҳар Кенгашининг навбатдаги сессиясига тасдиқлаш учун киритилсин.

5. Ушбу қарорнинг бажарилишини назорат қилиш Тошкент шаҳар ҳокимининг биринчи ўринбосари Р.Ж. Усмонов зиммасига юклатилсин.

Ижара ставкаларига қўлланиладиган оширувчи коэффициентлар:

1. Ҳудудий зоналар коэффициенти — Кз. (Тошкент шаҳар ҳокимининг 2010 йил 25 январдаги 41-сонли қарорида белгиланган чегараларга асосан)

2. Бинонинг жойлашуви ва қурилиш турига кўра қўлланиладиган коэффициентлар:

2.1. Бинонинг қурилиш тури бўйича (Кқ):

алоҳида турган бино — 1.0

бинонинг ички қисмида жойлашган ва тақаб қурилган — 0.8

ярим ертўла, ертўла — 0.6

чердак, болхона — 0.5

2.2. Туташган ҳудудидан фойдаланиш коэффициенти (Кҳ):

ер майдони мавжуд бўлганда — 0.3

2.3. Тижорат мақсадида фойдаланишда қулайлиги (Кт):

метро станциясидан 200 метр радиус атрофида — 0.7

асосий қатнов кўчаларида жойлашгани — 0.6 (3-иловага мувофиқ)

иккинчи даражали кўчаларида жойлашгани — 0.5

Бинолар ва иншоотлар бўйича ижара тўловини (ижара тўловининг таянч ставкаси) ҳисоблаб чиқиш қуйидаги тарзда аниқланади:

бунда: Тс — бир йилга 1 кв.м учун ижара тўловининг таянч ставкаси;

Эс — 1-иловага мувофиқ корхонанинг фаолият турига кўра бир йилга 1 кв.м учун энг кам ставка.

Тошкент шаҳар ҳокимлиги Бинолардан фойдаланиш департаменти тасарруфидаги объектлар бўйича Департамент ва ижарачи ўртасида тузиладиган икки томонлама шартномаларда, маъмурий бинолар фондини таъмирлаш учун, ижара тўловидан қўшимча 30 фоиз миқдорида тўловлар киритилади.