Қаттиқ ҳолдаги маиший-хўжалик чиқиндиларни тўплаш ва жойлаштириш хизматларини такомиллаштириш, шаҳар ҳудудининг санитар ҳолатини яхшилаш мақсадида, Вазирлар Маҳкамасининг 1997 йил 31 мартдаги «Товар бозорларида монополистик фаолиятини чеклаш ва рақобат тўғрисида»ги Ўзбекистон Республикаси Қонунини амалга ошириш чора-тадбирлари ҳақида»ги 165-сонли қарори талабларидан келиб чиқиб ҳамда Ўзбекистон Республикаси Молия вазирлигининг 2009 йил 6 октябрдаги ЁЕ/15-04-10-11/89-2859-сонли хатини инобатга олиб қарор қиламан:

1. 2009 йил 1 ноябрдан бошлаб Тошкент шаҳрида:

1.1. Истиқомат қилаётган аҳолидан қаттиқ ҳолдаги маиший чиқиндиларни тўплаш ва олиб кетиш хизматлари учун яшаётган киши бошига (паспорт столларида рўйхатга олинган ва (ёки) олинмаганлигидан қатьи назар) бир ойга 800 сўм миқдорида тўлов ҳақи белгилансин.

Ушбу белгиланган тўлов миқдори Тошкент шаҳри бўйича фақат «Махсустранс» ишлаб чиқариш бошқармаси» давлат корхонаси ва Юнусобод тумани санитар тозалаш бўйича ягона буюртмачи дирекцияси томонидан қўлланилиши мумкинлиги инобатга олинсин;

1.2. Мирзо Улуғбек туманида «Улуғбек» шаҳарчасида истиқомат қилувчи аҳолига қаттиқ ҳолдаги маиший чиқиндиларни тўплаш ва олиб кетиш хизматлари учун киши бошига (паспорт столларида рўйхатга олинган ва (ёки) олинмаганлигидан қатьи назар) бир ойга 550 сўм миқдорида тўлов ҳақи белгилансин.

Ушбу белгиланган тўлов миқдори фақат «Улуғбек» шаҳарчасидаги Қурилиш-таъмирлаш хизмат кўрсатиш бошқармаси томонидан кўлланилиши мумкинлиги инобатга олинсин;

1.3. Бюджет ва хўжалик ҳисобидаги хўжалик юритувчи субъектларнинг, «Махсустранс» Ишлаб чиқариш бошқармаси давлат корхонаси, Юнусобод тумани санитар тозалаш бўйича ягона буюртмачи дирекцияси ва «Улуғбек» шаҳарчасидаги қурилиш-таъмирлаш хизмат кўрсатиш бошқармаси томонидан қаттиқ ва суюқ ҳолдаги чиқиндиларни тўплаш ва олиб кетиш хизматлари учун тўлов миқдорлари иловага асосан белгилансин.

2. Қаттиқ ҳолдаги маиший чиқиндиларни тўплаш ва жойлаштириш хизматлари учун Тошкент шаҳри ҳудудида жойлашган корхона ва ташкилотлар билан шартномалар тузиш ва ҳисобга олиш қуйидаги тартибда амалга оширилсин:

2.1. Шаҳардаги ва туташ ҳудуддаги барча корхона ва ташкилотлар, уларнинг мулкчилик шакли ва молиялаштириш манбасидан катьи назар, қаттиқ ҳолдаги маиший хўжалик чиқиндиларни тўплаш ва жойлаштириш хизматлари учун шартномаларни «Махсустранс» ишлаб чиқариш бошқармаси» давлат корхонаси, Юнусобод тумани санитар тозалаш бўйича ягона буюртмачи дирекцияси ва «Улуғбек» шаҳарчасидаги қурилиш-таъмирлаш хизмат кўрсатиш бошқармаси билан;

2.2. Ўз тасарруфида юк ташувчи транспорт воситаси бўлган ҳамда ўз транспорт воситаларида чиқиндиларни ташиш ҳуқуқига эга корхона ва ташкилотлар қаттиқ ҳолдага маиший чиқиндиларни шаҳар чиқиндихонасига жойлаштириш бўйича «Махсустранс» ишлаб чиқариш бошқармаси» давлат корхонасига қарашли «Чиқиндиларни қайта ишлаш» корхонаси билан.

3. Қаттиқ ҳолдаги чиқиндиларни ўз вақтида олиб чиқиб кетиш, жисмоний ва юридик шахслар билан, уларнинг мулкчилик шаклидан ва қайси ташкилотга мансублигидан катьи назар, чиқиндиларни олиб чиқиб кетиш хизмати учун шартномаларни тузиш ва кўрсатилган хизмат учун тўловларни ундириш масъулиятн — туман ҳокимлари, «Махсустранс» ишлаб чиқариш бошқармаси» давлат корхонаси, Юнусобод тумани санитар тозалаш бўйича ягона буюртмачи дирекцияси, «Улуғбек» шаҳарчасидаги қурилиш-таъмирлаш хизмат кўрсатиш бошқармаси, экология ва тозаликни назорат этувчи алоҳида милиция батальони, тезкор санитар гуруҳи, профилактика нозирлари зиммаларига юклатилсин.

4. Ободонлаштириш бош бошқармасига ва унинг туман бўлинмаларига 2010 йилнинг 1 январидан бошлаб, «Махсустранс» ишлаб чиқариш бошқармаси» давлат корханаси, Юнусобод тумани санитар тозалаш бўйича ягона буюртмачи дирекцияси ва «Улугбек» шаҳарчасидаги қурилиш-таьмирлаш хизмат кўрсатиш бошқармаси билан қаттиқ ва суюқ ҳолдаги чиқиндиларни тўплаш ва олиб кетиш билан боғлиқ шартномаларни тузиш тақиқланиши белгилаб қўйилсин.

5. Статистика бошқармаси (Б. Г. Магай), Тошкент шаҳар «Махалла» жамғармаси (Ж. Х. Шохакимов), Хусусий уй-жой мулкдорлари ширкатлари уюшмаси (Ю. С. Набиев) ва туманлар ҳокимликлари ҳузуридаги тадбиркорлик субъектларини рўихатдан ўтказиш инспекциялари раҳбарлари қаттиқ маиший чиқиндиларни Тошкент шаҳри аҳолиси, ташкилот ва корхоналардан олиб чиқиб кетиш бўйича шартномаларнинг тўла қамраб олинишининг таъминлаш мақсадида, уларнинг юридик ёки яшаш манзиллари тўғрисидаги маълумотларни «Махсустранс» ишлаб чиқариш бошқармаси» давлат корхонасига, Юнусобод тумани санитар тозалаш бўйича ягона буюртмачи дирекциясига ва «Улуғбек» шаҳарчасидаги курилиш-таъмирлаш хизмат кўрсатиш бошқармасига беғараз равишда тақдим зтилишида амалий ёрдам кўрсатилсин.

6. Туман ҳокимликлари, Иқтисодиёт бош бошқармаси (С. С. Насретдинов), Ички ишлар бош бошқармаси (К. Накибов), Тошкент шаҳар «Маҳалла» жамғармаси (Ж. Х. Шохакимов), Статистика бошқармаси (Б. Г. Магай), Хусусий уй-жой мулкдорлари ширкатлари уюшмаси (А. Х. Набиев), ««Махсустранс» ишлаб чиқариш бошқармаси» давлат корхонаси (С. Н. Нигматов), Юнусобод тумани санитар тозалаш бўйича ягона буюртмачи дирекцияси (Б. В. Зоиров), «Улугбек» шаҳарчасидаги қурилиш-таъмирлаш хизмат кўрсатиш бошқармаси (А. А. Сайдалиев) тегишли ташкилотларни жалб килган ҳолда Тошкент шаҳар аҳолиси сонига аниқлик киритилсин ва туман ҳокимликлари томонидан тасдиқланиши таъминлансин.

7. «Махсустранс» Ишлаб чиқариш бошқармаси» давлат корхонаси (С. Н. Нигматов), Юнусобод тумани санитар тозалаш бўйича ягона буюртмачи дирекцияси (Б. В. Зоиров), «Улугбек» шаҳарчасидаги курилиш-таъмирлаш хизмат кўрсатиш бошқармаси (А. А. Хайдалиев):

Тошкент шаҳар ҳудудида маиший хўжалик чиқиндилар тўпланиши меъёрлари қайта ишлаб чиқилгунча, корхона ва ташкилотлар билан қаттик ҳолдаги маиший чиқиндиларни тўплаш ва жойлаштириш хизматлари учун шартномалар бўйича амалда кўлланаётган меъёрлар асосида ҳисоб-китоб юритилсин.

8. Белгиланган тўлов микдорларининг ошиб кетишига йўл қўйилмаслигини назорат қилиш — Тошкент шаҳар Монополиядан чиқариш, рақобат ва тадбиркорликни қўллаб-қувватлаш бошқармаси зиммасига юклатилсин.

9. Тошкент шаҳар ҳокимининг 2002 йил 29 декабрдаги 766-сонли қарори ўз кучини йўқотган деб ҳисоблансин.

10. Мазкур қарорнинг бажарилишини назорат қилиш Тошкент шаҳар ҳокимининг биринчи ўринбосари Р. Ж. Усмонов зиммасига юклатилсин.