Ўзбекистон Республикаси Президентининг «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисида» 2009 йил 28 январдаги ПҚ-1050-сон қарорини бажариш юзасидан ҳамда корхоналарни модернизация қилиш, техник ва технологик жиҳатдан қайта жиҳозлаш ҳисобига ноозиқ-овқат истеъмол товарлари ишлаб чиқаришни кўпайтириш ва турларини кенгайтириш учун қулай шарт-шароитлар яратиш ва шу асосида аҳоли бандлигини таъминлаш мақсадида қарор қиламан:

1. Ўзбекистон Республикаси Вазирлар Маҳкамасининг 2009 йил 20 августдаги «2009 — 2011 йилларда тўқимачилик саноати корхоналарини янада ривожлантириш ва модернизация қилиш ҳамда маҳаллий ноозиқ-овқат товарлари ишлаб чиқаришни кенгайтириш чора-тадбирлари тўғрисида»ги 236-сон қарори ижро учун қабул қилинсин.

2. Иқтисодиёт вазирлиги томонидан Молия вазирлиги, «Ўзбекенгилсаноат» давлат-акциядорлик компанияси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, шунингдек ноозиқ-овқат истеъмол товарлари ишлаб чиқарадиган корхоналар билан биргаликда ишлаб чиқилган:

2009 — 2011 йиллар даврида республика минтақалари ва «Ўзбекенгилсаноат» давлат-акциядорлик компанияси корхоналари бўйича ноозиқ-овқат истеъмол товарларининг асосий турларини ишлаб чиқаришнинг мақсадли параметрлари 1,1а ва 1б-иловаларига мувофиқ;

2009 — 2011 йиллар даврида ноозиқ-овқат истеъмол товарлари ишлаб чиқарувчи асосий корхоналар бўйича модернизация қилиш, техник ва технологик жиҳатидан жиҳозлаш бўйича инвестиция лойиҳалари рўйхати 2-иловага мувофиқ маъқулланганлиги маълумот учун қабул қилинсин.

3. Шаҳар ва туман ҳокимликлари икки ҳафта муддатда 1, 1а, 1б ва 2-иловаларда кўрсатилган мақсадли параметрлар асосида маҳаллий ноозиқ-овқат истеъмол товарлари ишлаб чиқаришни кенгайтиришнинг ҳудудий дастурларини амалга ошириш бўйича комплекс чора-тадбирларни ишлаб чиқсинлар ва тасдиқласинлар.

4. «Ўзбекенгилсаноат» давлат-акциядорлик компанияси билан ҳамкорликда хўжалик бошқаруви органлари шаҳар ва туман ҳокимликлари, шунингдек ноозиқ-овқат истеъмол товарлари ишлаб чиқарувчи корхоналар билан биргаликда 2-иловага киритилган лойиҳаларнинг техник-иқтисодий асосланиши ўз вақтида ва сифатли ишлаб чиқилишини ҳамда амалга оширилишини таъминласинлар:

Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари комплекси, Иқтисодиёт вазирлиги, «Ўзбекенгилсаноат» давлат-акциядорлик компанияси билан биргаликда хўжалик бошқаруви органлари шаҳар ва туман ҳокимликлари билан биргаликда бир ой муддатда 2-иловага киритилган лойиҳаларнинг техник иқтисодий асосланишини ишлаб чиқиш жадвалини тасдиқлаш учун киритилиши белгилаб қўйилсин.

5. Юқоридаги қарор билан белгиланганки, ушбу қарорнинг 2-иловасига киритилган тўқимачилик корхоналарини модернизация қилиш ва техника билан қайта жиҳозлаш лойиҳалари, шу жумладан тайёр тўқимачилик буюмлари ишлаб чиқариш соҳасида янгидан ташаббус кўрсатиладиган лойиҳалар Ўзбекистон Республикаси Ташқи иқтисодий алоқалар, инвестициялар ва савдо вазирлиги билан хорижий инвестор ўртасида белгиланган тартибда тузиладиган инвестиция шартномаси асосида амалга оширилади;

инвестиция шартномасида қонун ҳужжатларида белгиланган шартлардан ташқари божхона тўловларидан озод қилинадиган (божхона расмийлаштируви йиғимлари бундан мустасно) четдан келтириладиган технологик асбоб-ускуналар рўйхати кўрсатилади, шунингдек хорижий инвесторнинг қуйидаги қўшимча мажбуриятлари назарда тутилади:

четдан келтириладиган асбоб-ускуналарни лойиҳанинг техник иқтисодий асосланишида белгиланган муддатларга қатъий риоя қилган ҳолда фойдаланишга топшириш;

асбоб-ускуналар фойдаланишга топширилган кундан бошлаб икки йил мобайнида ишлаб чиқаришнинг лойиҳадаги қувватига чиқиш;

тикув-трикотаж ва тўқимачилик ишлаб чиқаришларнинг ишлаб чиқариш қувватини беш йил мобайнида камида 70 фоиз, калава ишлаб чиқариш қувватини камида 85 фоиз даражасида сақлаш;

ишлаб чиқариладиган маҳсулотнинг 70 фоизини экспортга сотиш;

янги иш ўринлари ташкил этиш.

Хорижий инвестор ва Ўзбекистон Республикаси Ташқи иқтисодий алоқалар, инвестициялар ва савдо вазирлиги томонидан имзоланган инвестиция шартномаси Ташқи иқтисодий алоқалар, инвестициялар ва савдо вазирлиги томонидан уни тасдиқлаш тўғрисида Ҳукумат қарорини қабул қилиш учун Ўзбекистон Республикаси Вазирлар Маҳкамасига киритиш;

тузилган инвестиция шартномаси шартлари хорижий инвестор томонидан бажарилмаган тақдирда имтиёзлар берилиши натижасида бўшаган маблағлар тўлиқ ҳажмда давлат бюджетига ундирилиши.

6. Ўзбекистон Республикаси Ташқи иқтисодий алоқалар, инвестициялар ва савдо вазирлиги инвестиция шартномаларини Ўзбекистон Республикаси Ташки иқтисодий алоқалар, инвестициялар ва савдо вазирлиги ҳузуридаги енгил саноат корхоналари қуриш, уларни қайта ихтисослаштириш ва модернизация қилишга доир таклифларни кўриб чиқиш бўйича Идоралараро эксперт кенгашининг «Ўзбекенгилсаноат» давлат-акциядорлик компанияси ва «Ўзенгилсанлойиҳа» масъулияти чекланган жамиятнинг асбоб-ускуналарнинг сифатли, рақобатбардош ва экспортга йўналтирилган маҳсулот ишлаб чиқаришни таъминлайдиган техник параметрлари тўғрисидаги тегишли хулосалари асосида қабул қилинган ижобий қарорини ҳисобга олган ҳолда белгиланган тартибда тузиш;

Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳузуридаги енгил саноат корхоналари қуриш, уларни қайта ихтисослаштириш ва модернизация қилишга доир таклифларни кўриб чиқиш бўйича Идоралараро эксперт кенгаши Вазирлар Маҳкамасига ушбу қарорга 2-иловага мувофиқ 2009 — 2011 йиллар даврида тўқимачилик корхоналарини модернизация қилиш ва техник жиҳатдан қайта жиҳозлаш бўйича инвестиция лойиҳалари рўйхатига янги лойиҳаларни маъқулланган рўйхатдан чиқариш бўйича таклифлар киритиш;

Ўзбекистон Республикаси Президентининг «Маҳаллий ноозиқ-овқат истеъмол товарлари ишлаб чиқаришнинг кенгайтирилишини рағбатлантириш борасидаги қўшимча чора-тадбирлар тўғрисида» 2009 йил 28 январдаги ПҚ-1050 сон қарорига мувофиқ,уларга нисбатан божхона божларидан озод қилиш бўйича имтиёзларнинг амал қилиши жорий этиладиган (божхона расмийлаштируви битимлари бундан мустасно) ноозиқ-овқат истеъмол товарлари ишлаб чиқаришини ихтисослаштирилаётган корхоналар томонидан республикада ишлаб чиқарилмайдиган импорт қилинадиган бутловчи буюмлар, хом ашё ва материаллар рўйхати 3- иловага* мувофиқ тасдиқланганлиги;

Ўзбекистон Республикаси Президентининг «Хорижий сармоя иштирокидаги корхоналар томонидан тайёр истеъмол моллари ишлаб чиқаришни кўпайтиришни рағбатлантиришга оид қушимча чора-тадбирлар тўғрисида» 2003 йил 23 июндаги ПФ-3267-сон Фармонида назарда тутилган имтиёзлар «Ўзбекенгилсаноат» давлат-акциядорлик компаниясининг корхоналари томонидан импорт қилинадиган товарлар бўйича акциз солиғи тўлашга ҳам татбиқ этилиши маълумот учун қабул қилинсин.

7. Мазкур қарорнинг бажарилишини назорат қилиш вилоят ҳокимининг биринчи ўринбосари С. Ильхамов ва вилоят ҳокимининг ўринбосари С. Абдуллаев зиммаларига юклансин.