Ўзбекистон Республикасининг «Ижара тўғрисида»ги Қонуни (Ўзбекистон Республикаси Олий Кенгаши Ахборотномаси 1992 йил 1-сон 45-модда; 1993 йил 9-сон 329-модда; Ўзбекистон Республикаси Олий Мажлисининг Ахборотномаси 2000 йил 5-6-сон 153-модда), Вазирлар Маҳкамасининг 2009 йил 8 апрелдаги «Давлат мулкини ижарага бериш тартибини такомиллаштириш чора-тадбирлари тўғрисида»ги 102-сон қарори (Ўзбекистон Республикаси қонун ҳужжатлари тўплами 2009 йил 15-сон 186-модда) талаблари асосида, вилоят ҳудудидаги бўш турган бино-иншоотлардан оқилона фойдаланиш, уларга бўлган эҳтиёжни тўлиқ таъминлаш ҳамда кутилаётган харажатлар билан корхона ва ташкилотларнинг ижара тўловидан тушадиган даромадларни тартибга солиш мақсадида қарор қиламан:

1. Ўзбекистон Республикаси Вазирлар Маҳкамасининг 2011 йил 30 ноябрдаги «Вазирлар Маҳкамасининг 2009 йил 8 апрелдаги «Давлат мулкини ижарага бериш тартибини такомиллаштириш чора-тадбирлари тўғрисида»ги 102-сонли қарорига ўзгартириш ва қўшимчалар киритиш ҳақида»ги 315-сонли қарори раҳбарлик ва ижро учун қабул қилинсин.

2. Ўзбекистон Республикаси Иқтисодиёт, Молия вазирликлари ва Давлат мулки қўмитасининг давлат мулки бўлган бино ва иншоотлар бўйича келишилган ижара тўловларининг энг кам ставкалари ҳисоб-китоблари 2011 йил 14 декабрдаги СГ-2-1/7-4029, ТГ/08-01-32-14/791 ва 01/16-703-сон хатлари инобатга олинсин.

3. Вилоят ҳудудида Давлат кўчмас мулкидан 2012 йил давомида фойдаланганлик учун ижара тўловининг энг кам ставкалари 1-иловага, ижара тўлови ставкаларига қўлланиладиган оширувчи коэффициентлар 2-иловага мувофиқ тасдиқлансин.

4. Давлат мулкини балансда сақловчиларнинг мансабдор шахслари:

йил чорагида камида бир марта ўзининг юритишида бўлган давлат мулкини хатловдан ўтказилиши;

фойдаланилмаётган давлат мулки тўғрисидаги маълумотларнинг, шунингдек ижарага берилаётган мол-мулкнинг тикланган қиймати тўғрисида тақдим этилган ахборотнинг ишончлилиги;

давлат мулкини ижара шартномаси тузмасдан ижарага бериш, ижара шартномасида ижарага берилган мулкнинг параметрлари ва сони атайлаб нотўғри қайд этилишлиги, бунинг натижасида ижара тўловининг яширилишига олиб келганлиги учун бевосита қонун ҳужжатларига мувофиқ жавоб берадилар.

«Тошкент вилояти давлат мулкини ижарага бериш маркази» давлат унитар корхонаси раҳбари (А. Хакимов)га:

Давлат мулкини ижарага беришни ташкил этиш ва ижарага бериш, ижарага берилаётган мулкларни ва уни ижарага беришдан тушадиган маблағларни ҳисобга олиш ва мониторингини олиб бориш, ижарага бериладиган мулклар бўйича маълумотлар базасини шакллантириш ва юритиш, ижарага берилган мулкни ҳар чоракда хатловдан ўтказиш;

ижара обьектларидан мақсадли фойдаланилишини ва уларнинг сақланишини, шунингдек ижара тўлови ўз вақтида ва тўлиқ тўланишини назорат килиш;

фойдаланилмаётган, давлат мулкини ижарага берилиши тўғрисидаги эълонларни ва ижарага берилаётган давлат мулки рўйхатини даврий нашрларда ҳамда Ўзбекистон Републикаси Давлат мулки қўмитаси ва Савдо-саноат палатасининг веб-сайтларида ҳар чорақда камида бир марта жойлаштириш;

вилоят ҳудудида фойдаланилмаётган, бўш турган бинолар ва иншоотларни аниқлаб, самарали фойдаланилишини таъминлаш мақсадида тадбиркорлик субъектларига белгиланган тартибда ижарага бериш;

вилоят бўйича мавжуд давлат кўчмас мулки ва уларни ижарага бериш натижасида иш билан таъминланган қўшимча ишчи ўринлари ҳақида вилоят ҳокимлигига ҳар чорақда маълумот бериш вазифалари юклатилсин.

6. Вилоят Давлат солиқ бошқармаси (Д. Файзуллаев), шаҳар ва туман ҳокимликлари, ҳудудларда ижара муносабатларини тартибга солиш, ижарага берилаётган давлат мулкининг ҳисоботини тўғри юритиш ва бюджетга қўшимча маблағларни жалб қилиш мақсадида давлат мулкини балансда сақловчилар томонидан ижарага бериш самарадорлигини ошириш ва ташкиллаштиришда «Ижара маркази» нинг ҳудудий вакиллари билан ўзаро ҳамкорликни йўлга қўйсинлар.

7. Шаҳар ва туман ҳокимларига мазкур қарорнинг 2-иловасидан келиб чиқиб, мулкнинг жойлашган манзилини инобатга олган ҳолда ҳудудий зоналарни (1-2-3-4-зона) 2011 йил 31 декабрьга қадар белгилаш юклатилсин (бунда Чирчиқ шаҳрида 2011 йилда қўлланилган тажрибани ҳисобга олиш тавсия этилсин).

8. Вилоят ҳудудида фойдаланилмасдан бўш турган давлат мулкларини ижарага беришни уюшқоқлик билан ўтказилишини таъминлаш мақсадида Ижара маркази (ижарага берувчи) балансда сақловчилар ва ижарага олувчилар иштирокида туман ва шаҳар ҳокимликларида ўтказиладиган тадбирлар режаси 3-иловага мувофиқ тасдиқлансин.

Тадбирларни телевидение ва радио орқали ҳамда газета ва журналларда ёритиб борилиши таъминлансин.

9. Вилоят ҳудудида 2012 йилда давлат мулки бўлган бинолар ва хоналар жойлашган бюджет ташкилотлари учун ижара тўловининг ноль ставкаси белгилансин.

10. Мазкур қарор «Тошкент ҳақиқати», «Ташкентская правда» газеталар эълон қилингач, 2012 йил 1 январдан бошлаб кучга киритилиши белгилансин ҳамда шу муносабат билан вилоят ҳокимининг 2010 йил 31 декабрдаги 295-сон қарори ўз кучини йўқотган деб ҳисоблансин.

Ушбу қарорнинг бажарилишини назорат қилиш вилоят ҳокими ўринбосари С. Абдуллаев зиммасига юклатилсин.

2-Қурилиш тури бўйича коэффициенти (Кк):

алоҳида турган бино — 1,5;

бинонинг ички қисмида жойлашган ва тақаб қурилган — 1,0;

бинонинг юқори қисми, чердак, болохона — 0,7;

ярим ертўла, ертўла — 0,5.

3-Туташиб кетган ҳудуддан фойдаланиш коэффициенти (Кҳ):

ер майдони мавжуд бўлганда — 0,8.

4-Тижорат мақсадларида фойдаланишда қулайлик коэффициенти (Ко):

асосий автотранспорт йўллари бўйлаб жойлашганда — 0,5;

иккинчи даражали автотранспорт йўллари бўйлаб жойлашганда — 0,4.

Бинолар ва иншоотлар бўйича ижара тўловини ҳисоблаб чиқиш қуйидаги тарзда аникланади:

бунда:

Тс — бир йилга бир кв.метр учун ижара тўлови таянч ставкаси.

Эс — бир йилга бир кв.метр учун энг кам ставка.