Ўзбекистон Республикаси Давлат мулки қўмитаси, Молия ва Иқтисод вазирликлари билан келишилган 2010 йил 24 декабрдаги 01/16-18/14, 2-1-7/7-1403 ва СБ/08-01-32-14/606-сонли ижара тўловининг энг кам ставкалари Тошкент шаҳар ҳокимлигининг капитал қурилиш, коммунал хўжалиги, ободонлаштириш саноат ва тадбиркорлик масалалари бўйича мажмуаси томонидан ўрганиб чиқилганлигини инобатга олиб, шунингдек Ўзбекистон Республикаси Вазирлар Маҳкамасининг 2009 йил 8 апрелдаги «давлат мулкини ижарага бериш тўғрисида» ги 102-сонли қарорининг 3-банди ва «Маҳаллий давлат ҳокимияти тўғрисида»ги Ўзбекистон Республикаси Қонуни 24-моддасига мувофиқ қарор қиламан:

1. Тошкент шаҳридаги давлат кўчмас мулкидан фойдаланганлик учун 2011 йилнинг 1 январидан қўлланиладиган ижара тўловининг энг кам ставкалари 1-иловага, ижара ҳақини ҳисоблаш тартиби 2-иловага, ижара ҳақини ҳисоблаш давлат объектларига қўшимча коэффициент қўлланиладиган Тошкент шаҳрининг марказий қатнов кўчалари рўйхати 3-иловага мувофиқ тасдиқлансин.

2. «Тошкент шаҳар давлат мулкини ижарага бериш маркази» давлат корхонаси (А.А. Акромов): Ижара ҳақи қийматини белгилашда 1-иловада кўрсатилган кўчмас мулк учун қўлланиладиган энг кам ставкаларидан таянч сифатида фойдаланилсин.

2.1 Ўзбекистон Республикаси Президентининг 2010 йил 24 декабрдаги «Ўзбекистон Республикаси 2011 йил асосий макроиқтисодий кўрсатгичлари ва давлат бюджети параметрлари тўғрисида»ги ПҚ-1449-сонли қарорига асосан Ўзбекистон Республикаси Вазирлар Маҳкамасининг 2009 йил 8 апрелдаги 102-сонли «Давлат мулкини ижарага бериш тартибини такомиллаштириш чора-тадбирлари тўғрисида»ги қарорининг 3-1 бандига мувофиқ:

Бюджет ташкилотлари ҳамда Ўзбекистон Республикаси халқаро шартномалар шартлари, Ўзбекистон Республикаси Президенти ва Ўзбекистон Республикаси Ҳукумати қарорларига асосан Давлат мулки ҳисобланган бино ва иншоотларда жойлашган Ўзбекистон Республикаси халқаро шартномалар доирасида фаолиятини амалга ошираётган гуруҳлар учун ижара ҳақи, қонунчиликда кўрсатилган ҳолатлардан ташқари, «ноль» ставкаси бўйича белгиланади».

3. Белгилаб қўйилган, Давлат мулкини балансида сақловчиларнинг мансабдор шахслари уларнинг тасарруфида бўлган фойдаланилаётган давлат мулки тўғрисидаги маълумотларни «Тошкент шаҳар давлат мулкини ижарага бериш маркази» давлат корхонасига ўз вақтида, тўлиқ ва ишончли берилиши учун шахсан жавоб берадилар.

4. Мазкур қарор Халқ депутатлари Тошкент шаҳар Кенгашининг навбатдаги сессиясига тасдиқлаш учун киритилсин.

5. Ушбу қарорнинг бажарилишини назорат қилиш Тошкент шаҳар ҳокимининг биринчи ўринбосари З.Ж. Усмонов зиммасига юклатилсин.

Ижара ҳақи ставкаларига қўлланиладиган оширувчи коэффициентлар:

1. Ҳудудий зоналар коэффициенти — Кз. (Тошкент шаҳар ҳокимининг 2010 йил 25 январдаги 41-сонли қарорида белгиланган чегараларга асосан)

2. Бинонинг жойлашуви ва қурилиш турига кўра қўлланиладиган коэффициентлар:

2.1 Бинонинг қурилиш тури бўйича (Кқ):

алоҳида турган бино — 1.0

бинонинг ички қисмида жойлашган ва тақаб қурилган — 0,8

ярим ертўла, ертўла — 0.6

чердак, болхона — 0.5

2.2. Туташган ҳудуддан фойдаланиш коэффициенти (Kҳ):

ер майдони мавжуд бўлганда — 0.3

2.3. Тижорат мақсадида фойдаланишда қулайлиги (Кт):

метpо станциясидан 200 метр радиус атрофида — 0.7

асосий қатнов кўчаларида жойлашгани — 0.6 (3-иловага мувофиқ)

иккинчи даражали қатнов кўчаларида жойлашган — 0.5

Бинолар ва иншоотлар бўйича ижара тўловини (ижара тўловининг таянч ставкаси) ҳисоблаб чиқиши қуйидаги тарзда аниқланади:

бунда: Тс — бир йилга 1 кв.м учун ижара тўловининг таянч ставкаси;

Эс — 1-иловага мувофиқ корхонанинг фаолият турига кўра бир йилга l кв.м учун энг кам ставка.

Тошкент шаҳар ҳокимлиги Бинолардан фойдаланиш департаменти тасарруфидаги объектлар бўйича Департамент ва ижарачи ўртасида тузиладиган икки томонлама шартномаларда, маъмурий бинолар фондини таъмирлаш учун, ижара тўловидан қўшимча 30 фоиз миқдорида тўловлар киритилади.