Тошкент шаҳрида ҳудудларни ободонлаштириш ишларини янади яхшилаш, ободонлаштириш объектларидан самарали фойдаланиш ва уларни сақлаш ишларини такомиллаштириш, бу ишларга бино-иншоотларнинг мулкдорлари ёки фойдаланувчилари бўлган юридик ва жисмоний шахсларни, шу жумладан, ижарачиларни жалб этишни ташкил этиш, шунингдек Ўзбекистон Республикаси Президентининг 2009 йил 22 январдаги «Ўзбекистон Республикаси аҳоли пунктларини ободонлаштириш яхшилаш юзасидан қўшимча чора-тадбирлар тўғрисида»ги ПҚ-1045-сонли қарори, Ўзбекистон Республикаси Вазирлар Маҳкамасининг 2009 йил 9 мартдаги «Замонавий архитектура-шаҳарсозлик талабларини ҳисобга олган ҳолда аҳоли пунктларини ободонлaштириш ишларини ташкил этиш Қоидаларини тасдиқлаш тўғрисида»ги 59-сонли қарори ҳамда Тошкент шаҳар ҳокимининг 2009 йил 7 апрелдаги 196-сонли қарори ижросини тўлақонли таъминлаш мақсадида, шунингдек Тошкент шаҳар ҳокимлигининг Капитал қурилиш, коммунал хўжалиги, ободонлаштириш, саноат ва тадбиркорлик масалалари бўйича мажмуасининг хизмат хатини инобатга олиб, қарор қиламан:

1. Белгилаб қўйилсинки, Тошкент шаҳридаги бинолар ва иншоотларнинг мулкдорлари ёки фойдаланувчилари, шу жумладан, ижарачилари бўлган юридик ва жисмоний шахслар ўзларига бириктирилган ер участкаси ҳудудида ободонлаштириш ишларининг амалга оширилиши учун масъул ҳисобланадилар.

2. Бинолар ёки иншоотларнинг мулкдорлари ёки фойдаланувчилари қуйидаги вазифаларни амалга оширадилар:

бинолар ва иншоотларнинг ташқи қиёфасининг қониқарли сақланишини таъминлайдилар ҳамда заруриятга кўра бинолар ва иншоотларнинг ташқи кўринишини (фасадларини таъмирлаш) архитектура белгиланган тартибни бузган субъектларнинг туташ ҳудудларида жойлашган ер объектларига бўлган ҳуқуқларини бекор қилишгача бўлган чоралар кўрилади.

3. Тошкент шаҳар ҳокимлигининг Капитал қурилиш, коммунал хўжалиги, ободонлаштириш, саноат ва тадбиркорлик масалалари бўйича мажмуаси (Б.Раҳмонов), Архитектура ва қурилиш бош бошқармаси (А.Таджиев), Ер ресурслари ва кўчмас мулк кадастри (Ғ.Расулов), туман ҳокимлари билан биргаликда:

бир ҳафта муддатда туманлар кесимида Тошкент шаҳри ҳудудидаги мулкчилик шаклидан қатъий назар, корхона, муассаса, ташкилотлар ва жисмоний шахсларнинг бино ва иншоотлари эгаллаб турган майдонга туташган ҳудудларни тизимли равишда ободонлаштириш мақсадларида бириктириш чора-тадбирлари Режаси ишлаб чиқилиб, тасдиқлансин;

чора-тадбирлар Режасида туташган ҳудудларни бириктириш ишларининг йил якунига қадар барча юридик ва жисмоний шахслар кесимида қамраб олиниши кўзда тутилсин ва ишларнинг ўз вақтида бажарилиши юзасидан масъуллар белгилансин;

юридик ва жисмоний шахсларга ободонлаштириш мақсадларида бириктириб берилган ҳудудларда шаҳарсозлик нормалари ва қоидаларига риоя этилиши устидан назорат ўрнатилсин;

мазкур ҳудудларда шаҳарсозлик нормалари ва қоидаларининг риоя этилишини таъминлашга туман архитекторлари шахсан жавобгар эканлиги белгилаб қўйилсин;

ободонлаштириш ишларини амалга оширишдан бош тортган ёки ободонлаштириш қоидаларини бузган мансабдор ва жисмоний шахслар қонун ҳужжатларига мувофиқ жавобгарликка тортилиши белгилаб қўйилсин.

4. Мазкур қарор ижросини таъминлаш ва назорат қилиш шаҳар ҳокимининг биринчи ўринбосари Б Раҳмонов, Архитектура ва қурилиш бош бошқармаси бошлиғи А.Таджиев ва туман ҳокимлари зиммаларига юклатилсин.

Туман ҳудудининг ободонлаштирилишини тубдан яхшилаш, шунингдек ободонлаштириш ишларига бино ва иншоотлар мулкдорлари, фойдаланувчилари ва ижарачиларини кенг жалб этиш учун қулай шарт-шароитлар яратиш мақсадида, эгаллаб турган ер майдонига туташган ҳудудларни бириктириб бериш ҳақидаги Архитектура ва қурилиш бош бошқармаси ва Ер ресурслари ва давлат кадастри бошқармаси томонидаи берилган хулосаларни ҳамда «Фазо» корхонасининг мурожаатини инобатга олиб,

1. «Фазо» корхонасига Сергели тумани, Янги ариқ кўчаси, 22 уй манзилида ўзлари эгаллаб турган ер майдонига туташган 245 кв.м. бўлган ер майдони фақат ободонлаштириш ишларини амалга ошириш учун бириктириб берилсин.

2. Белгилаб қўйилсинки, ободонлаштириш мақсадида бириктирилаётган ҳудудга нисбатан эгалик, ижара, доимий фойдаланиш ҳуқуқлари қўлланилмайди.

3. «Фазо» корхонаси раҳбари (Н.Эшматов)га қуйидаги вазифалар юклатилсин:

корхонага тегишли бинолар ва иншоотларга туташган ер участкаларида ободонлаштириш ишларини амалга ошириш, кўкаламзорлаштириш ҳудудларида дарахтлар ва гуллар ўтқазишни, суғоришни ва уларни парвариш қилишни таъминлаш;

дарахтлар касалланишининг олдини олиш, дарахтларни буташ, уларга шакл бериш, оқлаш ишларини ташкил қилиш;

ҳудуднинг одамлар ўтадиган қисмлари атрофида қурилиш материаллари бўлаклари, асбоб-ускуналар, қурилиш чиқиндилари ва маиший чиқиндилар тўпланишининг, йўл чеккаларининг, ўтиш жойларининг ва йўлакларнинг ифлосланишининг олдини олиш ва қурилиш бўйича ҳудудий органлар билан келишган ҳолда ўзгартириши мумкин;

бинолар ва иншоотларга туташган (ажратилган) ер участкаларида ободонлаштириш ишларини амалга оширадилар, кўкаламзорлаштириш ҳудудларида дарахтлар ва гуллар ўтқазишни ва суғоришни, уларни парвариш қилишни таъминлайдилар;

қуриб қолган, қари ҳамда дарахтлар зараркунандалари билан кучли зарарланган дарахтларни Тошкент шаҳар Табиатни муҳофаза қилиш қўмитаси билан келишилган ҳолда кесиб ташлаш ва ўрнига ёш ниҳолларни экиш, уларни буташ, шакл бериш, оқлаш ишларини ташкил қиладилар;

ҳудуднинг одамлар ўтадиган қисмлари атрофида қурилиш материаллари бўлаклари, асбоб-ускуналар, қурилиш чиқиндилари ва маиший чиқиндилар тўпланишининг, йўл чеккаларининг, ўтиш жойларининг ва йўлакларнинг ифлосланишининг олдини оладилар;

қурилиш ишларини бажариш жараёнида эстетик кўринишни таъминлаш ва техника хавфсизлигига риоя этиш мақсадида қурилиш майдончалари атрофининг сифатли ўралишини таъминлайдилар;

ер ости ва ер усти муҳандислик тармоқларининг техник ҳолатини техник шартларда белгилaнгaн тapтибда қониқарли сақлайдилар.

4. Шундай тартиб ўрнатилсинки, унга кўра:

бино ва иншоотларга туташган ҳудудлар Архитектура ва қурилиш бош бошқармаси ҳамда Ер ресурслари ва давлат кадастри бошқармаси томонидан берилган хулосаларга асосан туман ҳокимининг фармойишига (Фармойишнинг намунавий шакли илова қилинади) биноан мазкур бино ва иншоот эгалари ёки фойдаланувчиларига фақат ободонлаштириш мақсадларида бириктириб берилади;

туман ҳокими томонидан қабул қилинган фармойиш асосида бириктирилган туташ ҳудуд юзасидан уларни ҳисобга олиш мақсадида Ер ресурслари ва давлат кадастри бошқармаси томонидан солиқ солинмайдиган объект сифатида ободонлаштириш ҳудудининг алоҳида кадастр ҳужжатлари юритилади ва бу ҳақида кадастр хизмати томонидан тегишли давлат солиқ хизмати органларига маълумотлар тақдим этиб борилади;

бино ва иншоот эгаси ёки улардан фойдаланувчи ўзгарган тақдирда, бириктирилган ободонлаштириш ҳудуди ва ушбу ер майдони бўйича ободонлаштириш ишлари мажбуриятлари ҳам янги мулкдорга ёки фойдаланувчига ўтади;

юридик ва жисмоний шахсларга ободонлаштириш мақсадларида бириктириб берилган туташ ҳудудларда капитал ва енгил турдаги бино ва иншоотларни қуриш, реклама воситаларини ўрнатиш, ҳар хил эълон ва афишаларни осиб қўйиш, палакатлар, савдо расталари, дўконлар, супалар, товуқхона, қўйхона, тандирхона ва бошқа турли хил ёрдамчи қурилмаларни ўрнатиш ишлари қатъиян тақиқланади;

тегишли органларнинг тақдимномаси (хулосаси) асосида ободонлаштириш учун бириктириб берилган ер участкалари бўйича

5. «Фазо» корхонаси раҳбари (Н.Эшматов):

ободонлаштириш мақсадида бириктириб берилаётган мазкур ҳудудда капитал ва енгил турдаги бино ва иншоотларни қуриш, реклама воситаларини ўрнатиш, ҳар хил эълон ва афишаларни осиб қўйиш, палаткалар, савдо расталари, дўконлар, супалар, товуқхона, қўйхона, тандирхона ва бошқа турли хил ёрдамчи қурилмаларни ўрнатиш қатъиян тақиқланиши ва ободонлаштириш ишларини амалга оширишдан бош тортганлик ёки ободонлаштириш қоидаларини бузганлик учун жавобгарликка тортилиши мумкинлиги тўғрисида;

белгиланган шартлар ва талаблар бузилганида ёки бажарилмаганида мазкур фармойиш бекор қилиниши тўғрисида огоҳлантирилсин.

6.Туман архитектори (Р.Нурматов), Ер ресурслари ва давлат кадастри бошқармаси туман бўлими (Х. Ёров):

6.1. Ободонлаштириш мақсадида бириктириб берилган ҳудудда шаҳарсозлик нормалари ва қоидаларига риоя этилиши устидан назорат ўрнатилсин.

6.2. Ҳисобга олиш мақсадида фармойиш асосида бириктирилган ободонлаштириш ҳудудининг кадастр (паспорти) ҳужжати юритиб борилсин.

7. Мазкур фармойишнинг бажарилишини назорат қилиш туман ҳокимининг биринчи ўринбосари О.Сагдуллаев зиммасига юклатилсин.