«Kamminz» замонавий дизел двигателлари билан жиҳозланган тракторлар, юк автомобиллари, автобуслар ва бошқа техникани қўллаш йўли билан қишлоқ хўжалигида ва бошқа тармоқларда ишлар самарадорлигини ошириш, шунингдек «Keys» компаниясининг тракторлари ва пахта териш машиналари ишлаб чиқаришни маҳаллийлаштириш дастурини амалга оширишни жадаллаштириш мақсадида Вазирлар Маҳкамаси қарор қилади:

1. Американинг «Kamminz Endjin» компанияси, «Ўзқишлоқхўжаликмаш-холдинг» компанияси, «Ўзавтосаноат» уюшмаси, «Ўзқишлоқхўжаликтаъминоттузатиш» давлат-кооператив қўмитаси ва Ўзбекистон Республикаси Ҳукумати томонидан ёпиқ акциядорлик жамияти шаклидаги «OʻzKamminzMotor» қўшма корхонасини ташкил этиш тўғрисида Битим Баённомаси имзоланганлиги маълумот учун қабул қилинсин.

«OʻzKamminzMotor» қўшма корхонасининг устав жамғармасини бошланғич миқдори 19,8 млн АҚШ доллари бўлган ва улушлар «Kamminz Endjin» компанияси билан Ўзбекистон томони ўртасида тенг тақсимланган ҳолда шакллантириш, унинг тузилмаси ва шакллантириш муддатлари тўғрисидаги таклифга 1-иловага мувофиқ розилик берилсин.

2. 2000 йилда 6 мингта двигател ишлаб чиқаришни ва 2004 йилгача маҳаллийлаштириш даражасини 48 фоизгача етказган ҳолда уларни ишлаб чиқаришни 12 мингтагача кўпайтиришни назарда тутувчи лойиҳани техник-иқтисодий асослашнинг асосий кўрсаткичлари 2 — 4-иловаларга* мувофиқ тасдиқлансин.

3. Қуйидагилар:

умумий қиймати 33 млн АҚШ долларига тенг бўлган лойиҳани маблағ билан таъминлаш «OʻzKamminzMotor» қўшма корхонасининг 19,8 млн АҚШ доллари миқдоридаги устав фонди маблағлари ва 13,2 млн АҚШ доллари миқдоридаги қарз маблағлари ҳисобига амалга оширилади;

«OʻzKamminzMotor» қўшма корхонасида қуввати 100 дан 210 от кучигача бўлган тўрт ва олти цилиндрли дизел двигателлари ишлаб чиқариш ташкил этилади;

Ўзбекистонда ишлаб чиқариладиган ва 100 — 210 от кучи диапазонидаги дизел двигателларига эга бўлган барча техника, шу жумладан «OʻzKeys traktor» қўшма корхонасининг, «OʻzKeysmash» қўшма корхонасининг, Тошкент трактор заводининг тракторлари ва пахта териш машиналари, «Самарқанд автомобил заводи» масъулияти чекланган жамиятининг автобуслари ва юк автомобиллари «OʻzKamminzMotor» қўшма корхонасида ишлаб чиқариладиган двигателлар билан жиҳозланади;

қўшма корхона доирасида йиғиш, бўяш ва синаш цехлари, шунингдек тирсакли вални тайёрлаш бўйича ишлаб чиқариш ташкил этилади;

«OʻzKamminzMotor» қўшма корхонаси «Мотор заводи» АЖнинг экспериментал корпусига жойлаштирилади, уни реконструкция ва модернизация қилиш қўшма корхонанинг 11,1 млн АҚШ доллари миқдоридаги маблағлари ҳисобига амалга оширилади;

«OʻzKamminzMotor» қўшма корхонасининг ишлаб чиқариш биносини қуриш ва тайёрлаш даврида двигателларни йиғиш «Мотор заводи» АЖда амалга оширилади;

лойиҳада ишлаб чиқарувчи компания томонидан «OʻzKamminzMotor» қўшма корхонасининг 4,9 млн АҚШ доллари миқдоридаги маблағлари (шу жумладан, «Kamminz Endjin» компанияси томонидан киритиладиган 2,0 млн АҚШ доллари, шунингдек, ишлаб чиқарувчи компания томонидан Ўзбекистон томонининг 7,5 млн АҚШ доллари миқдоридаги маблағлари ҳисобига «Мотор заводи» АЖнинг «Krauze» йиғиш линиясини «Kamminz» двигателларини йиғиш учун модернизация қилиш ва қайта жойлаштириш назарда тутилган;

ишлаб чиқариш корпуси, йиғиш, тирсакли валга ишлов бериш автоматик линиялари, бўяш-қуритиш комплекси ва синов станциясидан «OʻzKamminzMotor» қўшма корхонаси «Мотор заводи» АЖдан 12 йил муддатга ижара шартларида, ижара тўловлари 2 йилга кечиктирилган ва ижара тўлови кўрсатиб ўтилган ижарага олинган мол-мулкни сотиб олиш ҳисобига «OʻzKamminzMotor» қўшма корхонаси мулкига ўтказилган ҳолда фойдаланади.

4. «Ўзқишлоқхўжаликмаш-холдинг» компанияси, «Мотор заводи» АЖ «Kamminz Endjin» компанияси билан биргаликда уч ой муддатда Таъсис шартномасини, Уставни, Технология ва техник ҳужжатларни бериш тўғрисидаги битимни, Бошқарув хизматлари тўғрисидаги шартномани ва Таъсис шартномасига илова ҳисобланадиган бошқа ҳужжатларни ишлаб чиқиш ва рўйхатдан ўтказиш ишларини тугалласинлар.

5. Белгилаб қўйилсинки, 3-иловага* мувофиқ ҳажмларда ишлаб чиқариладиган двигателларни ҳар йили сотиш «OʻzKamminzMotor» қўшма корхонасига двигателлар етказиб бериш юзасидан:

Тошкент трактор заводи, «OʻzKeysmash» қўшма корхонаси, «OʻzKeysTraktor» қўшма корхонаси, «Самарқанд автомобил заводи» МЧЖ ва бошқа истеъмолчилар билан;

«Ўзагросуғурта» компанияси томонидан «OʻzKamminzMotor» қўшма корхонасининг етказиб бериш шартномалари билан таъминланмаган миқдордаги двигателларини сотиб олиш бўйича мажбуриятларни суғурта қопламаси остида «Ўзагромашсервис» уюшмаси билан.

6. «Ўзқишлоқхўжаликтаъминоттузатиш» давлат-кооператив қўмитаси Ўзбекистон Республикаси Молия вазирлиги билан биргаликда икки ой муддатда республика минтақаларида сервис марказларини жойлаштиришни, норматив захираларни тўлдириш учун харид қилинадиган эҳтиёт қисмлар, сарфлаш материаллари номенклатураси ва ҳажмини назарда тутувчи «OʻzKamminzMotor» қўшма корхонаси ишлаб чиқарадиган двигателларга техник хизмат кўрсатишни, сервисни ва уларни мукаммал тузатишни ташкил этиш ва маблағ билан таъминлаш дастурини ишлаб чиқсин.

7. «Ўзқишлоқхўжаликмаш-холдинг» компанияси Ўзбекистон Республикаси Давлат мулки қўмитаси ҳамда Макроиқтисодиёт ва статистика вазирлиги билан биргаликда «Kamminz» двигателларини ишлаб чиқариш ва маҳаллийлаштиришда фойдаланилмаётган «Мотор заводи» АЖ қувватларини консервация қилиш тўғрисида белгиланган тартибда Вазирлар Маҳкамасига таклифлар киритсин.

8. «Ўзавтосаноат» уюшмаси «SamKochavto» қўшма корхонаси билан биргаликда икки ой муддатда «Kamminz Endjin» ва «Otoyoʻl» (Туркия) компаниялари билан «Kamminz» двигателларидан фойдаланган ҳолда юк автомобиллари ва автобуслар ишлаб чиқаришни ташкил этиш масалаларини келишиб олсин.

9. «Ўзстандарт» агентлиги «Kamminz Endjin» компанияси томонидан «Kamminz» двигателларини ишлаб чиқариш ва уларга сервис хизмати кўрсатишни ташкил этиш учун етказиб бериладиган асбоб-ускуналар ва бутловчи буюмларнинг белгиланган тартибда сертификатлаштирилишини таъминласин.

10. Ўзбекистон Республикаси Макроиқтисодиёт ва статистика вазирлиги «OʻzKamminzMotor» қўшма корхонасини ташкил этиш ва «Kamminz» двигателларига бутловчи буюмлар ишлаб чиқаришни маҳаллийлаштириш лойиҳаларини белгиланган тартибда Ўзбекистон Республикасининг 2000 йилги ва кейинги йиллардаги Инвестиция дастурига киритсин.

18. Ўзбекистон Республикаси Ташқи ишлар вазирлиги «OʻzKamminsMotor» қўшма корхонасининг буюртманомалари бўйича кўрсатиб ўтилган лойиҳанинг хорижий қатнашчилари учун кириш визаларини консуллик йиғимлари ундирмасдан расмийлаштириш масалаларини ўз вақтида кўриб чиқсин.

19. Ўзбекистон Республикаси Ички ишлар вазирлиги «OʻzKamminzMotor» қўшма корхонасининг буюртманомалари бўйича «OʻzKamminzMotor» қўшма корхонасини ташкил этиш лойиҳасини амалга оширишда қатнашувчи хорижий қатнашчиларни яшаш жойида давлат божи ундирмасдан вақтинча рўйхатдан ўтказсин ва вақтинча рўйхатдан ўтказиш муддатини узайтирсин.

20. «OʻzKamminzMotor» қўшма корхонасини ташкил этиш лойиҳаси доирасида ишлаш учун келаётган хорижий мутахассисларга Ўзбекистон Республикаси фуқаролари учун назарда тутилган тарифлар бўйича яшаш ва транспортнинг барча турларида юриш учун ҳақ тўлаш ҳуқуқи берилсин.

21. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.