Ўзбекистон Республикасида чет эл инвестицияларини жалб этган ҳолда автомобиль саноатининг ишлаб чиқариш базасини шакллантириш ва ривожлантириш мақсадида Вазирлар Маҳкамаси қарор қилади:

1. Ўзбекистон томонидан «Ўзавтосаноат» уюшмаси ва «Андижон мебель комбинати» акционерлик жамияти ва Корея томонидан «Донг-Янг Ивха индастриз» компанияси муассис ҳисобланган, муассисларнинг устав фондидаги улушлари тегишлича 40 фоиз ва 60 фоиз миқдорида тақсимланадиган (1, 2-иловалар), «Андижон мебель комбинати» АЖ базасида йилига 560 минг дона автомобилнинг ички безаги деталларини ишлаб чиқарадиган «Ўз-Донг Янг Ко» Ўзбекистон-Корея қўшма корхонаси ташкил этилиши маъқуллансин.

2. Корея томони қўшма корхонага асбоб-ускуналар сотиб олиш учун 8 йил муддатга 2283 минг АҚШ доллари миқдорида кредит бериши маълумот учун қабул қилинсин.

4. Белгилансинки, Вазирлар Маҳкамасининг 1992 йил 5 ноябрдаги 509-сон қарорининг 6, 7 ва 8-бандларида назарда тутилган имтиёзлар ва ҳуқуқлар «ЎзДЭУАВТО» қўшма корхонаси автомобиллари учун бутловчи буюмлар ишлаб чиқарувчи сифатида «Ўз-Донг Янг Ко» қўшма корхонасига жорий этилади.

5. Мазкур қарорнинг бажарилишини назорат қилиш Бош вазир Ў.Т. Султонов зиммасига юклансин.