Ўзбекистон Республикасининг Давлат солиқ қўмитаси ва Ўмон Султонлигининг Молия вазирлиги, бундан кейин «Томонлар» деб номланадилар, иккала мамлакат ўзаро манфаатлар тамойилларига асосланган солиқ тизими манфаатларида қўшма соҳаларни мустаҳкамлаш ва ривожлантиришни хоҳлайдиган Ўзбекистон Республикаси билан Ўмон Султонлиги ўртасидаги ўзаро муносабатлардан келиб чиқиб ва Ўзбекистон ҳамда Ўмон тарафлари ўртасидаги муҳокамалар асосида,

Икки Томон солиқ органлари ходимларини тайёрлаш ва қайта тайёрлаш соҳасида ўзаро ҳамкорлик қилишга ҳамда солиқ тўғрисидаги қонун ҳужжатларини бузишларнинг олдини олиш, уларни фош этиш ва бартараф қилиш билан боғлиқ муаммоларни биргаликда тадқиқ қилишга кўмаклашади ва иккала Томон, башарти бундай соҳалар дипломатик каналлар орқали келишилса, солиқ солиш бобида ҳамкорлик қилиш соҳасини тўлдириши мумкин.

Икки Томон ушбу Меморандумнинг 1-моддасида кўрсатилган соҳаларда биргаликда тайёрлов курсларини, экспертларнинг ташрифларини ва илмий тадқиқотлар билан алмашувлар ўтказадилар.

Делегация юбораётган Томон транспорт харажатларини ўз зиммасига олади, таклиф қилувчи Томон эса ушбу Меморандумнинг 2-моддасида кўрсатилган делегациянинг истиқомат қилиш харажатларини кўтаради.

Ушбу Меморандум икки мамлакат ўртасидаги исталган икки тарафлама битим бўйича қабул қилинган мажбуриятларга зид эмас.

Икки Томон ушбу Меморандумни улар мамлакатларининг амалдаги қонунлари ва қоидаларига мувофиқ амалга оширадилар.

Меморандум қоидаларини талқин қилиш ва қўллашдаги барча ихтилофлар ҳамда баҳсли масалалар Томонлар томонидан маслаҳатлашишлар ва музокаралар воситасида муҳокама қилинади.

Ушбу Меморандум имзоланган санадан бошлаб кучга киради ва 10 йил мобайнида, Томонлардан бири бошқа Томонни Меморандум кучга кирган санадан бошлаб 2 йиллик давр ўтганидан кейин исталган календарь йилнинг охиригача лоақал 3 ой қолганда дипломатик каналлар орқали Меморандумнинг амал қилишини тўхтатиш нияти тўғрисида ёзма шаклда хабардор қилмагунча, ўз кучида қолади.

Бу ҳолда мазкур Меморандум уни тўхтатиш тўғрисида хабарнома берилган календарь йилнинг охирида амал қилишини тўхтатади.

Масқат шаҳрида 2009 йил 5 октябрда икки нусхада, ҳар бири ўзбек, араб ва инглиз тилларида тузилди, бунда барча матнлар бир хил кучга эга.

Ушбу Меморандумни талқин қилишда келишмовчиликлар юзага келган ҳолда инглиз тилидаги матн устувор ҳисобланади.