Ўзбекистон Республикаси Ҳукумати ва Корея Республикаси Ҳукумати, бундан буён «Томонлар» деб аталувчилар,

икки давлат ўртасидаги дўстлик алоқаларини янада ривожлантириш мақсадида ҳамда Ўзбекистон Республикаси ва Корея Республикаси ўртасида дипломатик паспорт эгаларининг сафар қилишлари тартибларини енгиллаштиришга интилиб,

1. Дипломатик паспортга эга бўлган ҳар бир Томон давлатининг фуқаролари визасиз бошқа Томон давлатининг ҳудудига кириш, чиқиш ва транзит ўтиб кетиш ҳуқуқига эгадирлар.

2. Ушбу модданинг 1-бандида кўрсатилган шахслар бошқа Томон давлати ҳудудига кирган кунлардан бошлаб олтмиш (60) кундан ортиқ бўлмаган давр ичида визасиз бўлишлар мумкин.

3. Агар ушбу модданинг 1-бандида кўрсатилган шахслар бошқа Томон ҳудудида олтмиш (60) кундан ортиқ бўлишни режалаштирса, бундай ҳолда жўнатувчи Томоннинг дипломатик ваколатхонаси ёки консуллик муассасаси виза олиш учун олдиндан ёзма мурожаат қилиши лозим.

1. Ҳар бир Томон давлатининг бошқа Томон давлати ҳудудидаги дипломатик ваколатхонаси ёки консуллик муассасасига тайинланган ва амалдаги дипломатик паспортга эга бўлган фуқаролари бошқа Томон давлати ҳудудига ўзларининг расмий фаолият юритиши даврида визасиз кириш, чиқиш ва транзит ўтиб кетиш ҳуқуқига эгадирлар.

2. Ушбу модданинг 1-бандида белгиланган қоидалар жўнатувчи Томоннинг амалдаги дипломатик паспортига эга бўлган дипломатик ваколатхона ёки консуллик муассасалари ходимларига ҳамроҳлик қилувчи турмуш ўртоғи, ота-оналари ва фарзандларига ҳам татбиқ этилади.

Ушбу Битим татбиқ қилинадиган шахслар қабул қилувчи давлат қонун ва қоидаларига риоя қилишлар ҳамда хорижий фуқароларнинг кириш, чиқиш ва бўлиш тартибларига амал қилишлари лозим.

1. Ҳар бир Томон persona non grata деб ҳисоблайдиган, дипломатик паспорт эгасини унинг давлат ҳудудига кириши ёки бўлишини рад қилиш ҳуқуқини ўзида сақлаб қолади. Бундай рад қилиш кечиктирилмасдан дипломатик каналлар орқали бошқа Томонга хабар қилиниши лозим.

2. Ҳар бир Томон ушбу Битимни, қисман ёки тўлалигича жамоат тартиби, хавфсизлик ва соғлиқни сақлаш сабаблари туфайли вақтинчалик чеклаш ёки унинг амалини тўхтатиб қўйиш ҳуқуқини сақлаб қолади. Бундай чеклаш ёки тўхтатиб қўйишни татбиқ этиш ёки бекор қилиш тўғрисида бошқа Томон дипломатик каналлар орқали кечиктирилмасдан хабардор этилиши лозим.

1. Томонлар ушбу Битим имзоланган кундан бошлаб ўттиз (30) кун мобайнида дипломатик каналлар орқали ўзларининг амалдаги дипломатик паспортлари намуналари ва улардан фойдаланиш тартиби тўғрисидаги маълумотлари билан алмашадилар.

2. Томонлар бир-бирларини ўзларининг дипломатик паспортларига оид киритилган ҳар қандай ўзгартиришлар тўғрисида дипломатик каналлар орқали, у кучга киришидан ўттиз (30) кун илгари маълум қиладилар.

Томонлар, ўзаро келишувга мувофиқ, ушбу Битимга унинг ажралмас қисми ҳисобланадиган алоҳида протоколлар билан расмийлаштириладиган ва ушбу Битимнинг 8-моддасида кўрсатилган тартибда кучга кирадиган қўшимча ва ўзгартишлар киритишлари мумкин.

Ушбу Битим қоидаларини қўллаш ва талқин қилишда юзага келадиган ҳар қандай баҳс ва келишмовчиликлар Томонлар ўртасида музокаралар ва маслаҳатлашувлар йўли билан ҳал қилинади.

1. Ушбу Битим имзоланган санадан бошлаб ўттиз (30) кундан сўнг кучга киради.

2. Ушбу Битим номуайян муддатга тузилди ва у Томонлардан бирининг бошқа томонни мазкур Битимнинг амал қилишини тўхтатиш нияти ҳақида ёзма равишдаги хабарномасини олган кундан тўқсон (90) кун ўтгач ўз кучини йўқотади.

Юқоридагиларни тасдиқлаб, ўз Ҳукуматлари томонидан тегишли ваколат олган қуйидаги имзо чекувчилар мазкур Битимни имзоладилар.

Тошкент шаҳрида 2009 йил 11 май куни икки асл нусхада ҳар бири ўзбек, корейс ва инглиз тилларида тузилди, бунда барча матнлар бир хил кучга эга.

Мазкур Битим қоидаларини талқин қилишда келишмовчиликлар юзага келган ҳолда, инглиз тилидаги матн устувор ҳисобланади.